عند عماد
عماد : وي رضوان صفا صاحبي
رضوان؛ حمدلله المهم عندي خبر صح يكون شوي مفاجء بصح مليح يساعدنا اليوم جاتنا أخبار من جاسوسنا بلي مهمة تاع مافيا تاع سلاح ليوم إجتماع التاني رايحين يديروه و رايحين نبدلو الخطة
عماد : عادي صاحبي قولي برك وقتاه و كيفاه ندخل انا
رضوان : شوف عماد منحتاح حتى غلطة
عماد ؛ متقلقش روحك عندي
رضوان : خلاص درك يجي عندك واحد يفهمك في كلش
عماد : مفروزا صاحبي
عند مايا
مايا : الو قمر وش راكي صفا زينا ولله توحشتك
قمر : ولله حتى انا توحشتك ولله نقولو لباس
مايا : ايا مليحة قيتي حسابك لتم
قمر : وي لبلاصة بزاف هايلة والله شفت ليفوطو ( صور) ومكنتش متصورة تكون هايلة ومليحة لدرجة هذي
مايا ؛ هههههه ولله نتي مزهرة قاصك كيفنا
قمر : هههههه نعرضكم عندي متخفوش
جورجينا : قمر قمر وينك
مايا : شكون هذي ؟
قمر: يلي تسكن معايا جورجينا
مايا : هههههه اااا مليح على اقل مش وحدك و بنت بلادك ايا نخليك اصلا عندي خدمة تهلا زينة باي
قمر : باي سلملي على جماعة و بلاك لمدة هادي منعيطلكمش لأنو عندي بزاااف ليسطاج و لقراية و عندي مقابلة الأولية متزعفوش مني
مايا : يوصل لعزيز و متتقلقيش أني نهدر البنات مايعيطولكش حتى تفرزي أمورك و تعيطي نتي
ق: تعيشي لڨلب باي
م: باي
كوبات و ركبت طونوبيل و قلعت لسبيطار
دخلت لقات دنيا مقلبة
مايا : سراج سراج
سراج : نعم دكتورة مايا
مايا : وش كاين وش صرى هنا ؟؟
سراج : دكتورة اشتباك برصاص و كاين بزاف وفيات و زوز حالة عادية و تقريبا خمسة حالة خطرة
مايا : اجري جيبيلي دوسيات تاع حالات تاعهم ونتي شوفي حالات عادية
سراج : دككتور فاروق و حسام و سجى و هيلا استلمو اربع اشخاص بقى واحد يلي من اختصاصك
مايا : هتلي دوسي تاعو
سراج : هوية مش معروفة
مايا : نورمال هيا برك
راحت لبست طبليتها و راحت تجري تهز دوسي ( ملف ) بش تقراه
ملف :
ثلاث رصاصات اولى في منطقة البطن و ثانية في كتف و ثالثة قريبة من قلب
كسر في صدر و كسر في فخد و تمزق في عضلة كتف الايمن
مايا : اففف ازربو وجدو غرفة عمليات
راحت وجدت روحها وغسلت يديها ودخلت غرفة عمليات
نرجعو قبل اربع ساعات
عماد : ادخل ادخل
بدر دار تحية: حضرت ملازم عماد انا ضابط بدر
عماد : استرح
بدر : جيت بش نقلك على خطة
عماد : علبالي هيا مبقاش وقت
بدر: اول حاجة حنا محصرين مكان وعدنا اربع قناصين محوطين مكان و اكثر من عشرين ضابط و نتا وحدك لداخل واحد ميقدر يدخل معاك
عماد : نورمال كمل
بدر : درسنا مسافة بين مطار و مكان لقاء تقريبا ساعة في طريق لازم تكون لداخل قبلهم بساعتين بش تتفقد كلش
عماد ؛ كاش متبدل فلي نقتل ولا مكانش تبديل
بدر : تعرف أنو القتل ممنوع كل شئ منبعد يترك للقانون و العدالة أما إذا لزم الأمر و كان دفاع عن النفس عنك الأحقيى
عماد : وقداه واحد ؟
بدر : هوما خمس اشخاص مع حراس تاعهم يكونو تقريبا 10 عباد و خارج اوتال تقريبا رح يكونو 30 واحد ومع يلي متنكريين
عماد : خلاص فهمت عليك روح و ميهمكش في باقي
بدر : حاضر
وخرج
عماد اممم مش حاجة درت اصعب من هك
وجد روحو مليح و عمر سلاحو أما الحاجة لي ككل مرةكي روحو المهماتو ميحبش يديرها هي واقي الرصاص
بعد ربع ساعة وصل وقت بش مهمة تبدى
أنت تقرأ
أحببت من ليست لي ♥️💔(مكتملة)
Romanceقصة حب في المراهقة من طرف واحد قصة عاشق كسرت قلبه لكن أسوء ما يحدث لعاشق هو أن يخدل و تبرد مشاعره فتحدث الكارثة قصة حب راح تلقاوها مزيج بين الدراما و الأكشن أقراوها مريحينش تنذمو أكيد راح تعجبكم لأنها راح نتعاونو فيها أنا و صديقة ليا الكاتبة...
