21 الموسم الثانى

احزان

21
الموسم الثانى
الجزء الرابع والعشرون
أحزان

عندما يتوفى المرء، يذهب إلى الحياة الأخرى ويختفي من الوجود، وتبقى الذكريات الحزينة التي كانت جميلة وسعيدة في يوم من الأيام

لا يمكن وصف ما شعرت به نادين عندما علمت خبر موت أبيها .. لم تمر عليها فى الحياه مثل تلك اللحظه من قبل لم تعرف ألم مثل ذلك الالم من قبل .. كانت الصدمه قويه لم تبكى كأن دموعها قد حبست كأنها أستعصت عليها شعرت ان العالم توقف فى تلك اللحظه ان الاصوات اختفت تمنيت ان يعود حتى تخبره كم هى تحبه كم كان قدوتها كم كانت تشعر بحنانه عليها وتفهمه لها
حضرت نادين مراسم الدفن ثم العزاء فى الليل ولم تكن تتكلم ام تنطق بكلمه حتى عندما حضرت صديقتها سمر لم تتكلم معها كانت فى حالة صدمه شديده ام تتحمل أن تجلس مع امها فى المنزل رغم محاولاتها الشديده
عادت نادين الى شقتها وهى فى تلك الصدمه
جلست على مكتبها واخذت ورقه وقلم وبدأت فى الكتابه
( أبى العزيز يا أغلى ما فى حياتى أعرف أنك تشعر بى لذلك قررت أن اكتب إليك واتمنى أن تصلك كلماتى واحاسيسى .. أبى العزيز لم اعرف الدنيا الى من خلالك يدك كانت تساندنى فى كل حياتى فى طفولتى كانت يدك تسندنى حتى تعلمت المشى كنت لا أستطيع النوم الا على صدرك كنت تستقطع من وقتك لتلاعبنى وتجلس معى كنت كل شئ بالنسبه لى .. أريد أن ابكى يا ابى ولكن الدموع تستعصى على لأنى اعلم ان كل دموعى لا تكفى لحظه واحده جمعتنا سوياً .. لا أعلم كيف سأستيقظ غداً وانا أعلم انك قد غادرت تلك الحياه .. اعلم انتى لن أستطيع رؤيتك مره أخرى الا فى الصور التى خلدت ذكرياتنا معاً ولكنى اتمنى ان تضمنى ولو لمره أخيره لان الصور لن تكون كافيه على الاطلاق اتمنى ان تزورنى ولو فى احلامى فأنا أشتاق إليك حد السماء )
تركت نادين القلم وظلت جالسه فى مكانها لم تتحرك فى حالة صمت لم تعرف كم مر من الوقت وهى بتلك الحاله  ولكنها انتبهت على دقات الباب .. قامت نادين من مكانها وذهبت لتفتح الباب .
فتحت نادين الباب فوجدت أدم يقف أمامها .. تقدم ادم خطوتين الى الداخل ثم فتح زراعيه لنادين التى ارتمت فى احضانه ولفت يدها حوله ووضعت رأسها فوق صدره وهى تقول (بابا مات يا سيدى ) ثم انفجرت فى البكاء .. كأنها كانت تنتظر ذلك الصدر لتبكى فوقه كأن ذلك الحضن قد لامس قلبها كان وجود ادم فى تلك اللحظه هو كل ما كانت نادين تحتاجه
اخذها ادم وخلع عنها ملابسها وحملها الى الحمام ثم فتح الماء الساخن ووضعها تحته .. حممها جيداً ثم أحضر منشفه ونشفها وحملها مرة اخرى الى السرير .. وضعها علوى السرير ونام بجوارها وضمها إليه .. تعلقت
نادين به ثم نامت فى أحضانه .
************************
-موت سالم بيه كان حاجه مفاجأه يا فارس
*حقيقى يا شادى مكنتش متوقعه خالص
-طيب وهاله عامله ايه
*انا سيبتها بعد العزا .. سألتها محتاجه حاجه او تحب أفضل جنبها قالتلى انها محتاجه تبقى لوحدها النهارده ومحتاجه تريح شويه
-طيب وايه خططك المستقبليه
*مش عارف مفكرتش فى حاجه زى دى قبل كده
-او مفكرتش قبل كده دلوقت لازم تفكر انت عارف الوضع بقى عامل ازاى دلوقت ..؟
*مش فاهم تقصد ايه
-يعنى الاول كان كل طموحك الجمعيه دلوقت احنا بنتكلم فى ثروه لا يمكن تخيلها
*عندك حق سالم بيه ده عنده مجموعة شركات وبيشتغل فى كل شئ بترول وانشاءات وسياحه ثروه فوق الخيال فعلاً
-ودلوقت المسئول عن كل ده هيبقى هاله
*فعلاً وبرغم ان هاله بقت خاتم فى صباعى بس الموضوع لازم ليه تخطيط كويس وتفكير خارج الصندوق
