حاجة كدا عبارة عن كتلة سماحة متحركة ولد طوييل وعندو عضلات لونو اسمر نضيف حواجبو حلوة شديد عيونو حلوة ولونها بني حلوو كدا واللحية د بس يحردوها ليهو محددها حلو شديد وعندو شامة في نص خدو .. والغمازة ماتديك الدرب حاجةة كدا في منتهى الواو وفي قمة الرهابة وجناتو محفورة حفر في خدودو اللتنين.. عندو تفاحة ادم وبحةة كدا عجيبة في صوتو..
يعني حاجة كدا في قمة الوبعلي غايتو توليب اعلنت انبراشها التام.
دخلت غرفتها وقفلت الباب وبقت تقرا في كتاب نظرية الفستق.
الولد اللي جا لي مؤيد د باسل🙂.
باسل دخل الغرفة لي مؤيد كان نايم صحاهو وقعد في الكنبة حقت مؤيد ومسك جوالو اما مؤيد مشا يغسل وشو ونزل تحت شرب موية وقال لي ميري تجيب ليهم عصير واكل لأنو ما اتغدا مشا لي باسل قال ليهو
مؤيد:د شنو وجع الوش د هسي ماكنت معاك في الجامعة جايني البيت لي؟
باسل:اصلا الحسنة مابتنفع فيك جيت ارجع ليك الشيت
مؤيد:اووو بسوول حبابك عشرة
باسل:مش قلت ليك ماتقول لي بسوول تاني.
مؤيد:خلاص افسين افسين😂
باسل:غايتو ربنا يعوض اهلك
مؤيد:😂😂
الباب دقا ميري جابت العصير والاكل بقو يتونسو وياكلو.
توليب هناك كانت قاعدة ف غرفتها وبتقرا الكتاب زهجت قامت لبست عباية وطرحة ونزلت قعدت في الصالة وفتحت التلفزيون.
...بعد شوية كدا الباب دقا مشت تفتح وكان حسام وامها .. سلمت عليهم وقعدت تتونس معاهم حسام طلع فوق يستحمى وميري مشت تجهز ليهم الاكل..قعدت تتونس مع امها لحد ما حسام جا واتغدا مع امو وتوليب طلعت غرفتها ورقدت.
...
مرتت الايام على هذا النمط وماكان ف جديد يذكر غير انو توليب ومؤيد كل ماليهم علاقتهم ماشة للأسوء والبت الحنكوشة اللي اسمها رزان ديك بتكره توليب من غير سبب والولد اللي اسمو خالد كل مايحاول يقرب من توليب بتبعدو اما بالنسبة لعلاقة توليب بيزن فكل ماليها ماشة بتقوى وتقريبا توليب بقت تثق فيه وبترتاح ليه وتوليب صاحبت بت تانية اسمها لمار وبكونو قاعدين هم التلاتة دايما مع بعض اما حسام وتوليب فعلاقتهم حلوة شديد وتوليب بدت ترجع زي زمان شخصية مرحةة وحلوة نوعا ما.
...
بعد مرور شهر
توليب صحت الصباح عملت روتينها اليومي الممل ومشت جامعتها وقعدت مع شلتها واخر اليوم رجعت مع مؤيد البيت وقعدت اتونست مع ناس البيت شوية وطلعت نامت وبعدين صحت بقت تقرا بعدها نامت تاني😂.
طبعا توليب بتحب البحر شديدد ولما تخلص من الجامعة م بترجع البيت طوالي بتقعد في شارع النيل شوية بعدها بترجع بيتهم وناس البيت كلهم عارفين بإنها بتقعد هناك زي ساعتين كدا.
رزان كل شوية بتتكلم مع مؤيد بتقول ليهو انو قاعدة تشوف اختو مع اولاد في شارع النيل ومعاها خالد وبتقعد تشرب معاهم الشيشة وكدا مؤيد ماصدق الموضوع د بس انها تقعد تقول ف الكلام د كل يوم لي مؤيد دخلت قليل من الشك ف قلبو مع انو واثق ف اختو لكن برضو😪.
الليلة الخميس توليب صحت عملت روتينها اليومي ولبست نزلت تحت شربت الشاي وطلعت الجامعة مع مؤيد كالعادة مف زول اتكلم مع التاني..وصلو الجامعة توليب نزلت ومشت قاعتها طوالي خلصت محاضراتها ورسلت لي مؤيد رسالة محتواها انها الليلة دايرة تقعد في شارع النيل مسافة اطول .. مؤيد قال ليها اقعدي وبجي بسوقك بعد المغرب .. اتصلت كلمت اهلها ومؤيد مشا مع باسل بيتهم وقعدو هناك.
__________
مؤيد:صدقني كل شي حيتحل ياباسل ماتشيل هم.
باسل:يخ تصرفاتها بتخجلني شديد مف زول بتحمل يتقال ع امو كلام ودايما في حالة انها مرة كعبة وو..الخخ لمتين المجتمع حيحكم على الزول بلبسو؟
مؤيد:....
باسل:هو فعلا امي لبسها كعب شديد شديد لكن يشهد الله انها ماكعبة وماقليلة ادب.
مؤيد: اي فعلا كلامك صحح يخ بس ربنا يعينا ويهديها.
باسل:آمين يارب
مؤيد:اسمع الساعة 7 ارح نمشي لي توليب عشان ما نتأخر عليها
باسل:طيب امشي.
مؤيد:ارح معاي.
باسل:صعبة ياخ .
مؤيد:ارح يخ عليك الله اساسا بكرة الجمعة.
باسل:يلا طيب.
(مؤيد كان عارف انو باسل زهجان من موضوع امو فحب انو يغير عليه جو ويبسطو ولو بأقل شي ممكن يقدمو لييه)
يجماعةة الاصحاب نعمة بالجدد😔❤
طلعو وركبو في السيارة ومشو طبعا مؤيد عارف المكان البتكون فيه توليب دايما.
__________
توليب كانت واقفة وبتعاين للبحر ومن دوون الايام اليوم دا قافل معاها من الصباح وزهجانة وحاسة نفسها عايزة تبكي بقت واقفة قدام البحر وبتتذكر في ابوها وانو ياريت لو كان عايش معاها لحدد اسي لكن مسحت دموعها وبقت واقفة ساي بتتأمل وبتفكر في امها هي وين وهل هي حاليا عايشة ولا ماتت؟..
وهي واقفة بتفكر فجأة ماتحس الا بيد زول بتسحبها وبتضمها عليهو غمضت عيونها وفتحتها لقت نفسها ف حضن زول وحتى ماعرفت د شنو وهي وين ود منو الحضنها فجأة د وقفت دقيقتين كاملين عشان تستوعب بعدها حست بيد تانية بتسحبها وبتضربها كف بأقوى ماعندها.
توليب بقت واقفة وبتعاين يمينها وشمالها وبتتلفت ومافاهمة د شنو الحصل ليها هسي تتلفت يمين تعاين الزول الحضنها فجأة د وتاني تتلفت يسار على الزول الضربها كف ..بقت تعاين ليه وعيونها مدمعة
ما اتوقعت ف يوم من الايام انوو يرفع يدو عليها ..💔 اما صحبو كان بهديه وبقول ليه استهدي بالله ماكدا لكن هو ماكان شايف اي شي في الوقت د .. ماف زول بتمنى انو يشوف اختو ف منظر زي د ولا بيرضاها ليها ولا ل نفسو حتى.
كيف نخبر البحر اننا على اليابسة نغرق🖤!!
يتبع ..
