جوري:توتتتتتتتة
توليب:حبيبتي جوري تعالييي♥️
جوري جات حضنتها وبقت ماسكة فيها وبتبكي شديد لمن بكّت توليب معاها بقت حاضناها مسااافة وبتراضي فيها... لمن في النهاية اقتنعت نزلتها ومشت ركبت السيارة عشان ترجع البيت واول مادخلت وطلعت ملابسها لاقاها معتز قال ليها
معتز:دي شنو المهزلة العملتيها قبيل دي😒
توليب:ياتو مهزلة😏(بنفس برودها)
معتز:هسي في زول قال ليك افتحي خشمك دة انتي مالك دايما فاضحاني بي تصرفاتك😡
توليب:والله اذا شايفها فضيحة يبقى بكيفك 😏
معتز:والله الليلة ما اخليك😡
توليب:اعلى مافي خيلك اركبو🙂💔
معتز اداها كف لمن راسها لفة (لفة ولا عربي وه وه🤣💔)
وقال ليها برودك وقلة ادبك دي ماعلي انا يالسمحة شافعة مسلطة😒 ووقع فيها ضرب جد وبعد ما انتهى شال مفتاح سيارتو وطلع اما هي قامت غسلت وشها ومشت غرفتها رقدت وبقت تفكر في ريان وشايلة همها وكيف حتعيش مع الزول المعرسنو ليها دة وشكلو كبير (سبحان الله ياجماعة يعني توليب دي فيها قوة كدة وعدم لامبالاة عجيبة يعني هي في وضع مايسمح ليها تفكر فنفسها مرتين لكن هي شايلة هم غيرها).
مرت الايام وتوليب مجتهدة شديد في دراستها وكمان م شغالة بزول من اهلها وهمم ماجوها بعد الكلام القالتو ليهم داك خجلو من نفسهمم المهمم انها مستمرةة في قرايتها بس بقت ضعيفة شديد ووشها شااحب ومليان هموم بس الناس كانو مفتكرين انها في تالت ودا الضغط حقق تالت وكدة بس دة كان ضرب معتزز ليها المهم جات الامتحانات التجربيبية وتوتة جابت 87.5 واولة الفصلل كالعادة اجتهددت زيادة وبقت تساهر وكدة لأنو امتحاناتهم قربت.
__________
كان قاعد في البلكونةة وبفكر في تصرفات امو اللي مالاقي ليها حل والهموم اللي كترت عليه وماعارف يعمل شنو ويحلل المواضيع دي كيف وفي نصص تفكيرو اتصل عليهو صحبوو مؤيد..
مؤيد:وينن يامان مختفي كدا مالكك
...:قاعدد والله ياهوو مشغول بال..
قاطعو مؤيد وهو بقول ليه
مؤيد:ماتخاف ياصحبي كلوو بتحلى ان شاء الله خليها على ربنا وهو بيحلها بإذن الله.
...:ان شاءالله
مؤيد:يلا في مزةة هنا انا ماشي احنكها سلام
..:😂😂اصللك مابتتعب من المزز سلام
قفل منو وقرر انو يمشي ينوم ومشا اتخمد اقصد رقد نام😂💔.
__________
جات امتحانات الشهادة حقت توتة وهي طبعا جاهزة مشت اليوم الاول ومتوترة نوعا ما مشت بس امتحنت حلو شديد الحمدلله .
لما طلعت شافت الاهالي مع بناتهم وكدا والبنات حاضنين امهاتهمم قالت في نفسها يلا ياتوليب انتي اقوى من كدةة وماوقتت تضعفي اساسا وماحنك انتي مريتي بالاصعب من كدة حتتجاوزي دة كمان انتي قدها كملت مشيها للبيت وهي بتفكر في امها وهي وين وليه مشت خلتها وصلت البيت ودخلت لقت معتز مافي البيت .. فرحت مشت غيرت هدومها ماكان عندها نفس تاكل رقدت نامت شوية وصحت وكملتت قرايتها .. ومررت الايام على النمط دة لحد ما انتهت من الامتحانات والليلة اخر يوم وقادرين تتخيلو انو ماف واحد من اهلها جاها ولا سألها امتحنتي كيف ولا حتى تلفون ما اتصلوو والليلة اخر يوم خلصت وامتحنت كلوو تمام ورجعت غيرت ملابسها ورقدت نامت.
__________
كيف هالكووم مع الجوو الكئيب دة😂😂
بمزحح بمزح يلا نكمل🙂💔
__________
صحت اليوم البعدو الساعة اربعة العصر اتخيلوو بس قامت صلت واكلت وفتحت التلفزيوون جا معتز كالعادة ضربها بدون سبب دخلت غرفتها ورقدت في سريرها بقت تحاول تنوم بعدين سألت نفسها سؤال
ياربي ليه معتز دة بقى ضعيف كدة
اهه انا مالي ومالو ومشت نامت .. مرت الايام وتوليب مالّة شديد من قعدة البيت ومعتز بقى ضعيف وجسمو هزييل شديد لحد ما يوم صحت من النوم بي صوت كواريكك وكدا لما نزلت تحت لقت ناس كتار .. مشت لبست عباية وطرحة وجات لقت اهلها سألتهم مالهم وكدة قالو ليها راجلك في المستشفى وانتي نايمةة وكلام زي دة وذلوها شديد المهم في الاخير مشو المستشفى كلهم وقعدو قدام الغرفة منتظرين بعد قريب الساعتين الدكتور جا طالع قال ليهم المريض طالب توليب كلهمم عاينو ليها بي استغراب هي زاتها استغربتت دخلت ليهو حنت عليه لأنو حالتو يرثى لها نحييف كدا وتعبان شديد قال ليها
معتز:سامحيني ياتوليب عليك الله سامحيني على كل دمعة نزلت منك بسببي ..💔 وعلى كل مرة مديت يدي عليك فيها وعليك الله سامحيني لأني ماكنت بعاملك معاملة زوج لزوجته ولا اخ لأختو ولا حتى اب لبنته ولا حافظت عليك ولا راعيت ليك رغم كل اللي كنتي بتعمليه وماكنتي بتقصري في واجباتك معاي نهائي بس الله يسامحني انا عارف انو وقتي خلاص قررب ينتهي ويمكن فاضل ليهو دقايق بس طالب منك العفو لو سمحتي عشان اموت مرتاح
توليب قالت في نفسها (كيف يامعتز كيف بس اسامحك وانت ماراعيت لي وضربتني ضرب وحوش وعاملتني معاملة خدمم وتعبتني وازمتني شديد كيف بس كييف انا مابقدر انسى مابقدرر والله مابقدر)
بتفكر وبتعاين ليه قالت ليهوو
توليب:انت يامعتز ما اول ولا اخر واحد تغلط في حقي انا من اتولدت لحدد اليوم ماحد اتعامل معاي كويس الا حبوبتي الله يرحمها ♥️.
انا مسامحاك وعافية ليك يامعتز بس ياريت لو كنت بتسمع نصايحي وكلامي ليك كل يوم ماتشرب وما وما وووو نصايح ماليها اخر هسي ماكنت حتكون هنا
معتز:انا اسف بجدد اعفي لي واشهدد ان لا اله الا الله وان محمدا رسول الله
لحظة صمتت حصلت لما سمعت صوت الجهاز بصفر وبينذر بي توقف قلب الزول دة.
اْللهُ يَغْفِر .. فَمَنْ نَحْنُ لِكَي لَا نَغْفِر ..؟!🖤
يتبع...
