Teach Me Whelve (Teach Series #4)

Kabanata 6

Kabanata 6:

IPINARADA ni Terron ang kanyang kotse sa parking lot ng site kung saan siya nagta-trabaho pagkagaling niya ospital. Lisa, his ex-girlfriend, was involved in a minor crash. It's a good thing she pulled on the break before crashing the car into the water.

Sa kanyang kotse iyon, pinahiram niya sa dalaga no'n kaya naman nang maaksidente ito ay tinawagan siya para ipaalam ang nangyari sa kotse niya. Wala naman sa kanya iyon, ang mahalaga ay ayos lang ang babae at kaunting galos lang sa noo.

Iniwan na rin niya ang babae nang dumating na ang bestfriend nito.

Pagkababa ni Terron ng kotse ay pumasok siya sa site, kaagad pumalahaw ang tukso ng mga trabahador, napailing siya saka dumeretsyo sa kanyang opisina.

Nang inilapag niya ang kanyang bag sa lamesa ay narinig niyang bumukas ang pinto.

When he looked back, he frowned to see his bestfriend. Well, that's what he told him.  Kakakilala lang nila noong nakaraan buwan dahil sa isang project at ang lalaki ay ina-announce na mag-bestfriend sila.

Gano'n lang.

"Kumusta Asukal de papa?" Jaren mocked him with a playful smirk.

Dire-deretsyong pasok ang lalaki sa kanyang opisina at umupo sa visitor chair niya at natawa nang makita ang paglukot ng kanyang mukha, he gave Jaren a middle finger.

"Hoy, itikom mo 'yang bibig mo tatanggalin kita sa trabaho," pananakot niya.

Mas natawa ang lalaki, sumandal ito sa upuan habang nakatingin sa kanya. Naiiling na naupo siya dahil siguradong hindi siya titigilan ng kaibigan lalo't kung ano-anong sinabi at kinuwento ng asawa niya noong bumisita si Jaren sa condo na halos pagtulakan na lang niya ang kaibigan para lang iligtas ang natitira niyang dignidad.

"Ngayon ko lang napansin, Engineer. Ayaw mong binibigyan ka ng nickname huh? Even your ex, hindi ba sabi mo wala kayong tawagan talaga. You found it corny, but look at you now huh, I wonder why you allowed your wife hmm, Papi?" nanunuyang sabi ng kaibigan saka humalakhak.

Napasandal siya sa kanyang swivel chair saka naisip. Bakit nga ba?

Hindi niya rin alam at dahil sinabi na ng asawa niya ang dahilan kung bakit siya tinatawag na gano'n ay parang ayaw na niyang magpatawag sa asawa ng pangalan.

Hindi naman pala masyadong masama ang may nickname.

"Umalis ka sa office ko, Jaren. Doon ko na at may gagawin ako."

"Sus, ano naman gagawin mo? Bakit ang sungit mo naman Engineer, ganyan ka ba kapag wala ang asawa mo?"

Gumalaw ang kanyang panga, nagsimula siyang halungkatin ang mga papeles sa ibabaw ng kanyang lamesa. Bigla niya tuloy naalala ang babae. Nakarating na kaya ito sa Mall?

Fuck.

Hindi niya pinansin ang kaibigan.

"Buti at pumasok ka na Engineer? Nako, baka makahanap ng iba nyan ang asawa mo habang—"

"Savy's not like that," sikmat niya.

Unti-unting nag-iinit ang ulo niya sa kaibigan, kaunti na lang ay masasapak na niya ang lalaki. Gumalaw ang kanyang panga habang nakatingin sa lalaki, lumawak naman ang ngiti ni Jaren kaya mas lalo siyang nainis.

"Hmm, how did you know? Hindi ba't hindi naman kayo magkakilala talaga? Paano kung may ibang lalaki pala siyang mahal niya tapos napilitan lang din siya sa kasal niyo katulad mo?"

Naikuyom niya ang kamao sa ilalim ng lamesa.

Mabilis niyang kinuha ang telepono niya at may tinawagan habang matalim ang tingin sa kaibigan na malawak ang ngiti sa kanya, na para bang ang tagal nitong hinintay ang araw na ito para lang inisin siya.