-تقصد إيه بخارج الصندوق
*اقصد ان آن الأوان بقى علاقتنا تبقى فى النور
-تبقى فى النور ازاى يعنى
*اقصد اننا نتجوز
-يا أبن اللاعيبه بس تفتكر ان هاله ممكن توافق على حاجه زى دى
*ومتوافقش ليه يعنى
-رغم انها خاتم فى صباعك زى ما انت بتقول لكن عندها اكتر من سبب يخليها متوافقش
*اكتر من سبب زى أيه يعنى
-أول حاجه هاله عندها بنتين نادين واختها الاء الكبيره الى متجوزه وعايشه بره واعتقد انهم الاتنين مش هيوافقوا انها تتجوز بعد ابوهم خصوصا لو هتتجوز واحد أصغر منها بكتير وتانى حاجه بقى واعتقد انها الاهم هاله يهمها جدا جدا نظرة المجتمع ليها وفكرة ان الناس تتكلم عليها انها اتجوزت واحد اد ولادها دى فكره معتقدش انها هتتقبلها بسهوله
*صح انت صح .. عشان كده الموضوع ده عاوز تخطيط كويس أوى الفتره الى جايه لازم هاله تحس انى جنبها فى الوقت الى هتحس فيه بالوحده لأن زى ما انت عارف نادين عايشه لوحدها وألاء مش عايشه فى مصر .. لسه الموضوع مش مظبط فى دماغى لازم آخد وقتى وافكر كويس
*صحيح نورهان مكلمتكش النهارده
-هتكلمنى النهارده ليه ده احنا لسه ماشيين من عندها النهارده الصبح
*اه احنا شربنا لما ضعنا تصدق انا مش فاكر ايه الى حصل بينا
-هههههه اكيد كل خير
*لا بجد انا دخلت معاها الاوضه وبعدين مش فاكر حاجه خالص بس صحيت من النوم لقيتها نايمه جنبى عريانه وانا كمان عريان
-عادى يعنى احنا كنا فى حالة سكر يا بيه
*طيب عاوزين يومين كده ونبقى نقابلهم تانى اصل انت بحب افتكر الى عملته ديما هههههه
-خلاص المره الجايه متشربش كتير ههههه
*****************************
دخل محمد من الباب ليجد سمر تجلس فى الريسيبشن
-مساء الخير
*مساء الخير يا حبيبى
-رجعتى امتى
*لسه راجعه من شويه
-نادين عامله ايه
*ربنا يكون فى عونها فى حالة صدمه حتى حاولت اتكلم معاها بس مش قادره تتكلم خالص
-الوضع صعب يا سمر طبيعى يكون حالتها كده خصوصاً انك قولتى انها كانت متعلقه بأبوها جداً
*نادين كانت ديما فى مشاكل مع مامتها ديما كانت بتشتكى انها مش فاهماها ابوها بقى كان الايد الى بتطبط عليها وديماً كان بيسمعها ويفهمها
-ربنا يكون فى عونها
*بصراحه انا كان نفسى اقولك انى أروح ابات معاها كام يوم انت عارف انها قاعده لوحدها زى ما قولتلك
-امممم الفكره مش انك تباتى معاها اليومين دول هى هتتنقل كتير وهتروح العزا فهتبقى يدوب بتبات لوحدها
*مهو انا عاوزه ابقى جنبها اكبر وقت ممكن ومش عارفه اعمل ايه
-الى تعمليه انك تاخدى رأيها فى اى خطوه يعنى اعرضو عليها انك تباتى معاها مثلاً وشوفى هى هتقولك ايه حاولى تعملى الى يريحها اليومين دول
*خلاص بكره هقولها واشوف هتقولى ايه .. طيب غير هدومك عشان تتعشى انا طلبت بيتزا ووصلت هدخل الحمام واحضرلك العشا
-طيب ماشى
دخلت سمر الحمام ثم احضرت جهاز اختبار الحمل التى كانت أحضرته من الصيدليه حيث انها منذ ايام بدأت تشعر ببعض الاعراض .. فهى منذ ايام بدأت تشعر بكثره فى التبول واحياناً تشعر بغثيان وبعض الارهاق .. تبولت سمر لمدة خمس ثوانى على رأس انبوب جهاز الاختبار ثم انتظرت عشر دقائق كما هو مبين فى نشرة الجهاز ..وبعد مرور العشر دقائق نظرت سمر على الجهاز لترى النتيجه وعندما رأت سمر النتيجه ايجابيه كادت ان تطير من الفرحه نزلت دموعها من الفرحه شعرت كأنها ملكت العالم .. كانت فرحه بعد معاناه شديده
خرجت سمر من الحمام واعدت الطعام وجلست هى ومحمد لتناول الطعام
*الشغل عامل ايه يا حبيبى
-ماشى كويس .. هو متعب كالعاده بس فى الاخر لما بتحققى الى انتى عوزاه بتحسى برضا
