قصة حب في المراهقة من طرف واحد قصة عاشق كسرت قلبه لكن أسوء ما يحدث لعاشق هو أن يخدل و تبرد مشاعره فتحدث الكارثة
قصة حب راح تلقاوها مزيج بين الدراما و الأكشن
أقراوها مريحينش تنذمو أكيد راح تعجبكم لأنها راح نتعاونو فيها أنا و صديقة ليا الكاتبة...
لا كرامة في الحب و لا الحرب من يتصارع مع الوحوش يجب عليه أن يتحول هو أيضا إلى وحش فليس عارا أن يدخل عدوك إلى دارك العار أن يخرج حيا أمام عينيك. فثلاثة لا يعرفون إلا عند ثلاث الشجاع عند الحرب و الحليم عند الغضب و الصديق عند الحاجة
💜💜💜 9:00 مساءا ضربو ضواو لقصر الحراس من كل جهة البيبان تحلو على طولهم ناس من طبقة العالية و الثرية لبستهم كلها ماركة داخلين للقصر من خلال الإستدعاءات اللي عندهم كلهم رجال أعمال و شخصيات كبيرة في دولة لكن أغلبيتهم مخبيين حقااائق كبيرة أغلبيتهم يبيعو في الدروڨ و السلاح وصلت السيارة لي فيها أبطالنا واجدين لأول عملية ليهم لي من خيلالها رايحين يحاولو يتواصلو مع آدم لي كيما فعلو(دارو :عملو) مقدروش يوصلو ليه جاتهم أخبار أنهم راح يكون في الحفلة هاذي و منه راح يضربو عصفورين بحجر واحد منها يلقاو عشيرهم و أيضا يسرقو الأوراق لي يدمرو بيها الراس لكبير باش يقدرو يتوغلو و يتحكمو في عالم المافيا هبطو (نزلو) من السيارة و بداو في خطتهم تقدم عماد حدا باب المدخل لابس هكا👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
يبان من الطبقة ثرية كا مايقدم كل مدقات قلبو تزيد خايف لايتكشفو و تفض عليهم مال وصل عند الڨارد جبد الإستدعاء المزيف و مدهولو يحاول يتمسك بروحو و مايبينش خوفو دقق الڨارد معاه منبعد بعد و خلاه يدخل رجع نفس و إرتاح نسبيا قابلو فناء كبييير و في وسطو مسبح مزين بضواو على محيطو و ورد مطيش فوقو يطفو و دنيا كلها طوابل تقريبا و ناس بزااااف رايحة و جاية و تسلم على بعضها و لي سارفور في كل بلاصة تقدم بخطوات رزان وقف عند أول طاولة فارغة و تكلم بلاميفيق ع؛ إلياس ا: وي صاحبي راني نسمع فيك حكمت بلاصة ع: وي سيبون ا: حاول تشوف بعينيك على آدم و إذا جا كاش واحد كيما تفاهمنا ع: وي cbn نروحو عند سامي لي تنكر بزي العمال و دخل من اللورة في هذيك اللحظة إلياس قدر يتحكم بالكاميرات و حاول أنو يصور الوضع طبيعي حتى لما تبدا العملية يحطها في تسجيل الكاميرا و يمحي خاصية تصوير فيها
دخل متسلل عامل روحو واحد من عمال الأجونس متبع تعليمات إلياس و المخطط لي وشمو في يدو تاع الدار قدر من خلالهم يوصل للغرفة إ: يعططيييك صحا صاحبي ياك راك لابس القفازات (les gans), س: وي ا : واحد مراهو في الغرفة أتكل على ربي و فك الباب بلعقل و أدخل طبق الأوامر و دخل للغرفة لي كان فيها سرييير كبير و خزانة و مكتب و كيس بوكس معلق ا: درك أبدا فتش وين راهو مخبي الخزنة أما حاولت ماتفسدش الحالة حاول تخلي كل شئ منظم بدا سامي يلهط (يبحث) شاف في البلايس الكل تحت سرير في خزانة في المكتب و شئ مكان حتى أثر س: اووووف شفت في البلايص كامل أما ريحتها مكانش ا:, 🤬🤬🤬🤬 الكلب وين راه زعما مخبيها اوووف يمكن في غرفة ولدو س؛ يمكن ا: اخرج درك نڨيديك س: اوكي هوا خارج ضرب بيدو كيس البوكس بقوة يحاول يفرغ غشو أما حسها ماهيش عادية خفيفة و مش أصلية ضرب الضو في راسو س: إلياس أسمع ا؛ وي س: حنا فتشنا كلش أما نسي كيس البوكس هذا و زيد راهي بزاااف خفيفة عن الأصل ا: يااا ربي و تكون نتم حاول تلقا كاش عفسة باش نفكوها و نتأكدو س: أوكي
