بطالُ، هو هذه الأزماتُ تسحقنا معاً .. فنموت نحن وتزهر الآمالُ، هو هذه اليدُ التي تغتالنا .. ونقبّل اليد التي تغتالُ. – نزار قباني
♥️♥️♥️
ميليسا : سامي ركز مليح وش قتلك متخدلنيش نحبك سامحني
يسمع ويعاود فيهم
آدم ؛ فهمني وش راك تسمع من بكري غير جمل هذو يلي عترفتلك بحبها وش عجبتك واقيلا غدوة تلقى راسها في بابك هيا روح جيب صوارد نهبطو لدزاير و نمدوهملو كي يطلق سراحها ناطاكيوه
سامي : اسكت شوي خلينا نربط لخيوط مع بعض
آدم : بف منك انا نروح عيطلي الياس في قضية معاه بصح غير منفذ تلقاني عندك ميليسا تاني عزيزة عليا. سمعتي
سامي : اكيد
خرج آدم وقعد سامي غير يسمع في تسجيلات واخيرا
سامي : قيتها هههههه ذكية كي عادتك ميليسا انا وبسيف فكيتها هههه .
بلاصة يلي بكيت فيها يعني مكان بعيد على. انظار
طريق يلي ديما نروحلها هي طريق بحر .....
وآخر حاجة حكاية مكان مهجور اكدتلي على دار يلي خيمنا فيها في ربيع آخر مرة كنا صحاب هههههه
مزلتي متفكرة كلش ميليسا مريحش نخدلك
هز وراقيه وعيط للوحدة تاعو يلي في جزائر و ركب طيارتو ديراكت مطار هواري بومدين بلا ميخمم هز روحو كيما راه و الكابة لي دايما موجدها فيها قشو
نروحو عند مايا
مايا : امممم ماني خاسر والو اهدر انا نسمع وفي نفس وقت نفحصك شويا
عماد ؛ كلشي بدا من نهار يلي كنت موصلك لدار تشفاي نهار قتلك لازم نروح لصال تاع بوكس
مايا ؛ اممم كمل
عماد : نتم حكموني يلي كانو يبيعو مخدرات كنا منافسيين بعض وهددوني و ضربوني. على هذيك مجيتش سمانة من وراها بش متشوفنيش و بعدها ماما ماتت
مايا : ربي يرحمها
عماد : امين انا بعدت عليك بطريقة هذيك بش تكرهني وتكملي حياتك باسكو هذاك وقت كلش كنت ندير فيه خارج على قانون بش نجيب لقمة ناكلها بش نخلص لكراء تاع دار كلش كان فوق ظهري محبيتكش تتأذاي ولا تخذي همي محبيتش نقتل احلامك بهمومي على هذيك خليتك بطريقة يلي كنت متأكد في لول اكيد توجعك بصح مبعد تكرهني وتنسايني ولله كلش درتو بش تبقاي بعيد على ميدان يلي كنت فيه بش تعيشي حياة سليمة
مايا كانت مدورة لنافذة ( يعني ضارب عماد بظهرها )
عماد ؛ مايا
مايا خرجت منها شهقة بكى (مايا تبين بلي قوية ومهممهاش بصح هي حساسة بزاف)
عماد متحملش يشوفها تبكي ناض من بلاصتو وكلشي مكسر فيه حضنها بلا ميهدر والو وهي تاني فضلو سكوت
-------------------------------------------
حضن دافي ء صادق ينسينا كل آلامنا كل معانات كل تضحيات كل جروح
واخيرا. إلتئم القلب كالحديد و اخيرا ينبض كما كان واخيرا كشفت حقيقة -------------------------------------
بعد ما مايا هدات
مايا وهي تمسح في دموعها وتبعد عليه: عماد ارجع لبلاصتك
عماد بلا حتى حرف رجع
مايا : قلتي ميدان يلي كنتي فيه فهمني
عماد : نورمالمو معلومة سرية بصح انا من شرطة
مايا تشوكات بقات تشوف معاه كي بهلولة
عماد : وليوم تصاوبت في مهمة ميدانية على هديك هههه
مايا : وتضحك من فوق على بالك بلي كنتي على حافة موت
عماد: انا ديما على حافة موت هههه
مايا : مش حاجة ضحك
عماد ؛ ههههههههههه علاه خفتي عليا 😁😉
مايا ؛😑🙄كي عادتك تافه وزامل
عماد ؛ هههههه مايا اعتياديا نسيت قداه عنيت معاك بش وليتي تعبري على مشاعرك اه درك نبدا من لول
مايا : عندك مشكل 🧐 ديجا شكون قالك سامحتك
عماد : مسمحتنيش بعد حقيقة وبلي جامي خنتك 🤯
مايا ؛ ههههههههههههههههههه
عماد شحال توحشت ضحكة تاعها وبلا ميخمم حط صبعو في غمازة تاعها : تواحشتك كلش فيك بصح اكثر حاجة غمازاتك
مايا حشمت وبعدت يدو : انا نخليك انعس وريح وتوله تخرج رجليك نكسرهم وتعرفني نديرها صباح نجي نفحصك
