أعشقُ تلك النظرات الصامتة التي تُشرق كالشّمس من عينيكِ، فتذوّب ملامح وجهي بين ثنايا جفونكِ الغائرة، أعشقُ فيكِ كل شيء عفويتك، غيرتك، قسوتك، رقّتك، بسمتك، دمعتك، صمتك؛ حتّى طريقة جلستك أعشقها، طريقة مشيتُكِ أعشقها، وكل ما أكرههُ هو مفارقتك، أعشقُ حروف اسمُكِ تحت أسنّة أقلامي، وأغارُ عليكِ من نفسي إن قبّلتُكِ في أحلامي، أغارُ على تلك الخدودِ الورديّة، التي لطالما غارت منها ورود الربيع، فقلبي بدونكِ عقيمٌ لا يُنجبُ حُبّاً لأحد، وأنا بدونكِ بلا حياة.
♥️🥀♥️
حلت الباب لقاتها مريحة فوق سرير و الدنيا حداها الكل مكسرة مع شافتها راحت تجري ليها حضنتها و بدات تبكي
ج: خلاص حبي مصرا والو هيا نروحو
حكمتها خافت عليها لا طيح و هبطتها معاها
عند آدم و إلياس
شاف مع خوه باين مهموم
إ: واش صرا فرار
حكالو كل شئ بتلخيص محبش يزيد عليه
إ: تتفرز نشاله متقلقش
هوما هكاك يهدرو و جورجينا هبطت حاكمة قمر خايفة عليها لا طيح
إ: أنا نروح خو نوصلهم و نولي
خرجو قمر و ركبوها و داوها لدار جورجينا
طريق كاملة و هي تبكي بشهقة كيما دارو معاها محبستش
جورجينا : الله لا تربحو خوك واش دار فيها
إلياس : متدعيش عليه حتى هو حالتو مايعلم بيها غير ربي
ج: بصح هو لي وصل روحو شوف الطفلة كيفاش آي ترعش
إ: الغيرة عماتو
ج: نعلبوها لغيرة هادي
وصلو حدا دار راحت جورجينا جيهتها حلتلها الباب و هبطتها و مشات بيها لدار داتها الشومبرة لبستها بيجامة و حضنتها قمر تبكي و جورجينا تمسحلها على راسها و تحاول تهدي فيها و تتكالما بدات بشوية تنقص في شهقاتها حتى إنتظم نفسها و غفات من لعيا و دموع في عينيها
رجع إلياس عند خوه طبطب طبطب مفتحلوش تفكر بلي عندو دوبل مفتاح الدار في الطاكسي راح جابو و دخل لقا كل شي مكسر و مخرب حاجة ماهي في بلاصتها و آثار دم في لرض عيط بصوت لي عندو
إ: آدم أدم ويييينك
حوس في لغرف كامل فتش الدار بلاصة بلاصة أما ريحتو مكانش يعيطلو ثليفونو مغلوق كيما حاول يتواصل معاه ملقاش كيفاش هز روحو ومشى يحوس في البلايص لي موالفين يروح ليهم أما ريحتو مكانش عيط لصحابو كامل و كيف كيف النافع ربي تقول فص ملح و داب هو هكيك يحوس و جاه إتصال معرفش الرقم أما رفد (هز)
إلياس : ألو
المتصل : إلياس ...
إلياس ؛ وي شكون معاي
م: أنا من الحماية المدنية خوك آدم .... عمل حادث كبير و رايحين نسعفوه لسبسطار لكبير في المدينة
من شوك مقال حتى كلمة أكسيريلا بكامل لفيتاس لي عندو قاصد سبيطار و قلبو يضرب في الألف من الخوف عليه وصل كي المهبول دخل يجري لمكتب الإستقبال (أكيد الهدرة بالإيطالية
إ: Per favore, dov'è il paziente Adam?
.....: per favore dove aa
من فضلك وينو المريض آدم ....