*انت تعبت معايا اوى يا محمد فى موضوع العمليه والعلاج وصبرت كتير
-ايه الى انتى بتقوليه ده .. انا بحبك يا سمر ودى طبيعة الحياه اننا نواجهه صعوبات بس مدام بنواجهها مع بعض هتعدى وكمان هتبقى ذكرى حلوه
*انا عندى ليك خبر حلو
-ايه يا سمر
*انا عملت اختبار حمل وطلع ايجابى
-ترك محمد الطعام ونظر اليها وهو يقول .. انتى بتتكلمى بجد
*اه
-قام من مكانه وذهب اليها وضمها بشده .. ياااااه الحمد لله يا رب الحمد لله .. من النهارده متتعبيش نفسك فى أى حاجه عاوزك ترتاحى علطول وانا هوفرلك كل الى نفسك فيه
*مش مستاهله كل ده يا حبيبى
-لا .. لازم نحافظ على عتريس لغاية ما يجى للدنيا بالسلامه
*عتريس مين
-عتريس ابننا
*عتريس ايه انت هتهزر ايه الاسامى الغريبه دى
-انا هسميه عتريس لحد ما يجى
*هههههه بحبك يا ابو عتريس
-وانا بحبك أوى يا سمر
**************************
استيقظت نادين لتجد أدم بجوارها مستيقظ وهى فى أحضانه
*سيدى حضرتك صاحى
-اه صحيت من شويه بس لقيتك نايمه محبتش اقلقك
*يا نهار ابيض .. انا شكلى تعبت حضرتك معايا
-لا متعبتنيش خالص أنا كنت حابب ابقى جنبك فى ظروف زى دى
*حضرتك متتصورش وجودك عمل فيه ايه ..انا كنت فى حالة صدمه حتى مكنتش قادره اعيط معيطش الا لما حضرتك ضمتنى فى حضنك كأنى كنت بغرق وحضرتك طوَّق النجاه
-انا جيت عِشان كنت عارف ان وجودى هيفرق معاكى
*بس حضرتك عرفت منين
-كرستين عرفت وبلغتنى
*طيب وهى عرفت منين
-موظف عندكوا قالها
*موظف عندنا وعرف كرستين منين
-بطلى أسأله كتير .. انتى عاوزه يتقطع لسانك بس الظروف متسمحش
*لا خلاص انا أسفه يا سيدى
-طيب قومى اشربى اى حاجه والبسى عشان تروحى لوالدتك لازم تبقى موجوده هناك من الصبح وكمان تفضلى موجوده لحد بالليل عشان العزا وانا هرجع ابات معاكى بالليل
*سيدى انا مكنتش اتصور انك حنين كده
-مش موضوع حنيه بس لازم أبقى جنبك لما تحتاجينى
*ربنا يخليك ليه يا سيد الناس
قامت نادين ونفذت ما قاله ادم ثم غادروا الشقه وأوصلها ادم الى منزل والدتها وتركها وانصرف .. دخلت نادين المنزل لتتفاجئ بألاء قد عادت من السفر
*ألاء .. تقدمت نادين الى ألاء وعانقا بعضهم البعض .. وحشتينى أوى يا ألاء
•وانتى كمان يا نادين
*جيتى امتى
•من حوالى ساعه .. لما عرفت الخبر امبارح فضلت أعيط وأصريت ان حاتم يحجزلى على اول طياره
*وفين ولادك
•مجبتهمش معايا .. حاتم عنده شغل فمعرفش يجى فسيبت الولاد معاه .. انا قولت هاجى الاقيكى وبعدين ماما قالتلى انك قاعده لوحدك مش قاعده معاهم
*اه قاعده فى شقتى
•طيب ما هنا بيتك ازاى تسيبى هنا وتروحى تعيشى لوحدك
*الاء .. هى ماما الى قالتلك تقوليلى كده
•لا خالص بس هى قالتلى انك عايشه لوحدك .. بس دلوقتى خلاص يا نادين مينعش تسيبى ماما لوحدها
*الا انتى عارفه كويس انى انا وامك مينفعش نعيش مع بعض
•يا نادين انتى عارفه ان اى حاجه بتعملها بتكون عِشان مصلحتنا
*لا معرفش
*انتى مش بتفكرى الناس هتقول عليكى ايه بعد ما بابا مات وانتى قاعده لوحدك
•انتى بترددى نفس كلام الى هى بتقوله ؟ .. وبعدين ان ميهمنيش رأى الناس فى حاجه رضا الناس غايه لا تدرك .. المهم انتى ناويه تقعدى اد ايه
•اسبوعين انا عامله حسابى اقعد أسبوعين وكمان عِشان بالمره نعمل اعلام الوراثه
*اعلام الوراثه آااه .. ماشى يا ألاء .. انا هاغل قرآن
•طيب ان مضطره اطلع ارتاح شويه عشان تعبت من السفر
*اه طبعا طبعا اتفضلى
صعدت آلاء الى احد الغرف اما نادين فقامت بتشغيل قرآن ليملأ صوته المنزل وهى تقول .. ربنا يرحمك يا بابا

يتبع