وكلهم مندمجين فيها و ف ردت فعلها وحتتصرف كيف بعد مدة خمسة دقايق من الصمت ابتسمت ابتسامة كبيرة بتدل على انها حتجي تضم امها بعد كل السنين دي وحترجع مرة تانية للدفئ والامان ف حضنها
.. جات عليها بهدوء وخطوة خطوة وامها فرحت لكن اتصدمت لما جات تسلم عليها بالاحضان توليب صدتها ومدت يدها وقالت ليها اهلين ومشت قعدت جمب حسام .
توليب:اهلين ي خالتو.
هنادي:سكتت مسافة وزفرت بضيق وكانت قايلة انو توليب م ميزت امها .
قاطعتها المرة ام توليب الحقيقية اسمها نورة :انا امكك ي توليب حبيبتي انا امكك
توليب:سكتت وبعدها ضحكت ضحكة طويلة وقالت ليها عفواً انا عندي امم وحدة بس وهي ماما هنادي
باسل حس انو الحوار عائلي قرر ينسحب وطلع وقف برا.
نورة:لالا حبيبتي قصدي انا امك الولدتك
توليب صدمتها بجوابها وببرودها لما قالت ليها :الام ما ولادة الام تربية♥️.
وكملت:انا ما بعرف اي ام غير ماما هنادي وم بشرفني يكون عندي اساسا ماما هنادي وجودها يكفي وزيادة جات وعوضت كل النقص
المرة قامت وطلعت عشان تمشي حست انو ماف فايدة من الكلام مع توليب وف المسافة د مؤيد طلع برا لما فقد باسل ولقاهو واقف برة قال ليهو:مالك طلعت؟
باسل:جيت اكلم تلفون .
مؤيد:اها قاطعهم صوت صراخ وكأنو د صوت توليب ما وعو ع نفسهم اللتنين الا وهم جاريين عليها عشان يشوفو الحاصل شنو.
توليب اول م امها نورة طلعت هي قامت طلعت غرفتها وحسام لحقها لقاها بتصرخ بجنون وبتكسر اي شي قدامها لحقتهم هنادي ومؤيد وباسل جرو وجو طالعين هي ماكانت شايفة قدامها بس كانت بتكسر وبتخرب اي شي قدامها وبتبكي شديد وكسرت اي شي ف غرفتها حتى المراية حقت التسريحة حسام اتقدم ليها براحة وضماها بقوة وهي هنا انفقعت بالبكا وهو كان بهدي فيها ومؤيد جاها داخل وامها برضو وباسل مشا يجيب ليها موية بعد م هدت شوية شربت الموية
حسام:توليب حبيبي يلا نطلع تعالي نومي ف غرفتي او مع امك♥️.
توليب : ...
حسام : توليب قل..
قطع كلامو لما شاف دموعها بدت تنزل مسحها ليها ومسك يدها قال ليها :انا معاك دايما تمام م تبكي طيب؟
توليب:..(انعل ابو د سفهة زاتو😭😂😭)
حسام قومها وساقها لحد م وصلت غرفة امها رقدها ف السرير ومؤيد كان واقف جمبها برضو اللتنين مامشو من جمبها ثانية لما حسو بيها نامت والوضع م اخد ربع ساعة قامو ونزلو تحت بقو قاعدين كلهم وم عارفين يعملو شنو بس ساكتين لحد م مؤيد قال: المرة د لو جات تاني ما حأرحمها
هنادي:كيف يعني م هي ف النهاية امها 😐
حسام :هسي هي ظهرت تاني ليه احنا ماصدقنا انو توليب بدت تتجاوز هسي حترجع ليها الهلوسة والكوابيس تاني 😪
هنادي : لالا ان شاء الله م بترجع ليها 🖤
مؤيد بس كان معصب وباسل كان طلع مشى بيتو قبيل وبقى يفكر في توليب وماقاعدة تغيب عن بالو لحظة .
