علىٰ أنغام اغانى فيروز تقف سيلين وسط لوحاتها وعالمها الخاص الذي يأخذها من ضجيج العالم إلى الخيال
مكنتش اعرف أن صوتك حلو لا ورسمك كمان لا فنانه فنانه يعنى
استدارت سيلين تنظر الىٰ صاحب الصوت
:- أوس أنتَ بتعمل ايه هنا !؟ وعرفت مكاني ازاى
أوس بضحكه ساخره وهو يدلف داخل المرسم :- انا أوس المحمدي يا سيلين اعرف اي حاجه في اي وقت.
بتنهيده ونفاذ صبر
:- طب وخير بقىٰ يا استاذ عارف كل حاجه عاوز ايه!؟
أوس وهو يضع يدَيه في جيب بنطاله بتكبر
:- هما كلمتين جاي اقولهم ليكِ اسمعينى من غير مقاطعه لو سمحت
:- أتفضل بس لو حاجه بخصوص الموضوع بتاع المره إلي فاتت أنا مش عاوزة اسمع حاجة
طالعها بهدوء على عكس ما بداخله
:- بصي بقىٰ هو بخصوص الموضوع بتاع المره إلي فاتت وهتسمعِ للآخر، أحنا هتفضل صحاب زى ماحنا بس العرض بتاعي لسه قائم، و متقوليش ليا انك مش هتفكري غصب عنك هتفكرى، وتاخدى وقتك في التفكير كمان بعد كده تردي عليا سلام.
تركها وغادر وهى حتّٓى الأن لا تستوعب ما قاله
:- مجنون ده ولا ايه!؟ يارب أنا مش ناقصه مجانين خالص
عادت سيلين لمنزلها وهى تفكر في طريقة أوس المجنونه، ونظراته الغريبه تجاهه، صعدت لغرفتها لتستقبلها والدتها أمام غرفتها
نادية وهى تذهب في اتجاه سيلين
:- ما لسه بدري يا هانم
زفرت هى بضيق وتستغفار بداخلها
:- آه ماهو يوم مش معدي، خير يا نادية هانم في ايه!؟
:- أنتِ من بكره هتنزلي الشركة يا اما بقي اعملى توكيل ليا أنا مش هوقف الشغل عشان خاطر دلع حضرتك، و خطوبتك أنتِ ومروان الخميس الجاي خلي بالك
تستشيط سيلين غاضبه من كلام والدتها لترد عليها أنفجرت بوجهه كالبركان وقال ما دام بداخلها سنوات
:- قولي كده بقي يا نادية هانم أنا اعملك توكيل وتاخدي انتِ كل حقي من ورث بابا و اتجوز ابن اختك المتخلف ده وتبقي خلصتي مني أنتِ بتحلمى يا نادية هانم
تلقت صفعه من والدتها على وجنتيها وهى ترمقها بنظرات شر لتسقط سيلين ببكاء
:- أنتِ ايه يا شيخه جبروت، حرام عليكِ أنا بنتك
جذبتها من شعرها، و سيلين لا تقوى سوى على البكاء والصراخ؛ لتهبط بها درجات السلالم وسط صريخ سيلين بطريقة هستيرية
:- أنا هوريكِ الجبروت على حق
#يُتبع
أنت تقرأ
واحبت الجميلة الوحش (مكتمله)✔️ زينب سلامة
Mystery / Thrillerهو الوجه أمام العالم من اشهر الأطباء .. لكن الوجه الحقيقي هو زعيم مافيا تاجر أعضاء.. أما هى أحبته رغم قسوته ولكن هل يكفي حبها ؟ هل تضيع ثأر اغلى الأشخاص على قلبها من أجله ؟
