واحبت الجميلة الوحش (مكتمله)⁦✔️⁩ زينب سلامة

30

ليه يا سيلين ليه تبيعي واحد عايز يبيع الدنيا كلها ويشتريكى انتى ..
ليه انا اتباع بالرخيص كده

سيلين بصدمه :- انت قصدك ايه

اوس :- لما اجى كل يوم اترمى في حضنك وانا مطمن ان عمرك ما هتخونى

ليسحبها من شعرها بقسوة :- اول قلم اخده في حياتى يكون منك ليه انا عملت ايه عشان تعملى فيا كده

لتصرخ سيلين بكامل صوتها :-  انت عرفت منين ..سيب شعرى وانا اقولك عملت ايه سيب

اوس بغضب :- تبقي هبله ياسيلين لو فكرتى انى مش حاطط كاميرا مثلا في المكتب

ليضع يديها خلف ظهرها ويقبلها بشراسه لتبكي هى :- بلاش يا اوس عشان خاطرى متخليش اخر ذرة حب ليك جوايا تروح عشان خاطرى
ترك شعرها صمت ينتظر منها تبرير لموقفها لكن لم ياخذ غير صفعه ..

هل صفعته الان
او أنه يتخيل بالتأكيد

لتكمل هى بقوة واخيرا سوف تحرر الجبال الذى تحمله على عاتقها :- كان نفسي اديك القلم ده من زمان اوى عارف من امته ..
من يوم ما اتخطفت من مروان شايفه انا شايفه منك وساكته بقالى قد اى

لينظر لها  بالم يحمله هو أكثر من آلامها بكثير :- وايه السبب بقي إن شاء الله عشان معرفتش الحقك

سيلين :- لا عشان عرفتك على حقيقتك عرفت انى متجوزه تاجر أعضاء

لتبكي هى الاخره وهى تحاول الصمود :- واخر عملية ليه كانت أنه يسرق كليت البت الهبله إلى خبطها بالعربيه

*فلاش باك*

استمعت لصوت طلقة نارية لكنها لم تخترق جسدها لتفتح عيونها وتنظر لمروان الذى يحدق بها بعيون جاحظه ليسقط فوقها وتبكي هى برعب

ليقوم بسحبه من فوقها ويلقي جانبها:- قومى انتى لسه هتعيطى يلا

لتقف سيلين وتذهب معه بتجاه سيارته :- شكرا يا كارل انك لحقتنى

كارل بسخرية :- مش حبنا فيكى ولا ف اوس لحقتك عشان مشفق عليكى بصراحه وعلى إلى ف بطنك مش انتى حامل بردو

اومأت سيلين براسها عدت مرات :- مشفق عليا ليه إن شاء الله كل ده عشان اتخطفت

ليضحك هو بصوته كله :- لالا بجد هموت من الضحك مش قادر يا حرام ده اوس طلع شرير اكتر منى والله عظيم يا اوس ..

سيلين بضيق منه :- انت بتضحك على ايه وممكن متقولش كده على اوس لو سمحت

كارل وهو يحاول منع ضحكاته:-
اه طبعا طبعا اوس ده راجل عظيم كفايه أنه مغفلك لغايت دلوقتى على كده بقي ولا تعرفي أن الحدثه كانت مقصوده ولاا تعرفي انك اخر مهمه من مهمات الدكتور  اوس المحمدى

سيلين وهى لا تفهم كلامه :- انت قصدك ايه يعنى بكل ده

كارل بجديه :- شكلك كده هبله وهتعب معاكى من الاخر كده الحدثه بتاعتك كانت مقصوده عشان انتى مواصفات كليتك الوحيده إلى كانت متطابقه مع ابن واحد من أكبر الناس إلى اوس تحت جناحها وكان لازم اوس  يعمله عمليةوينقذه فا اخد كليتك