သူ့အသက်မငယ်တော့ဘူးဆိုပေမဲ့ မိန်းကလေးတစ်ယောက်ရဲ့လက်လေးတောင်
မကိုင်ဖူးသေးဘူးလေ
.......
မြေခွေးနှင့်ဝံပုလွေတို့၏ အကြားအာရုံတုန့်ပြန်နိုင်စွမ်းမှာ
အတော်လေးကိုမြင့်မားကြ၏။
ဒါပေမယ့် ကြားရသည့်အသံအရတော့ ကျိန်းသေပေါက် ကောင်းတဲ့ကိစ္စမဟုတ်လောက်။ စုန့်ချီ၏ခြေထောက်များမှာ မြေပြင်ပေါ်မှမရွေ့နိုင်ဖြစ်နေကာ တွန့်ဆုတ်တွန့်ဆုတ်ဖြင့် ပြောလိုက်သည်။
"ထားလိုက်ပါတော့, ဒုက္ခမရှာပဲနေရအောင်ပါ"
ဝမ်ချန်ချူးကတော့ သေချာပေါက်ကို ကွဲလွဲစွာတွေးတောနေတာဖြစ်သည်။
သူက ကျစ်ခနဲ စုတ်သတ်လိုက်ပြီး---
" ဘာတွေကြောက်နေတာလဲ ?
ငါတောင်မကြောက်ဘူး..
ဒီလိုမျိုး နန်းဆောင်အကြီးကြီးတွေမှာက လျှို့ဝှက်ကြံစည်တာတွေဘာတွေ အလုပ်နိုင်ဆုံးပဲ
ရောက်လာပြီးမှတော့ တစ်ခါလောက် သွားကြည့်ကြရအောင်ပါ "
"မင်းက မော့ယောင်ဂိုဏ်းရဲ့လျှို့ဝှက်ချက်တွေဖော်ဖို့ ရောက်လာတာလား ? "
စုန့်ချီကဆို၏။
" ခိုးကြောင်ခိုးဝှက်ချောင်းကြည့်တာတွေဆိုတာ သေးသိမ်တဲ့လူတွေပဲ လုပ်တဲ့အလုပ်..
ငါကတော့ ပြန်မယ် "
ဝမ်ချန်ချူးက သူ့အားနားလည်ရခက်သော အကြည့်များဖြင့်ကြည့်လာသည်။
" ဘယ်သူကမင်းကိုဆုံးဖြတ်ခိုင်းလို့လဲ ? "
ဝမ်ချန်ချူးက သူ့ပုခုံးကိုတင်းတင်းဆုပ်ကိုင်လိုက်ပြီး
တရွတ်တိုက်ဆွဲခေါ်သွားသည်။ သူမသိလိုက်ခင်မှာပဲ
ဝမ်ချန်ချူးခေါ်ဆောင်ရာနောက် ကြောင်ကြောင်အအ ဖြင့်သာလိုက်ပါလာရသည်။ မောမောဟိုက်ဟိုက်
ပက်သက်ရှိုက်သံများက ပို၍ပို၍ကျယ်လောင်လာသည်။
ထိုအသံများကြောင့် ဝမ်ချန်ချူးက ညစ်ကျယ်ကျယ် ရယ်ချလိုက်ပြီး ဇဝေဇဝါ ကြောင်တောင်တောင်ဖြစ်နေသည့် စုန့်ချီကိုတစ်ချက်ကြည့်လိုက်သည်။ သူက စုန့်ချီပုခုံးပေါ်က လက်ကိုပြန်ရုတ်လိုက်ကာ နန်းဆောင်ထဲသို့ ဦးဆောင်ဝင်သွားသည်။
YOU ARE READING
မြေခွေးမိစ္ဆာကျင့်ကြံရေးလမ်းညွှန်
Romance[FDCM] 【2nd book of a Trilogy】 It's just a fan translation. I don't own anything of this story. Full credit to original author Feng Ge Qie Xing & English translator Lianyin. - အင်္ဂလိပ်ဘာသာပြန်ဆိုသူထံမှ ခွင့်ပြုချက်ရရှိထားပြီး -
