شوية و نطقت قمر
ق: هيااااو بلاسماطة كل واحد حاط يدو على خدو و يخمم تقول خلينا ولادنا بلاماكلة و لا راح تقيم دنيا هيا نزهاو شوية أنا غدوة نسافر نديرو حفلة توديع ليا
مايا: صح عندها الحق هياو نزهاو وشنو هاد الحالة تاع الإكتئاب لي تقطع نفس
ق: شوفو نهز طاكسي نروح نشري حوايج لسهرة باردين و نتوما أفرشو الحوايج لي جابتهم مايا و ماريا
مايا و ماريا و ميليسا مع بعض : اوكيييي مفروووزة
راحت قمر شرات مثلجات و عصائر مڨلاسية و حططتهم في ڨلاسيار و واحدة خلاف فيها لحم كوتلات و دي بروشات مخدومين زادت شرات شيبس و مكسرات السهرة و راحت لدارهم كملت نضمت فاليزاتها و أوراقها لغدوة هزت المشوى و الفحم و الغاز خبرت أمها و وصاتها تخبر أم ميليسا و مايا و ولات عند صحباتها لقاتهم نظمو الحالة و جمعو الحطب الغابة لي خيمو فيها غابة آمنة. و بسيكيريتي دايما الناس تخيم و متخافش بداو يهبطو في الحوايج من الطاكسي و شعلو المشوى و بداو يشويو و عاملين حالة بضحك و الغنا جات الغناية لي تأثر فيهم بداو كامل يغنيو فيها
أنااا المغبون سبابي نتيااا يااا أنا منك و منبراش العشق صعيب و نارو قوية أفهميني يااا بنت النااااس
أنااا المغبون سبابي نتيااا يااا أنا منك و منبراش العشق صعيب و نارو قوية أفهميني يااا بنت النااااس
ياااا أنا المريول و يا أنا شارب لالكول و هايايايايا يااا زين عندو ماليه أصبر هااا ڨلبي أصبر
يا زين و الهمة زايدينها فورمة و هيايايايا و نتي لي ڨلتي أرواح و تبيتيني في الأمان 🎉🎉🎉🎉
كملو يغنيو فيها بإحساسهم كل واحدة فيهم تفكرت حبيبها شافتهم قمر رايحين يوليو لإكتآبهم (قمر حطبة ماعندها شكون تتفكر)
ق: أيااااو بداو عليا لغناية هدي حطولنا غناية زهوانية درتولي لغمة لعبد رايح يتشوى كثر من اللحم فوق المشوى هاذي زيدو نتوما غميتولي قلبي بالغناية تاعكم يااااو حطولي شاااوي نزها
راحت ماريا حطتتلها تكلم البندير
ياااا. تكلم عالبندير يا تكلم هاااا عينيا و ياااا نروحو الأوراس بلاااد شوية ياااا. تكلم عالبندير يا تكلم هاااا عينيا و ياااا نروحو الأوراس بلاااد شوية و هاااا رواحو الأخوان أرواحو ربعة ربعة زغرتو يا نسوان ........
قلبوها شطيح و رديح في شاوي قريب حرقو لحم ههههه المهم بردو قلوبهم من بعد شعلو نار بالحطب و دارو عليها و حطو بيناتهم اللحم و دخلو عليها دخلة عورة ( أخد يجول في القصعة كما يجول الفارس في الميدان. ههههه حكاية أشعب)
ميليسا : تتفكرو لبنات أياماتنا في الليسي
قمر : آييييي يامات الغفلة ياااس
مايا : هههههه تتفكرو نهار هربنا من الليسي
جاد: صح ماما كنتيو تهربو من الليسي
ماريا : خطيني حبيبي هادووو خلاتك الجايحات هوما لي كانو يهربو أنا كنت تلميذة مجتهدة متسمعش لهدرتهم
قمر و ميليسا و مايا في نفس الوقت : اوووومااااااي ڨاااااد لكذب وين وصل رجلاااااويييي رااااك تكذب
و تفلقو كامل بالضحك و كملو يتفكرو في أياماتهم في الليسي
مايا : ايييي قمر تشفاي على آدم
قمر: أعوء بالله من الشيطان الرجيم واش مجبدك فيه
م: ههههه مكنتيش حاسة أنو عينو فيك
ق: شووووف أمدام نفيخة بنادم هذاك متجبديش إسمو لو سمحتي علاخاطر كي نسمع إسمو لحمي تكشب نتفكرو زبايلو فيا و أنا ختي جايا نتمتع ليلة مش نتنارفا متخلف و زيد عندو إنفصام في الشخصية متعجرف
مايا : كالم داون بايبي مقلنا والو ههههه القاعدة الأولى لا لتحمس
أنت تقرأ
أحببت من ليست لي ♥️💔(مكتملة)
Romanceقصة حب في المراهقة من طرف واحد قصة عاشق كسرت قلبه لكن أسوء ما يحدث لعاشق هو أن يخدل و تبرد مشاعره فتحدث الكارثة قصة حب راح تلقاوها مزيج بين الدراما و الأكشن أقراوها مريحينش تنذمو أكيد راح تعجبكم لأنها راح نتعاونو فيها أنا و صديقة ليا الكاتبة...
