واحبت الجميلة الوحش (مكتمله)⁦✔️⁩ زينب سلامة

24

طبعا كلكم عارفين أن الرواية اتسرقت وهو ده سبب التاخير

#الحلقة_الرابعة_والعشرون
#واحبت_الجميلة_الوحش

في منزل يزن

:- مشي حالك مع الواد اليومين دول اتسهوكى عليه كده متخلهوش يشك فيكى

سيلين بقرف:- اتسهوك اى بس انا مش طايقة وشه بشوفه احس انى شايفه عفريت انا عايشه مع تاجر أعضاء عارفه يعنى اى ده ممكن يقتلنى في اى وقت يا رغد

رغد بهدوء:- ياسيلين انتى كنتى عايشه مع نادية إلى ابشع من اى عصابه ودخلتى مصحه نفسيه مع المجانين وطلعتى من وسطهم مش هتعرفي تعدى من اوس ده

لا تعرف ماذا تقول لها هى لا تفهم ولا تشعر بالذى تعيش به

:-انتى مش فاهمه حاجه يا رغد
اوس ده بيحبنى من قبل ما ادهم يموت يعنى لما عملى العميلة كان بيحبنى في عز ماهو بيحبنى سرق كليتى اومال لو بيكرهنى هيعمل فيا ايه انا خايفه اوى ممكن يعمل فيا حاجه في اى وقت ولا هفرق معاه ..

رغد وهى تفكر ماذا يجب عليها أن تقول:- معلش ياحبيبتى كلها فترة صغيره وتخلصي منه هو ونادية وكل حاجه هتكون زى الفل المهم دلوقتى انك متطلعيش خسرانه

سيلين بستغراب :- مطلعش خسرانه ازاى

رغد بخبث:- يعنى بصراحه كده تقولى انتى كرهتى اوس ولالا

عبثت سيلين بشعرها قليلا :-
اكون بكدب لو قولتلك انى بكرهه ولا حتى مش طايقة ..
انا معرفش انا حاسه بايه يمكن مش مستوعبه اصلا أن هو يعمل فيا حاجه زى كده

لتكمل حديثها بابتسامه حزينه:-
انا من يوم ما اتجوزنا مشوفتش منه حاجه وحشه على طول بيحمينى لما اتخطفت كان هيتجنن عليا ..
ولما تعبت وروحت المستشفي لما فوقت الممرضه قالتلى ده كان هيتجنن عليكى وكان بيقول البيبي مش مهم اهم حاجه عنده انا اكون كويسه ده واحد تصدقي أنه عايز يأذنى

رغد بتفكير :- مش عارفه لا وكمان الحراسه إلى من ساعه الى حصل وانتى رايحه جايه في موكب زى ما تكونى زوجة رجل مهم

لتضحك سيلين على جملتها :- اه زوجة رجل مهم اه ..

رغد بجدية :- اتكلم بجد بقي بصي انتى في ايدك انك تخلصي كل ده لو بتحبي اوس اتنزلى عن كل حاجه ووجهي شوفي لما يكون في موجهه هيعمل اى ..
ده كمان في حاله لو انتى عايزه ابنك او بنتك تعيش معاه

تفكر سيلين في الأمر هى بالطبع لا تريد أن يعيش طفلها بدون اب سوف يسألها كل فترة عن والدة ماذا ستقول له
تقول إنه مجرم ويأخذ عقابه في أحد السجون ..
يا الله هى لم تفكر في هذه الشئ من قبل

:-معاكى حق يا رغد انا لازم اتنازل عشان ابنى

رغد بهدوء :- بس ده ميمنعش بردو انك لازم تاخدى حقك