وناس مؤيد بتكلمو وكدا تاني سمعو صوت توليب بتصرخ وتبكي المرة د لحقها مؤيد لقوها مكرفسة رجلينا وبتبكي بصوت عالي شديد يخ حالتها كانت تحنن مؤيد مشى ضماها تاني وبقا يمسح ع راسها مسافة ربع ساعة تقريبا ادوها موية تاني وبعدها رقدت ف رجلين امها وبقو قاعدين جمبها كلهم وهي بدت تنوم وامها تمسح ع راسها وحسام ومؤيد جمبها لما حسو انها نامت نوم عميق شوية بعدها كل واحد مشا غرفتو وهنادي رقدت ونومت توليب ف حضنها ♥️.
(اتت ودمرت كل م بنيته ف الفترة الماضية .. هاهي اليوم اتت واعادتني لنقطة الصفر .. اصبحت لا اطيق العيش اشعر وكأن كل شي حولي كابوساا سيء وسأستيقظ منه ولكن كل ذلك حقيقة للأسف .. بدأت اشعر ف الاستقرار مع هذه العائلة الجميلة اتت هي ودمرت كل هذا .. اين كنتي يا امي حين احتجتك ولم اجدك بجانبي تمنيت الموت حينها وانا ابحث عن ذلك السند .. تعبت كثيرا وعندما بدأت حياتي تتغير للأجمل عدتي انتي وسرقتي لحظاتي الجميلة مجددا .. الا يكفي انك لم تكوني تغيبي عن مخيلتي لحظة ؟! كم تمنيتك ف كثير من المواقف ولكن لم أجدك.. تمنيت حضنك الدافئ الذي ربما ينتشلني من هذا الظلام الحالك .. الذي يخرجني من هذه الكوابيس السيئة .. لم تعلمي م هو شعوري في بعدي عنك .. كنت اتمناك دائما الى ان بدأ يخف ذلك الشعور وينعكس بالسلبية .. بدأت اكرهك واكره الحديث عنك واكره كل شيء يخص الامهات ... وتأتين بكل فخر وتقولين انا امكك؟ اين كنتي في كل تلك السنوات ؟؟ اين كنتي حيين احتجتك ولم أجدك.. اأنتي منطقية حقاا؟ عن اي ام تتحدثين؟ تلك التي تركت طفلتها بعمر الشهر وذهبت لأجل مهنتها والثراء وتركت طفلة صغيرة بريئة خلفها تنتظر من يأتي ويعطيها بعضا من الدفئ والامان قلبا يحبها ويهتم بهاا .. تلك الطفلة كانت تحتاج فقط الى قليل من الرعاية والاهتمام ولكنها لم تجدهماا .. كانت تحتاج الى عالم مليئ بعطف وحنان الام ولكنن تبااا .. كل شي كان خيال لا يستحق الوجود لقد مسحتك من حياتي حين مللت من انتظارك وتجاوزتك .. اقصد كنت اظن انني تجاوزتك ولكن كل شيء كان خيال لم استطع ان اتمالك نفسي حين رأيتك امامي يانوورة نعم نوورة فأنا استخسر فيك كلمة امي انا اكرهك جدا ي نورة .. عانيت كثيرا جدا بسببك ولن استطيع تجاوز ما مضى ستظلين انتي تلك النقطه السوداء على صفحة بيضاء خالية .. اكرهك واكره كل مايخصك .. توليب)
صحت الساعة 12 بقت تتقلب وتفكر ماعرفت تنوم قالت احسن شي تقوم تصلي ركعتين لما قامت
امها هنادي: ماشة وين؟
توليب: ماشة اصلي ركعتين يمكن تخفف علي شوية.
امها هنادي :احسن ليك اي قومي
توليب قامت اتوضت وصلت وبقت تدعي.
ثم هبطت حتى لامس الأرض جبينها..
وقالت بإرتجاف: "أرح ضجيج قلبي يا الله.. 💛🖇".
يتبع..
