الليلة اليوم الاول في الجامعة لتوليب وقلت ليكم انها مع مؤيد في نفس الجامعة المهم صحت من الساعة اربعة صلت وقرت الورد حقها ودعت ربنا انو يوفقها لبست تشيرت وردي فاتح فيه كتابة بالاسود بالانجليزي وبنطلون اسود وسرحت شعرها ضنب حصان لفووق لبست طرحة افوايت واسبورت افوايت وفيه خط بالوردي.
ماعملت اي نوع من المكياج شالت جوالها وطلعت
(حسام جاب ليها ايفون 11 برو)
(لينا الله🙂💔)
وهي نازلة في السلم مؤيد عاين ليها والصراحة عجبتو شديد حسام صفر ليها تصفيرة اعجاب وقال ليها حتدشدشي الجامعة كلها الليلة قعدت تضحك ونزلت اما مؤيد كان ساكت
حسام:مؤيد انت حتوصلها معاك الجامعة
مؤيد:طيب تمام
حسام:وتوريها القاعة حقتها
مؤيد:اوك
حسام:وتخلي بالك منها
مؤيد:رايك شنو اديك المفتاح توديها انت
هنادي وحسام:😂😂
حسام:لئيم 😂 .. يلا قومو مشا لي توليب وقال ليها انتبهي على نفسك وهنادي سلمت عليهاا وقالت ليها بالتوفيق.
مؤيد:يلا عشان ما نتأخر
توتة:اوك
هنادي:الله معاكم
طلعو مؤيد وتوليب وركبو سيارة مؤيد ومشو طول الطريق ساكتييين ولا واحد ما اتكلم مع التاني ولما قربو يوصلو
مؤيد:في الجامعة لا بعرفك لابتعرفيني
توليب:عاينت ليه مسااافة وقالت في نفسها احساس يعني انا قاتلة روحي عشانك😒
ونزلت راسها وكملت في جوالها
مؤيد:اتوقع اني قاعد اتكلم معاك😑
توتة:(مع ابتسامة جانبية ) يعني لورديت او لا بفرق معاك في شنو 🤨
مؤيد:اتغااظ بس كتمها في حنانو وصلو الجامعة وهم نازلين
مؤيد:لما تخلصي دقي لي
توتة:اوك
قفلو السيارة وهم داخلين الانظار كلللها اتوجهت لتوليب لأنها كانت جميلة شديد وملفته للنظر كمان الاولاد كلهم اتكسرو واتدشدشو فيها وشغالين يعلقو فيها ساي المهم انها خطفت الاضواء شديد مؤيد وراها القاعة حقتها دخلت وقعدت في البينش التالت وكانت براها مامعاها حد .. بعد شوية قعدت جمبها بت سلمت وكدا وتوليب كانت بترد عليها ببرود تااام
المحاضرة الاولى بدت وماكان فيها شي كتير وجا وقت الفطور توليب طلعت مشت الكافتيريا وقعدت كانت شايفة شللة كدة ومعاهم مؤيد كانت فيها تقريبا 3 بنات و3 اولاد بي مؤيد والبنات من النوع الدلوعات ديل والحنكوشااات والمابختو الطرحة في راسهم الا وحدة يظهر عليها كيووتت كدا كانو بتونسو وكدا ولما توليب دخلت الكافتيريا الشلة كلها انتبهت عليها الا ولد واحد اللي هو باسل كان منزل راسو وماسك جوالو بنات على اولاد كلهم انبرشو ومؤيد سااكت ساي ماقال ليهم انو هي اختو المهم يشيلو وينبرشو فيها بعد شوية مؤيد قال ياخ خلونا من السيرة دي اها المحاضرة التانية الساعة كم
