قالو لي لكي تجعلها تقع في حبك يجب عليك اضحاكها لكن في كل مرة كانت تضحك و يرفع الستار عن غمازاتها كنت انا من يقع في حبها
♥️🥀
ليام تجي وتروح ناس ماتت وناس بكات وناس فاقت على روحها وناس فرحت وهذي هيا لحياة متحبس عند حتى واحد نحبو ولا نكرهو
واخيرا بعد معانات قدرو يخرجو قمر من لحالة يلي كانت فيها بعد مجهود كبير
مايا : صباحو يا احلى قمر في دنيا
قمر : اوووو علبالي علبالي نهبل
ميليسا : اه يا قلبي خير نشالله شفيك يهبل
ماريا : زيك مشتيش روحك في مرايا
مايا : خليولي بنتي
قمر : اه يا لخاينات تبقالي غير مايا حبيبتي
جورجينا ؛ اسمحولي قاطعتكم
قمر : لا مقطعتيناش بالعكس
ميليسا : الدرك متعودتيش علينا يخي قلنا نحي هذي رسمية علينا
جورجينا : هههه خلاص جيت نسقسيكم تجيو معاي لل casino 😁(بار )
شاف مع بعضاهم و مايا في وجها ضحكة غبث
قمر : لا مايا
ماريا : و اياد
ميليسا : نجيو ههههههه يس واخيرا متعة تاع صح
جورجينا : يس يس ههههه نديرو حالة ومتخافيش اياد يبقي هنا كاين خدامات وكاين ماما وبابا مزالو هنا نورمالمو بعد يومين يروحو
ماريا : اكان هكا مورمال مافيها والو
بصح وش نلبسو
جورجينا 😁
قمر : ضحكة هذي
ميليسا : لا تبشر بالخير
جورجينا : تبعوني
مايا : واو عندك قش تلبس بيه امة ازح
جورجينا : هههه خيرو يلي تعجبكم
كل وحدة خيرت وش يعجبها
خرجو كي اميرات يهبلو ديك زين ديك لاطاي الاه الاه
(لبنات حبيت نحط لي فوطو واش لبسو البنات مي متحطوش مفهمتش علاش إذا علبالكم سبب قولولي و شكرا)
ماريا : وش رايكم نهبل
ميليسا : يلي شوف ميقولش وحدة عندها طفل و هاز بثاني ازح
ماريا : قول مشاء الله الله لا تربحك هههه ديجا شراكي لابسة كون ملبستيش خير
جورجينا : جاتو تهبلو بصح لا نكذب ميليسا جات تهبل
ميليسا : مرسي عمري هاي ناس يلي تفهم مش كيفك
قمر : شرايكم
مايا : تهبلي كي عادتك بصح اف كاش كلبة فيكم تجي تقفلي هبلني موصلتش
ماريا : ههههههههه طالمو قصيرة ههههه
جورجينا ؛هات هات
مايا : واخيرا اف بسيف
قمر :واو مايا جيتي تهبل ولله خرج عليك
مايا : انا نخرج على كلش نهبل
اكل بصوت واحد : تعي ولله
ويترشقو كامل بضحك
ركبو طونوبيل
وصلو لبلاصة دينا تضرب تقلب ناس بزاف بسيف دخلو صوت لغنى برك يلي يتسمع ناس تشطح وناس تشرب وناس خارجة
المهم حكمو بلاصة و طلبو عصير هههه
وتحمس يلعب دخلو لساحة يشطحو
ماريا : مستحيل انا نشطح
مايا : مكانش رضوان هنا روح برك
ماريا : لا خلي برك منعرفش اصلا
مايا : ربي سهل عليك انا رايحة نشطح نبرد على قلبي ههههه
شباب كامل يشوفو معاهم كانو قنبلة تاع زين تمشي هوما ماحسينش بالعيون يلي مركزين عليهم
حتى تسمع ماريا صوت تيليفون مايا تهز بلا ما تقرى اسم
ماريا : الو الو
عماد : ماريا ؟! ويني مايا
ماريا : منيش نسمع شكون معاي الو اف صوت لغنى في casino هذا عالي بزاف
عماد هبل كي سمع بلي راهم في بار كوبا تيراكت
ماريا : بف منعرف شكون المهم اكيد غالط
عماد كان مغشش للخر
سامي : شبيك عماد كاش مصرى
عماد: مايا
سامي : شبيها
عماد: فيcasino
سامي : كيفاش متقليش معاها لبنات
عماد: باينة هذي ميحتاجش زوز يحكو فيها
آدم : كيفاش ونورمال كيفاه راحو ميعرفوش لبلايص
اكل دارو عند الياس
الياس ؛ علاه تشوفو معايا مستحيل هيا مسكينة تكون نعسانة قتلي بلي عيات
بقاو يشوفو معاه
الياس : اف درك تصدقو وجبد تيليفونو بش يتعقب تيليفونها
رضوان : وين ؟
الياس: دارتها casino .....
