أحببتك أكثر مما ينبغي وأحببتني أقل مما أستحق
ان ما وجدته فيك جعلني لا اتقبل ان اكون في حياة احدهم شيئاً عادياً .. لستُ نادماً ولا متقبلاً ذلك السوء منكِ فأنتي كـ سائر الناس ترغبين بما هو صعب عليك وتسترخصين ما هو ميتمٌ بك .. لا لستِ قاتلتي وانما انا من سكبت السُم في قدح تعلقي وافراطي
# مقتبسة من رواية أحببتك أكثر مما ينبغي
🖤💜
سامي إتخد القرار أنو اليوم يعترفلها يحبو الكبير لي عندو قداه و هو مدفون داخلو و حاس أنو هي تاني تبادلو شعور لأنو صارو يتفاهمو مليح علاهاديك حب يدير إعتراف أسطوري جماهيري قداام الناس الكل و خمم في فكرة رومانسية و حتى هي زادة تصدقو أنو صح يحبها وجد كلش كي صونات وقت الساحة
كان رح يتراجع بصح تشجع هز مكبر صوت قربو من فمو وهو متوتر خدا نفس وقال ميليناااااا
قمر : يايما هبل خلات تتروبل اليوم
مايا: علاش واش كاين ؟؟
قمر: سامي المهبول رايح يقول لميلينا أنو يحبها
مايا : واااااتت ؟؟
مريا في عالم آخر : علاه وش رح ادير
ميلينا : علمي علمك علاه اعيط على قصامي درك انا
مايا بصوت خفيف سمعتو غير قمر: قمر علاه خلتيه اديرها ولله درك تخلى ولله اذا مقلبتش دنيا راهو مليح
قمر : قتلو محبش يسمعني بصح مدنيتش اسمع ليسي كامل اف منو اف
سامي : ميليناااا
ميلينا وقفت قدامو وحاير وش قاعد ادير :
ميلينااااا منهار شفتك ونتي في بالي منهار عرفت شخصيتك هبالك طفولتك مزاجية تاعك قصفك عشقتتتتك اييييه عشقتك
ميلينا : هبلت وش قاعد تهدر
سامي: اييه هبلت و أنني سبابي هبلتيني و مخي قلبتيهولي راني غارق فيك أفهمي يا طفلة
مايا : ميلينا هيا نروحو مبعد احكيو
ماريا مصدومة مبعد فاقت : ميلينا هيا تعود تقول حاجة تندم عليها
ميلينا : حبسو كيما راكم هات مكبر صوت
هو فرح قاصو ريح تقولو مام انا بصح عطاتو كف لا يقرى و لا يحسب دورتلو وجهو قدام الناس الكل لي بقات حالة فمها من صدمة لي مشوكي و غايو سامي و لي يضحك
ميلينا بكل صوتها ؛ انا منحبكش وجامي رح نحبك كون اكون عندي ١٠ قلوب منمدلك حتى واحد سمعت أنا كون نصيب منشوفكش
قمر مايا مريا مشوكييين كيفاه قدرت تحكي كيما هكا كيفاه جرحتوا قدام كتر من ميات عبد كيفاه قلبها قسى لهاذ الدرجة
قمر : ميلينا وش درتي حرام عليك
ودورت راحت السامي يلي مدمر جسد بلى روح
قمر: سامي جوبني راك مليح
شاف. معاها و عينيه مدمعين أول مرة تشوفو هكاك تبسم معاها بإنكسار و راح
💙💜🖤
فرحة تعم قلب لايجادك الحب العشق الملجأ فجاة تصفعك الدنيا لا ليست الدنيا صفع من المعشوق لكي تقظك من احلامك من نومك من تخيلاتك الوردية تتامل الى ان تصل حد الياس فتعترف فتصبح كرامتك في اراضي فتتدمر هل تموت ؟؟ لا ستصبح كالحجارة لا احد يكشرك
🖤💜💙
راحت ميلينا لاكلاس و راحو وراها صحباتها يحكيو معاها
قمر: عمري و لا تصورتك هكا كيفاش تعمل في طفل هكاك
ميلينا؛ أنني صحبتي ولا عدوتي حتى واقفتلي في. صفو
ق: مانيش في صفو أما أنا مع الحق علاش عملتي هكاك
م: اووووف يا ختي منحبوش مش بسيف
ق: نعرف لي مش بسيف أما كنتي قادرة تفرمي جد فمك هذاك اللي يخرج في العسل و تقولو منبعد نحكيو و تهدرلو بينك بينو مش قدام الناس الكل ترفضو و تخلي ناس تستشفا فيه و من فوق تقلو هداك الكلام أنتي بالرسمي هبلت للخر أما والله يا ميليسا باش تندمي عليه على خاطر تبقي عمرك الكل و متلقايش واحد يحبك كيفو و أشهدي على كلامي
و جات خارجة من كلاس و غلقت الباب بقوة من وراها قمر من النوع النرفوزي بزااااف و متحبش الظلم
ميلينا : و هاذي شبيها زادة في عوض متوقف في صفي ولات دافع عليه
ماريا : باللعقل برك تعرف قمر كي تتنرفز (تتغشش) أما أنتي تاني راك كترتلها و عندها الحق
