انـاَ والغْــريّــبَ (مـكتـمـلة)

الجزء السابع

شمدريني 😔
الجرح من اشتاگلك يكبر💔
شمدريني 😔
#المفارگ ناس مو بالكاس
لكن بالصور #يسكر

بعد مندك الباب وياسر صاح

ياسر"......منووو

منار"......ضربته وكتله شبيك انته تريد تفضحني ناس متعرفك شلون تصيح

ياسر"..... اي كليلهم ابن عمج ابن خالج اي شي إذا سءلوج عود

منار"..... لا وعوف الباب يندك هسة شويه ويرحون منفتحه

ياسر".......... عوفي شتسوليله .

منار".....اي وشنو ليش ما اكدر احجي لبيبي كلشي ؟ اكدر وبس تطلع من مستشفى راح احجي كلشي الهة

ياسر"......متكدرين

منار "........ لا اكدر موو بكيفك

ياسر"........تتأذون بس تحجين ويعني حتة لو كلتي  شنو تكدر اسوي وهية مريضه

منار".....ارفع عليك دعوة ولتنسه احنه بس سيد عقدنه

ياسر"......اي هوة راح نعقد محكمه بس تطلع من مستشفى راح اتقدملج رسمي وهية اكيد توافق وين تلكه مثلي

منار"......متكلي شهل غرور الي عندك

ياسر"........منو كلج هذة غرور هذة كلام صحيح اني محجيت شي غلط

منار "...........اي خل نروح والله كريم كلشي بوكته حلو

ياسر"..........الله كريم قابل بخيل

مشينه اني ويا بس من وصلنه يم الباب صحت

منار"...... اوووووكف

ياسر "........شكو شبيج

منار"...... خل اباوع خاف اكو أحد بشارع ،

ياسر"......اكلج شو محسستني اني صاحبج

منار"......مو صاحبي بس الجيران ميعرفونك هنا اذا احد شافنه طالعين من البيت شيكول !

ياسر"...... اي وشنو يعني اكللهم زوجهة

منار"....... منو يعرف اني مزوجة ااذا بيبي نفسهة متعرف ناس شلون يعرفون

ياسر".....بس هل اسبوع بعدهة تصيرين زوجتي كدامهة كلهة واشوف يا ...***  يحجي

منار "......اولا لتفشر ثانيا منو كال راح اتزوجك

ما شفته غير دفعني جوة بالبيت

ياسر".......فوتي هسة راح تصيرين زوجتي لأن زودتيهة حيل

منار".......هدني يمعود ، يا زوجتك كاافي اشاقه ترة

ياسر".......لا ماكو شقه، فوتي

منار"......والنبي  اشاقه كافي بعد ما احجي اي شي بس خل نروح

ياسر"....... هل مره سماح متكرر لأن مرة ثانيه إذا كلتي كلمه طلكني مراح اشوفين خير صدكي