.....:Il paziente è nel reparto di chirurgia critica al quinto piano, signore
اامريض راهو في سويت تاع العمليات الجراحية الصعيبة في الطابق 5 سيدي
(ههههه درتلكم الهدرة بالإطالية و الناس لي تعرف إيطالي إذا كاش غلطة قلولي )
طلع يجري بكامل القوة لي عندو خايف على خوه خايف لا يخسرو قادر يتقبل كل شئ إلا وفاة خوه بعد ما توفات جداتهم لي كانت بمثابة الأم ليهم و سندهم ضاعو أما منبعد ولاو هوما سند لبعض يخافو على بعض يفرحو لبعض معندهم حتى حد آخر وصل لقا غرفة العمليات مفرمية بقا يستنى نتم إنهار كليا حاس روحو ضايع و جناحو مكسرة هز ثليفونو و عيط لحبيبتو بقات هي آخر شخص ممكن يلجألو
جورجينا : ألو إلياس
إ: ألو
ج: شبيه صوتك يبان تعبان
إ: آدم
ج: شبيه آدم واش صرا
إ: آدم خويا دار آكسيدون وراه في غرفة العمليات و لدرك معندي حتى معلومة عليه إدا راه مليح ولا لا
ج: (تشوكات بقات مدة حتى إستوعبت هدرتو) كيفاش كيفاش .... بلعقل حبيبي آو يخرج بخير نشاله واشمن سبيطار راك فيه
إ: سبيطار لكبير مي مكلاه تجي متخليش قمر وحدها ممكن تحتاجك
ج: راهي راقدة درك نوصي الخدامة تتهلى فيها إذا فطنت متخممش
إ: اوكي حبي باي
غطات قمر عدلت روحها وراحت عند لي تخدم عندهم في الدار وصاتها على قمر. و خرجت متوجهة لسبسطار مع دخلت سقيات عليه و طلعت تجري خايفة على حبيبها تعرف لي هو مكسر بسبة مرضة خوه مالڨري مغشة من آدم أما متمناتلوش الضر وصلت لقات إلياس مريح في الأرض و مركز بضهرو على الحيط و تايه مع باب العمليات لي مقابلو راحت تجري ليه هبطت على ركايبها و جبدتو عندها حضنتو
إ: قلبي و حبي متتقلقش رايح يبرى نشاله الطبة قاعدين يبدلو في كامل مجهوداتهم متتقلقش
و بقات معنقتو أما مردش عليها جات تشوفو لقات الدموع في عينيه لأول مرة جامي شافتهم في عينيه رغم كل شي فات عليه أما كان ديما قوي و حاجة ما تهزو عرفت صح لي حادث خوه قسملو ضهرو ولات تمسحلو في دموعو رغم اللي كي شفتو هكيك هي تاني ولات تبكي
ج: متبكيش إلياس نتا قوي نتا مش لي ضربة تبكيك نعرفك قوي و قلبك قاسح و حاجة ما تهزك لازم تكون قاسح و متضفش آدم نأكدلك باللي رايح يبرى و أنا متأكدة تعرف لي آدم قوي و مستحيل يتخلى عليك بسهولة و كون يشوفك بالحالة هادي أكيد رايح يتغشش عليك
إ: تعرف وشنو جامي حسيت روحي أني يتيم و وحيد إلا ليوم
ج: أنتا مراكش وحدك أنا معاك أنا أمك و أختك و مرتك و أم ولادك أنا محال نخليك ولا نفرط فيك اوكي حبيي تعرف لي أنا نموت و نحيا فيك
شاف معاها و تبسم مغلطش كي عشقها صحيح مهبولة أما في وقاتو صعيبة ديما يلقاها ظيما توقف وقفة ألف راجل معاه عنقها بقوة
إ: ربي بخليك ليا
طلعتو فوق الكرسي و بقاو يستناو حتى يظهر كاش خبر على آدم
بعد 3 ساعات
خرج طبيب راحو يتجراو ليه
(الهدرة بالإطالية)
إ: طبيب واش حوالو خويا
ط: حالتو ماهيش مستقرة ضمدنالو كامل الجروح و خرجنا كامل الزجاج لي دخل فيه أما حالتو مستقرتش ماهوش يقاوم كأنو محايبش يعيش
إ: (رجع خطوتين للوراؤ من الصدمة عقلو ماهوش متقبل كلام طبيب حكمتو جورجينا) والحل دكتور
ط: راح يبقى 24 سا أخرى في الكوما تحت الرقابة بالأدوية نشاله يفطن ولا يدير أي حركة و تستقر حالتو و إلا
ج: وألا واشنو
ط: يدخل في غيبوبة و نتم تولي حالتو أصعب المهم الآن هو يحتاج دعواتكم بشفاء نشاله
هدرة الطبيب مزالت دور في راسو مهوش مصدق واش راهو يسمع حاس دنيا حبست عنقتو جورجينا و بقات تخاول تهدي فيه حتى بدا يتكالما هبطاتو للكافيتيريا شرب لماء و بدا يهدى بشوية هوما هكاك و خدامة عيطت لجورجينا
خ: سلام مدام
ج: وي كاترين واش كاين
خ: المدموازال قمر فطنت و راها حاكمتها هستيريا تاع بكا و مقدرناش نتحكمو فيها
ج: اوكي اوكي راني جابة
كوپات و قامت
ج؛ نخليك أنا حبيبي نروح نشوف قمر قاتلي فطنت و حالتها متعجبش نروح ليها و أنتي أبقى قوي مع خوك نشوف الحالة و إذا قدرت نولي عندك
إ: اوكي حبيبي ربي يخليك ليا
J'aime + cmntr et bn gsTou ♥️🥀
أنت تقرأ
أحببت من ليست لي ♥️💔(مكتملة)
Romanceقصة حب في المراهقة من طرف واحد قصة عاشق كسرت قلبه لكن أسوء ما يحدث لعاشق هو أن يخدل و تبرد مشاعره فتحدث الكارثة قصة حب راح تلقاوها مزيج بين الدراما و الأكشن أقراوها مريحينش تنذمو أكيد راح تعجبكم لأنها راح نتعاونو فيها أنا و صديقة ليا الكاتبة...