ميلينا : اووووف منكم اوووف أسكتو عليا منحب نسمع حتى كلمة
💔💔
من هذاك الوقت سامي مزادش دار بميلينا ومحكاش معاها خلاه قمر كل متجي تحكي معاه يطفيها ول يسمطها سيختو كي تفتح موضوع تاع ميلينا
قمر: سامي علاش راك دير في روحك هكا
سامي : حمبوك قمر خطيني
قمر: علاه ولتي هك
سامي مقدرش يزيد يكمل يحكي مع قمر بلوكاها
قمر: الكلب ولد الكلب ميحشمش انا نسقسي عليه وهو بلوكاني تفوووووه يروح يرنك
سامي بعد على كل حاجة تربطوا ول تفكرو بميلينا
ميلينا حست بذنب حست بلي غلطت بصح عزة نفسها مسمحتلهاش تحكي معاه ول تطلب سماح خلات كلش مخلط
عند عماد
ع: وش خو مزالك غارق
س: اربي اخطيني نت تاني
ع: لحكاية عداة عليها شهريين تقعد دايما تخمم فيها هكا متنساهاش شوف خدمة اخطيك ول نقلك هاك هاذا ڨارو درك تولي نرمال
س: لاه نت قدرتي تنساها ول تنحي مايا من بالك علبالي بلي تعمر في وقتك. بالخدمة وتغيب بش متضعفش
تردد في لول سامي بش يحكم ڨارو مبعد قال رح نتبدل منبقاش كيما هي تحب نولي عبد آخر
ع: مايا اه تنهيدة من قلب حكايتها حكاية اول حب وآخر حب ميكونش غيرها ومرحش يكون
س: كيفاه قدرت تبعد
ع: تولف اصحبي في لول صعيبة بزاف حرقة في قلب تبقي ترقب فيها من بعيد بلا متشوفك تحوس على أخبارها تولي تلهث عليها بين الناس
س: منعرفش عداو شهريين منيش قادر نوالف بصح لازم ننساها
ندير اي حاجة بش ننساها
هنا عماد خمم يدخلو يخدم معاه باسكو ناقص واحد معاهم ومع خدمة ينساها
ع: عندي ليك حل تخدم معايا
سامي نصدم مبعد قال لازم نخرج من حدود يلي رسمتها روحي على جلتها : OK. صاحبي وقتاه نبدا
ع: هكاك صحبي نستعرف بيك نشالله غدوة بش نفهمك كيفاه نخدمو
س: ايا مالا نخليك غدوة نشالله
عند مايا
اليوم تقرا كان هي صباح بكري كانت حدا الليسي داخلة و عين مغلوقة و عين مفتوحة خبطت في بنادم طاحولها كراريس
م: اف ياربي ياخي زهر انا اصلا من وقتاه عندي زهر زهري كلب كي مولاتو
...مجهول: جامي شفت عبد يسب روحو وهبط هزلها كراريس
م: علاه حتي سبان بصوارد يا سبحان الله وديجا قلتلك ارفدهم مقتلكش متلعبهاش جنتل مان
مجهول: اه نجيو نديرو لخير نوليو في تبهذايل مكاش نورمال نو نتي مهبولة اذا واحد مقلهالك
م: ونت شكون قالك اعطي رايك ديجا رايك بلو وشرب ماه سمعت
مجهول : سامحنا يا ختي الصغيرة المهم ربي ينجحك .... على فكرة بما أنك تقراي في هاذ الليسي حبيت نسقسيك
م:تفضل
مجهول؛ تعرفي آدم ....
م: وي أما من العام لي فات مزادش بان كاين لي يقولو سافر و كاين لي يقولو بدلو لمدينة
مجهول : امممم اوكي تعيشي
هذا الكل صار تحت أنظار عماد لي قاعد يقيس فيهم الإثنين و. يحوس يعرف شكون هذا اللي تحكي معاه و واقفة معاه برة و أول مرة يشوفو
دخلو للكلاس و ضهر البروف غايب قعدت في بلاصتها وجبدت تيليفون تكنكتي حتي تلقى عبد نحالها تلفون تجي تشوف تلقاه عماد وعينيه حمر كي جمر
م: شبيك هبلت هات تليفوني
ع: مين تعرفوا
م: شكون هذا وش دخلك نعرف يلي نعرف ونت شا حشرك
ع ؛ ربك مين تعرفيه
م: متعيطش عليا شكون هذا
ع : هذاك الطويل و الأبيض و باين أكبر منك
م: شكون هذا تاني
ع: كيفاه متعرفيهش وكان يحكي معاك بكري
م: وش دخلك يخي حالة يخي باباك عاقد عليا ونحتلو تلفون من يدو خرجت من لكلاس
قلبها يخبط كيما اول مرة قللها نحبك مايا فيق خلاص عماد مموجودش في حياتك
💜💜🖤
Vote + cmntr et bn gSto
أنت تقرأ
أحببت من ليست لي ♥️💔(مكتملة)
Romanceقصة حب في المراهقة من طرف واحد قصة عاشق كسرت قلبه لكن أسوء ما يحدث لعاشق هو أن يخدل و تبرد مشاعره فتحدث الكارثة قصة حب راح تلقاوها مزيج بين الدراما و الأكشن أقراوها مريحينش تنذمو أكيد راح تعجبكم لأنها راح نتعاونو فيها أنا و صديقة ليا الكاتبة...