نروحو عند عماد واقف حذا طابل هاز كاس جي و يشرب فيه بلعقل و مندهش من العالم لي راه فيه ناس كلها من طبقة راقية من طريقة مشيتهم و تكبرهم و راسهم لي مهزوز في سماء هو تايه في هاذ العالم حتى يجيه راجل أحد مساعدي رأس المافيا تكلم معاه بالإيطالية م: سلام ع: ( مع تكلم معاه قلبو ولا يضرب في 90 من الخوف خايف أنو يتكشف أما حاول يرزن روحو و تكلم بصوت هادي و كل ثقة عكس البركان لي داخلو ) و عليكم السلام م: أنا إيمانويل المساعد الرئيسي لماكس (راس لكبير للمافيا) و أنت شكون ؟؟ ع: أنا مارون صاحب فرع شركة الفوركس الإيطالية م: امممم متشرفين ع: الشرف ليا م؛ أنا نخليك نتمنى تعجبك لحفلةو تعڨب الوقت الطيب ع : شكرا هو راح و عماد وأخيرا تنفس براحة و خرج كل الطاقة السلبية لي كانت داخلو و الخوف الكبير ... عند سامي : هز كيس البوكس حطو في الأرض و بدا يحوس كاش ميلقا حل باش يفتحها لقا سونسور فكو دخل يدو حس بحاجة صلبة خرجها لقا الخزنة فرح س: ياااااس ا: اووووف حمدالله يا ربي و أخيرا أوكي أبدا في مهمتك سامي حط سامي جهاز الاختراق فوق الخزنة و بدا إلياس بمهمتو بعملية الإختراق شي نصف ساعة و هو وراها حتى فتحها س: ٱلياس صاحبي الصيد راهي تحلت ا:. اووووف حمدالله أبدا أجبد الدوسيات و رجع كلش كيما كان جبد سامي جميع أوراق الموجودة إتفاقيات السلاح و الدروڨ و المتاجرة بأطفال الصغار أوراق الرشواة و مناقصات الشركة لي مخبية وراها عالم أسود خبيهم عندو مليح و فرما الخزنة و رجع كي شئ كيما كان و بالتدقيق بلا مايخلي حتى غلطة
عند عماد : كره و هو في الحفلة حتى شوية و فقد الأمل أنو يلقا آدم شوية هكاك و طلع ماكس (رأس المافيا لكبير) فوق منصة و بدا يتكلم (أكيد الكلام بالإيطالية ) م: أهلا بالناس الكل نعاود نرحب بيكم مرة ثانية شخصيا نتمنى الكل إستمتع بحفلتنا أما بعد حبيت ندخل في الموضوع الأساسي لسبب هاذ الحفلة كيما تعرفو أنا بديت نتعب و العمل كثر عليا و في السنة هاذي تعرفت على ولد و بالنسبة ليا هو ولدي الثاني حماني شحال من مرة لهاذ السبب حبيت نعرفكم بيه لي راح يكون يدي اليمنى و وريث عرشي نحب تستقبلوه بكل حرارة إبني الغالي أنطونيو بدا التصفيق بكل قوة 👏👏👏👏👏👏 طلع أنطونيو فوق المنصة بقا عماد حال عينيه بصدمة شاف صاحبو و عشيرو لي على جالتو قطعو البحور باش يوصلولو واقف بكل شموخ و ثقة تبدل بزااااف هز صحتو أكثر و أكثر صار جسمو ميسكلي و ضخم أكثر من قبل مبدل تسريحة شعرو كل شئ فيه مبدل لكن إلا ملامحو لي تفرا منهم الغش مزالو هوما هوما نفسهم ماتبدلوش تقدم آدم من ماكس صافحو و تكلم نتمنى للكل ليلة ممتعة
عند سامي: هو قاعد يرجع في كل شئ كيما كان حتى يسمع عياط إلياس ا:. سامي أتخبا أزرب أتخبى س: شبيك واش كاين ا: تلهيت بالخزنة باش نفكها و مركزتش مع الكاميرات مساعد ماكس راهو طالع في دروج كاپابل يجي للبيت س: اووووف اووووف زهر رجعت كل شئ وين ماكان وين نتخبى درك ا: روح أتخبا في الخزانة بين القش بزربة راهو قريب يوصل ليك س: اوووف اوكي راح بسرعة تخبا شوية و تحلت الباب و إلياس و سامي قلوبهم ولات تضرب في المئة راح للبيرو حط أوراق فوقهم و هز ستيلو كتب فيهم آپري توجه للخزانة راح يحطهم نتم هو حال الباب ..... Fin part Vote + cmntr et bn gSto 💜♥️👇😂 توقعاتكم آرائكم خلوهم في الكومنت
