Jungkook chu nui sen sen pah chuan Taehyung in lam chu a pan a. Taehyung in kal na kawng te chu bel tak hi ani ringawt mai, Taehyung hian exam emaw test pawimawh a neih dawn piangin Jungkook hi a hman emaw hmanlo emaw zawt lo in a in ah a hruai hmak ṭhin. Chu chu Jungkook tan chuan hlimna leh lawmna a lo ni leh a, hmanlo viau mahse rei tak tak a zirtir ziah thin. Taehyung zun ah hian a uai ve khawp a
Taehyung in chu a thleng a. A phur viau rual in an la lut mai ngam loh a.
"A la mu ngem le. Ka kal hma mah mah em aw, a mutui lai tiharh chu a duhloh em kha ka duh tih ka sawi hma hian min thinrim khum vak mai nga" tiin door Bell hmet ta mai lo chuan kawt ah chuan a vei a vei a.
A phone rawn ri thut chuan a ti phu zuk nghe nghe.
"Aw Jimin" lâk pah chuan ati nghal zât a
"Enge i tih dawn, lengchhuak i la ka rawn kal ang aw"
"Umm Jimin hei Taehyung in kawtah ka ding mek a"
"Maw enge khatah te i tih a..... Lawkin nangpa kha i thil tih tum kha ti miah suh inbe phawt ang Jungkook inngaihtuah harh ta che"
"Jimin zan khua in ka inngaihtuah tawh a.. heihi ṭha ber a ni. Ka hmangaih zia hi ka thup mai thei tawh lo. "
"I nat na mai thlentu a ni zawk ang Kook, rawn let rawh" a tih chuan a thaw hak a.
Chhan let a tum tih chuan kawngkhar chu rawn ri khep a, A rawn in hawng ta mai,
A phone hman pawh ka hre chang tawh lo.
Tae chu kawr pawh ha lo, boxer nen chauh in a lo ding a. A sam a la hnawn dan ah pawh inbual zo hlim a ang. Jungkook chuan zah pawh dawn lo in a en ngawih ngawih a ni mai. Thil tamtak a lo suangtuah leh mawlh mawlh tawh ngei ang.
"I thil hmuh chu I va duh awm ve" Taehyung chuan a rawn ti a.
Jungkook pawh harh thut nge. A in siam tha vat a
"Hi Taehyung i tho tawh maw" lai deuh pah chuan a ti a
"Hi Kook, enge hetah i rawn tih dawn a"
"Thil hrilh tûr che ka nei a. Ka rawn kal nih hi"
"Sawi la"
"Ahhhh ihh diktak chuan,,, umm i i hriat tawh leh tawh loh chu ka hrelo a keihian ihh..."sawi mai thei lo chuan a ti a, chutah Taehyung chuan
"Jungkook i sawi tum chu sawi tlang nghal mai la"
"TAEHYUNG KA DUH CHE" rang lutuk hian a sawi nghal phawng mai, Taehyung lah Jungkook in a duh tih hre reng mahse a kâ ngei atanga a sawi a hriat chuan sawi mai tur a haihchham nge ni , ngawi reng chuan a ding a.
Jungkook lah lo khur ti tih, hnawl a ni ang tih hlau tak chuan hnuai lam en in a ding ngawi ve reng a.
Boruak chu a nuam teh chiam lo khawp ang le.....
Taehyung a ngawih reng na chuan a beiseina neih te kha a ti bo ṭan mek. Chutih lai chuan
"JungKook" Taehyung koh na vang chuan a hawi chho vat a.
"Kook min haw miah lo a mi" a ti sap a
"Teuhlo mai, ka haw ngai lo hrim hrim che"
"I chungah ka chimawm in ka sual viau chung pawh hian maw" a tih chuan Jungkook chuan a lu a bu nghauh nghauh a.
"Min duh tih chu ka hria lawm"
"Chuan" Taehyung melh kalh pah chuan Jungkook chuan a zawt a
"Chuan ka chhânna i hriat duh chuan Monday zingah ka hrilh ang che. Ṭha em"
