واحبت الجميلة الوحش (مكتمله)⁦✔️⁩ زينب سلامة

4

عَالم غَرِيبُ لا يَصح لملاك مثُلكِ يا فتاتي العيشُ في أنتِ شىء نَادَر في دُنَيَا أصَبَحَ الوحوش أسيادها، ويـا لا حظك العَثِر الذي أوقعك في إحدى هذه الوحوش ....

                            ******

تجلس أمامه سيلين في إحدى الكافيهات صاحبة الزوق العالى

:- ها اي بقىٰ الموضوع إلي عايزني في

طالعها أوس مُبتسمًا
:- علىٰ طول كده، طب تشربي اي الأول.

كانت طفولتلها وفضولها هم مَن يتحدثون بدلًا منها
:- لا بص بقىٰ أنا شخصية فضولية جدًا يعني كويس إنِ ساكته الكام يوم دول  عشان اعرف أنتَ عايزنى في اي

:- هقولك بس المهم تشربي ايه

:- اى حاجه عصير اى حاجه

قرر أوس الخوض في الحوار مباشرتًا من الواضح أنها لم تساعده علىٰ مايدور في عقله
:- بصي بقىٰ أنا مش بعرف اقول مقدمات من الاخر كده تتجوزيني

جحظت عينيها من مكانها من حديثه، لتحاول الإجابة عليه ولكنه قاطعها قائلًا
:- فكرى مترديش دلوقتى انا

لتقاطعه سيلين بنفس الطريقة
:- بص يا أوس انتَ شخص كويس ومفيش واحدة ترفضك، بس أنا مش عاوزة فرصه عشان افكر أنا مش موافقة، ولا عليك، ولا على غيرك، عن اذنك أنا لازم امشي

لتذهب سيلين وتترك نار مشتعله من خلفها اقسم أنها لو استدارت ورأت عيون أوس المشتعله لكانت احترقت من نظراته

تصل منزلها وتدلف غرفتها بهدوء أنها الأن ليست بحاله جيدة لكي تأخذ درسًا من والدتها وكأنها فتاة لما تكمل الخامسة عشر من عمرها،
دارت براسها على مخضعها لتجد قطتها تآتى لها وكأنها تعلم بحزنها، وتريد التخفيف عنها اتسعت ابتسامتها وتقدمت باتجاهه.

:-معرفش بعد عننى ليه يا كيتى مش كان زمانا دلوقتى معاه مش فاضل ليا حاجه غيرك من ريحته

"اخذتها ذكريتها إلىٰ الخلف قليلًا، وبتحديد منذ 3سنوات"

:- اي يا حبيبي فينك لحد دلوقتي

:- أنا قدام البيت بلظبط ياقلبي افتحي أنتِ ولا نقعد بره أحسن!؟

:- حاضر يا حبيبي جاية اهو، ونشوف نقعد فين دي لما اجيلك

خرجت تستقبل أدهم وهى مبتسمة بحب ليحتضنها ادهم
:- وحشتينى أوى
تطلعت هى إليه بنظرة خُبث
  :- يا كداب ما أنت لسه شايفنى امبارح.
:- انتِ بتوحشينى كل ثانية ياقلب ادهم

تلاحظ سيلين شئ خلف ظهر ادهم
:- في ايه وراه ظهرك

:- دي حاجة أنتِ كان نفسك فيها اوى

اجابت هى بفرحه عارمه
:- الله اكيد قطه وريني

يضع أمامها صندوق خاص بالحيوانات ويخرج منها قطه في قمة الروعه
:- الله اى الجمال ده، حلوة اوى

:- اهم حاجه انها عجبتك ها هتسميها اى

لم تأخذ إلا بضع ثواني لتردف بتفكير
:-  كيتى هسميها كيتى

نظر لها بضيق من هذا الاسم العجيب
:- اي الأسم الطري ده، لا شوفي حاجه احلى.

:- أسميها عباس يعني!؟ دى قطه لازم ادلعها.

:- خلاص براحتك القطه قطتك، همشي أنا بقىٰ عشان عندي شغل الصبح

كانت تعيق الخروجة وهى تقف أمامه بتزمر طفولى :- لا خليك معايا شوية

أبتسم بحب وهو يطالعها لا يعرف إذًا كانت هذه حبيبته أمَ ابنته
:- كلها شهر وتبقي في بيتي، وتقولي امته تمشي بقي عاوزة اقعد لوحدى

:- أولًا اسمه بيتنا مش بيتي ثانيًا بقىٰ وده الاهم، أنا عمرى ما زهقت منك أنا مش عاوزة من الدنيا غيرك

ليحضنها ادهم بحب
:- ربنا يخليكِ ليا يا قلبي خلى بالك من نفسك، هتوحشينى

قبضه تعصر قلبها  ولا تعلم ما هذا الخوف الذي امتلكها
:- لا، لا، في حاجة مش صح ادهم خليك معايا عشان خاطري

تعجب من تحولها المفاجئ
:- مالك بس أنا معاكِ اهو وهكون معاكِ دايمًا حتى وأنا مش موجود، لا اله الا الله

:- محمد رسول الله

ذهب ادهم ويترك سيلين بخوفها الذي لا يوجد له اى سبب

لتنظر سيلين حولها وتلمح هاتف ادهم بجانب صندوق القطه لتسرع في اتجاه البوابة الخارجية وبيدها الهاتف
وهى تنادي عليه مُكرره
:-أدهم
نظر لها ادهم و يستدير لكي يعود إليها، لكن قبل أن يصل إليها ...

تخترق رصاصه جسده بلا رحمة

ظلت سيلين في مكانها لم يَرف لها جفن، وهى تره ادهم جسد بلا روح أمامها، ذهبت إليه بخطوات غير متزنه وتجلس أمامه وتضم جسده إليها
:- ادهم حبيبي قوم أنتَ سامعني صح!؟ حبيبي
قوم يا ادهم

مالت براسها على صدره لتستمع لضربات قلبه لكن لايوجد صاحت بصريخ مقهورة من أعماق قلبها
:-أدهم .....

عادت من ذكرياتها، تجفف دموعها، وتغلق الانوار، وتذهب في ثبات عميق، هى ودموعها

                      ★*★*★*★*★

لما تهدئ نيرانه بعد، مازال الجحيم مشتعل في عينيه كيف يتمنى أن يآتى اي شخص يقبض روحه بين يدي لكِ يرتاح قليلًا من هذه النار.

تحدثت كارما بنفاذ صبر
:- ماخلاص بقىٰ يا أوس، البيت مبقاش ينفع تاني انتَ بهدلته

نظر إليها بعيون حمراء
:-غوري من وشي يا كارما، عشان متندميش على اليوم إلي اتولدتِ في.

ذهبت تجلس بجانبه بفتور وكأنه لم يقوم بطردها الأن
:- كل ده عشان البت دي، ما تغور في داهيه أنتَ هتتجن عليها كده ليه!؟

أوس وهو يتجرع كأس من الخمر لتبريد ناره وتُذيد ذنوبه
:- مش أوس المُحمدي إلي واحدة زى دي ترفضه، هتشوفي وهجبها تحت رجلي ويانا يا أنتِ يا سيلين ياصياد

#يُتبع