عماد : هيا نزربو قبل ما كاش مايصرالهم
الياس: علبالها بلي casino هذا مشهور بالاعتداءات
بعد تقريبا ربع ساعة وصلو
دخلو بداو يلهطو كان غاشي
عماد شاف مايا تشطح و متحمسة حدي يلي سربيو راح جبدها وعينيه طير منهم شرار
خرجها برى
عماد بعياط : وش راكي ديري هنا
مايا تفجعت : متعيطش عليا
عماد : ربك جوبيني
مايا : متعيطش عليا قتلك ديجا منيش وحدي راني مع لبنات
عماد: كون صراتلك حاجو ولا كاش من تعدى حدودو نحرق casino ولي فيها
مايا : مصرى والو
عماد نفخ بالقاوي ومبعد توله على وش لابسة : ربك هذي لبسة كون حبيتي نحيتيها
مايا : عماد ولله لبسة تاعي مهيش بزاف قصيرة ومش مكشوفة
عماد اف
مايا : ديجا وش جابك لهنا جاي تسهر مالا
عماد : شوف تيليفونك
مايا : جاوبني
عماد ؛ جيت عندك
مايا : وين علبالك تتمسخر بيا
عماد: هيا اطلع نحكيو من بعد وحسابك مزال تخلصيه غالي
مايا : مطلعش اصلا حوايجي وتيليفوني مزالو لداخل
عماد : امشي قدامي نجيبوهم
نرجعو عند رضوان
رضوان : اممم ظهرتي عاقلة بصح في لبسة لا
ماريا : رضوان ! وش جابك
رضوان : هز حوايجك وقدامي ديجا وينو اياد
ماريا : في دار
رضوان : هيا قدامي
ماريا : هيا نزيدو شوية
رضوان : لبلاصة هذي ممليحاش ومشبوهة بزاف هيا
ماريا : فهمت بصح لبنات
رضوان ؛درك يجيو ورانا
درك نعديو عند ميليسا كانت في وسط ساحة تشطح
شافها سامي لهبال حكمو
جبدها من ذراعها
ميايسا : سامي !
سامي : امشي
ميليسا : منمشيو ديجا شكون نت
سامي : متقليش شربتي تاني
ميايسا : حاشاك بالعربية وش دخلك هكا
طلقها وراح من ديدجاي وهز من عندو ميكرفون
سامي : ميليسا هبلتيني كل منقول نسيتك تجي حاجة تفكرني فيك نحبك يا زح ربك افهم افهم كنت تعجبيني ومازلتي و رايح تبقاي
و فجأة حبس كامل الصوت و صرات حاجة واحد مكان متوقعها هز الڨيتار و بدا يغني
فرحت من ربي كتبني ليك ... عرفت النساا بصح نتي unique mon reve تكوني معايا أنا نصلي و إنتيا مورايا نعيش معاك قصة غراااام c'est-à-dire ma femme
تستاهلي ندير معاك ليفري دفامي كل صباح نشوفك ڨدامي هدا عهد و عمري je te promis نحلف أنا منغبنك جامي ...... لوكان نصيب كلمة فوڨ نبغيييك شاك جور عمري نڨولهاليك ساكري عليك حياتي عندي ربي ميمتي وأنتيا ......
الناس الكل مبهوتة في صوتو و إحساسو الأغلبية مهمش فاهمين الكلمات لكن وصلهم إحساسو أما البنات تأثرو بزااااف و تشوكاو منين ليه موهبة الغناء عكس صحابو الأولاد لي كانو. علبااهم بموهبتو
ميليسا تفكرت قبل ست سنين كي عترفلها ناضت تبكي و راحت عندو نحاتلو ميكرفون نفس احداث تتعاود بصح مرة هذي بطريقة خلاف
ميليسا : تهلا فيا بزاااف عليك و أنا نكون خدامة بين يديك أنا ليك مديت ڨلبي وإلاضريتك يحاسبني ربي نعيش معاك قصة غرااااام c'est a dire mon homme
( كملت الغنايا معاه أما بطريقتها الخاصة و بدات تهدر بصوت)
سامحني على وش درت من ست سنين مكنتش نشوف بلي نت اكثر انسان حبني كيما انا بصح الله غالب كنت عورة مرة هذي انا يلي نعترفلك هبلتني سكنتيلي في حياتي نحبك
سامي نزلت من عينو دمعة وهبط على ركبتو ؛ ميليسا تقبلي تكوني مصيبة راسي وحلالي و تكوني من احببتها واصبحت لي
ميليسا : احببتني واصبحت لك نعمممم
هنا كانو صحاباتها كامل يتفرجو فيها ولاو كامل يصرفقو و يصفرو و الناس الكل فرحانة و أخيرااااا إجتمع الكوبل لي حبهم من صغر لي كان من طرف واحد
كل واحد حكم عشيقتو خرجو
وآدم راح لقمر بصح هي غير ما شفتو بلي جاي عندها راحت عند ماريا مخلاتوش فرصة بش يحكي معاها
آدم: ااووووف منك اووووزف
Fin part
Jm+ cmntr et bn gsto
خلولي لبنات أرائكم شوية دعم و پرطاجيوها مع أصحابكم مبقاش بزاااف و نكملوها
نحبكم
أنت تقرأ
أحببت من ليست لي ♥️💔(مكتملة)
Romanceقصة حب في المراهقة من طرف واحد قصة عاشق كسرت قلبه لكن أسوء ما يحدث لعاشق هو أن يخدل و تبرد مشاعره فتحدث الكارثة قصة حب راح تلقاوها مزيج بين الدراما و الأكشن أقراوها مريحينش تنذمو أكيد راح تعجبكم لأنها راح نتعاونو فيها أنا و صديقة ليا الكاتبة...
