الحياة ...... شيء مؤقت تاتين وتذهبين ....حتى لو لم تكن تحلم
يمكنك العيش في كوابيس ...... تنادي لا تفعل واخرى افعلا انتقاما..... لمن سلبك السعادة .....الحياة اللهو الحب لكن لمن تستمع سؤال..... يطرح نفسه وتبقى اجابة مبهمة ؟
فعل...... كل شيء قلت انه من مستحيل ان يستطيع تفريط بي في هذه الحياة....... قصتنا لم تعد........ نظيفة لقد توسخت بكل ما فعل انا اكرهك....... كرها يساوي عشقي لك
💙♥️💜
دخلو بداو يبحثو في الدار كاش ميلقاو خيط يوصلهم دخلو البيتو قلبوها ملقاو شئ منبعد حل إلياس الخزانة و بقا مصدوم من الشي اللي شافو باب الخزانة معمر بليفوطو تاع ناس باين مافيا و انواع تاع أسلحة فوطو تاع أمو و بوه و خريطة لإيطاليا جبد ثيليفون و صور كل شئ و خرجو من تم
إلياس: مرسي أنك عاونتني دخلنا لدار
ع: بلا مزية آدم عشيري و كي خويا و نتمنالو كان الخير
في جهة خلاف
كانت ميليسا وقمر مروحين من ليسي في طريقهم شافو سامي حاط كيثمان و يتكيف بقاو مشوكيين من آخر ضربة تبدل عاللخر وينو الطفل العاقل الحشام و لي يحب زهو ولا ثوجو جابد روحو حتى قمر لي كان يحكيلها كل شئ و حاطها كيف أختو مطفيها في زوج غاضهم خاصة ميليسا لي حاسة روحها مذنبة علاش مخمتش قبل مترفضو بهديك الطريقة علاش قلبها كان قاسي و حجر لهذيك الدرجة تنهدت بقلة حيلة قمر حاسة بيها و عارفة وجعها تعرف صحبتها لسانها طويل أما قلبها أبيض و حنين
ميليسا : تعرف غايضني بزااف نحس روحي أنا سبة في لي صايرلو
قمر: الله غالب القلب لحمة
م: نجرب نروح نحكي معاه بلاك نصلح من غلطتي
ق؛ و كي تروحي واش راح تقوليلو مثلا
م: منعرفش نطلب السماح منو يمكن يتصلح شوية المهم نرضي ضميري و نرتاح
ق؛ اووووف اوكي روحي هاني نستنى فيك و أعرفي واش تخرجي من فمك
م؛ اوكي
كان قاعد على حافة تاع حيط و حاط كيثمان يسمع في غناية (يعشقك أنت شهادة وفاة يغبنتني و أنا في الحياة يا خداع غدار و ڨاع الصفات يا كلشي كذب و. ڨاع دعايات) و يتكيف في سيقارو زطلة حتى حس بشكون واقف فوق راسو طلعو لقاها هي آخر شخص حايب يشوفو شاف معاها مدة زمنية تعدا كل شئ بين عينيه و عاود هبط راسو يتكيف تنرفزت من جاست نتاعو كيفاش طفاها و معبرهاش نحاتلو لكيتمان شاف معاها بخزرة تخوف وقف طايش لقارو و جا ماشي مش حايب يحكي معاها زادت تغزلت أكثر جبدتو من يدو دور ليها مغشش عينيه حمر
س: شبيه سماك أنت في اللعشوة الكلبة هاذي علاه تحوسي
م: شبيك تعيط على عزريني ياخي حالة ياخي جيت نشوف حوالك تعمل هكا أما الغلطة مش فيك أنا لي رخيسة و جاية ليك و غايضني
س ؛ منحتاجش شفقة منك فااااهمة يادين الرب
قمر شافت عياطهم راحت تجري ليهم
ق؛ شبيكم أنتم زوج الدقايق شعلتيو هك
س: تعيشي قمر أختي هزي صحبتك هاذي عليا مخصنيش
م: ياااا رخيس و يزريد يزعط فيا أنا الكلبة لي مرخسة روحي و جاية نحكي مع كلوشار كيفك
تنرفز من كلامها على اللخر و عيط عيطة خلاتهم في زوج يجمدو في بلاصتهم
س: ياااااا عزريينك أنا كلوشااار تحكي عليا أنااااا تعرفي الكلوشار هاذا لي تحكي عليه ولاهك بسبتك تعلم اللدروڨ و زطلة في جرة وحدة كيفك رخست روحي في جرتك حطمتيني الكل يقولي زدتي فيها هذا حب مراهقة أما لا بالنسبة ليا مش حب مراهقة كون جا هكيك راني نسيتك أما مقدرتش ثوجور صورتك في بالي عششتيلي في راسي مان نعمل أي حاجة صورتك بين عينيا و خاصة المشهد لي أنا ندليت فيه و صرت مسخرة و علكة في فم لي يسوا و لي مايسواش و هنتيني و. هكاك وهدا (خبط جيهة قلبو بقوة) مكرهكش ما نحاكش منعرفش علاش أما عملت المستحيل باش ينساك و يكرهك أما لا تعرف أنتي لعنة ربي بعتها ليا عشقك أنني مرضني و دلني رجوليتي عفستي عليها كيما حبيتي درت كلش وليت ندروڨي نزطل نعمل كل شئ باش تروحي من بالي أما لا
حكمها من وجها بيديه الزوج و ركز معا عينيها عروق يديه بارزين و عيونو حمر و هي ولات ترعش من خلعة
س: علاش عملتي هكا فيا علاش علاش معطيتينيش فرصة علاش هنتيني هكاك قدام الناس لهاذ الدرجة مكنت نسوى والو عندك لهاذ الدرجة تكرهيني أما أنا عمري ولا ضريتك عمري ولا تمنيتلك الشر مستعد نفديك بروحي و بحياتي أما أنتي(تبسم بحزن و سخرية) قلبك حجر و كحل مراعيتيش حبي ليك يجي نهار و تندمي
أنت تقرأ
أحببت من ليست لي ♥️💔(مكتملة)
Romanceقصة حب في المراهقة من طرف واحد قصة عاشق كسرت قلبه لكن أسوء ما يحدث لعاشق هو أن يخدل و تبرد مشاعره فتحدث الكارثة قصة حب راح تلقاوها مزيج بين الدراما و الأكشن أقراوها مريحينش تنذمو أكيد راح تعجبكم لأنها راح نتعاونو فيها أنا و صديقة ليا الكاتبة...