جات تروح حكملها يدها
عماد : متروحش خليك معايا 🙁
مايا ؛ خلاص متستخدمش هذي نظرة علبالك نضعف قدامها
عماد : علبالي هههههه وفتح يديه
مايا : حيبني ننعس معاك ؟
عماد : باينة مزلني حمارة
مايا. ؛ مكانش حمار قدك انعس اانعس انا ننعس في كرسي
جبدها من يدها طاحت بين يديه
عماد: انعس ومتتحركش علبالك بلي كلشي فيا مفكك
مايا بينها بين روحها عاجبها حال
نروحو عند ميليسا
سيد : ظهر صح يحبك انا قلت يقفل في وجهي هههههه نجحت على اقل مبقتلنيش بوس لكبير خسارة كيما هذي ميفوتهاش بساهل
ميليسا تسمع و منقزز منو
سيد شاف معاها: ولله ظهرتي زلة يا خويا
ميليسا : اكيد لا كيما واحد مدود و مقزز كيفك مقرف
سيد ضربها كف ثلاثي ابعاد : كيفك كيما صاحبك تحكيو حوايج مش قدكم
ميليسا : فكني من لخيوط نشوفو شكون راجل فينا تستقوى على طفلة وزيد مربوطة
سيد هنا هبل
سيد : هههههههههه لعبتيلي على. وتر حساس فكلها يديها
ميليسا : غلطة حياتك تفكلي يديا
سيد ناض يضحك من قلبو : ضحكتيني وراح يضربها
مكانش حاسب حساب بلي تلعب بوكس و جيدو
هو يقعدم و يجي يضرب و تخبطو بوحد بوكس للوجه
سيد : واو حتى هذي كي صاحبك وبداو يضاربو هي تضرب وهو يضرب حتى ضربها بقوة فقدت توازنها و عاود ربطها مليح
سيد: يجي نهار و ندمك على عملتك ثفوووه و خرج فرما الباب وراه
وصل سامي مني وصل ديراكت إنتقل لبلاصة لي شاك فيها بقا مدة طويلة و هو يحوس حتى عيا لقا شجرة تكا ضهرو عليها ريح شوية و عاود ولا للبحث حتى لمح ڨاراج و محاوط بالناس عمر سلاحو و قدم جيهتهم بدا سامي يقتل في رجال سيد بكل خفة وبلا حس دخل داخل فتش دار كاملة ملقاهاش حتى يسمع صوت خبيط جاي من تحت
يهبط يجري في دروج يحل باب لقا ميليسا مربوطة و تضرب بقوة برجليها في الأرض
سامي : ميليسا !
ميليسا وهي تجبد في نفس : سامي جيت حمدالله يا ربي
راح يجري ليها فكلها يديها و رجليها
ميليسا : سامي جيتي فهمت وش قتلك
سامي: اكيد وراح حضنها
ميليسا : كان علبالي بلي تجي ليا
وداخت
سامي : ميليسا ميليسا اه تتنفس خلعتني ديما تخلعيني ديما
هزها وخرج
عيط لاپوليس باش يجيو يهزوهم
وراح لوتال دخل وحط ميليسا في بيتو وخرج يكمل خدمتو بعد ما رجالو حكمولو بيت في الأوتال و داولو لفاليز
نروحو عند مايا
مايا : اف يا ربي كتفي
وناضت شافت عماد ناعس حداها صح تبدا بزاف بصح ملامح براءة يلي كانت ديما تشوفهم فيه مزالو ثقتها فيه رجعت بعد معرفت كلش رجعت فتحت قلبها يلي كان ديما ليه و جامي فتحت قلبها لواحد غيرو
بقات تشوف معاه حتى فاقت مع ساعة
مايا : اه منك يا مايا عندي بزاف مرضى نعدي عليهم ليوم
خرجت بالعقل من غرفة تاعو وراحت غسلت وجها ولبست طبليتها وتيراكت لسراج
مايا : سراج يا سراج ارواكي هنا
سراج : نعم دكتورة مايا كاش محتجتي
مايا : عندي ليوم نتحقق من مرضي غرفة107و30 و14 اربي جيبيلي دوسيات تاعهم ول مهزتهمش
سراج : كل واحد دوسي تاعو فوق طابلة تاع بيتو محبيتش نخليهم هنا بش ميتودروش علبالك فيا ننسى
مايا ؛ خلاص ااا صح مريض يلي درتلو عملية بارح واحد ميدخل عندو و تولهي ليهرب سمعتي
سراج : امرك دكتورة بصح علاش
مايا : وش قلنا على اسئلة يلي معندهاش دخل في خدمة ديري وش قتلك وصاي
سراج : كيما تحبي باي
مايا : باي
Fin part
Jm + cmntr et bn gsto
أنت تقرأ
أحببت من ليست لي ♥️💔(مكتملة)
Romanceقصة حب في المراهقة من طرف واحد قصة عاشق كسرت قلبه لكن أسوء ما يحدث لعاشق هو أن يخدل و تبرد مشاعره فتحدث الكارثة قصة حب راح تلقاوها مزيج بين الدراما و الأكشن أقراوها مريحينش تنذمو أكيد راح تعجبكم لأنها راح نتعاونو فيها أنا و صديقة ليا الكاتبة...
