21
الموسم الثانى
الجزء الثامن و العشرون
النهايه
لكل بدايه نهايه ولكل نهايه بدايه جديده
-حلوه الڤيلا دى يا نورهان
~كنت خايفه متعجبش حضرتك
-بالعكس عجبتني جدا مساحه كويسه مكان هادى
~انا اخترتها فى المعادى حى راقى و قديم و هادى جداً
نظر أدم الى كرستين وهو يقول
-ادفعى حسابها وابدأى فى تجهيزها مش عاوز تاخد وقت كتير
•حاضر ماستر أدم
-انا دلوقت هروح لهاله الشركه
•تمام ماستر ادم
-هاخد فيروز توصلني وبعدين ترجعلك
•تمام
خرج ادم وخلفه فيروز حتى وصلوا الى السياره فتحت فيروز الباب الخلفى لأدم وجلست هى على مقعد القياده وانطلقت الى الشركه .. اما ادم فقد أمسك الهاتف واتصل بنادين
-الو
#أيوه يا سيدى
-انا فى الطريق للشركه هقابل هاله عاوزك تستنينى هناك
#حاضر يا سيدى تحت أمرك
بعد بعض الوقت وصل أدم الى الشركه .. نزل من السياره ودخل الشركه متجهاً الى مكتب هاله حتى وصل الى السكرتاريه وابلغهم بأسمه فسمحوا له بالدخول الى المكتب
دخل أدم ليجد هاله تجلس على كرسى المكتب ولكنه لم يتجه اليها بل اتجه الى الانتريه الجلدى الموجود فى وسط غرفة المكتب وجلس على الاريكه واضعاً قدم فوق قدم .. ام تجد هاله بد الى ان تقوم من مكتبها وتجلس على كرسى الانتريه وبعد دقيقه دخلت نادين وهى تلهث وتقول
#انا اسفه يا سيدى ع التأخير بس الطريق
-تمام أنا لسه واصل
وقفت نادين بجواره واضعه يدها خلف ظهرها .. مما جعل هاله تنظر لها نظرة امتعاض
*اهلا ادم معتقدتش انك هتزورنى بالسرعه دى
-نظر اليها ادم نظره قويه مما جعلها تقشعر رغم قوتها .. واضح انك متعرفنيش كويس
*حقيقى دى اول مره أعرفك
-لما تحبى تكلمينى تقولى ماستر أدم لأنى ممكن ازعل وانا لو زعلت اى حد بيزعلنى بيدفع التمن
*اعتبر ده تهديد
-ده مش تهديد يا هاله ده من باب العلم بالشئ وكمان عاوزك تفتكرى كويس انى لو فكرت آئذيكى همسحك من الوجود
*ايه يعنى هتقتلنى
-ههههههه مش متعود على القتل لانه راحه وانا بحب اشوف معاناه الشخص الى بيتحدانى
*وده ممكن تعمله ازاى يعنى
-بسيطه جداً لو الفديوهات بتاعتك انتشرت هبقى دمرتك معنوياً وكمان هحاربك فى السوق لحد ما تقعى وهتبقى ادمرتى من كل اتجاه ووقتها هترجعى المنطقه الشعبيه الى جيتى منها
*بلعت هاله ريقها بصعوبه و هى تقول .. انا تحت امرك ماستر أدم
-تمام احنا اتواصلنا مع باقى الورثه وتقريباً خلصنا كل حاجه فاضل آلاء خلال يومين هنخلص معاها
*تمام هو بالنسبه لإدارة الشركه ؟
-الاداره هتكون ليكى شراكتنا هتكون اقل من 50% المهم اننا هنساعدك انك تنجحى .. ثم نظر لنادين انتى هتهتمى بالجمعية الفتره الجايه
#تحت امر حضرتك
-اخيرا يا هاله بكره هيزورك رجل اعمال من اكبر رجال الاعمال فى الخارج هيساعدك فى الشغل ويديكى نصايح خلال الاسبوع عشان تقدرى تاخدى كل القرارت المطلوبه فى شغلك .. على فكره هو شاب صغير وبيحب السيدات الناضجه الى زيك .. ثم ابتسم أدم بخبث
أنت تقرأ
21 الموسم الثانى
Bí ẩn / Giật gânقصة سادية الخيال هو قلم كل كاتب فقد كانت هذه القصه هى أول قصه أكتبها ولذلك لما وجدته بها من مساحه للخيال أردت ان أكتب جزء جديد منها أتمنى ان يعجب كل من يقرأها تغوص نادين من جديد فى عالم الساديه .. فهل ستغرق ام ستنجو
