وربعت يدينها واتلفتت على عمها بثبات وبي ثقة وبي كمية كدا من البرود لمن تحيير (صدق من قال طول البال يهدم الجبال😂💔)
عمها محمد قال ليها كمان دايرة تهربي؟!
ردت بي ابتسامة ساخرة
توليب: ماتخاف الهروب ما من شيمي😏
(اديييييلو😂😂👏)
عمها عصب وقرب ينفجر قال ليها يابت انتي قلة ادبك دي حتخليها متين مش قلت العقد الليلة الناس قربو يجو وانتي حضرتك صايعة
توليب:بنفس البرود ماكنت صايعة كنت في المدرسة وقلت ليكم مدرستي مابخليها (قالت الكلام دة وهي بتعاين ليهو جوة عيونو)
عمها:غايتو الله يصبرني عليك طيري خشي غرفتك طيارة تخمك
(اكعب شي ياناس الزول يدعي على الناس ماهو ياتدعي دعاء حلو يا تبطل لأنو ماف داعي تقعد تتمنى للناس الكعب).
توليب شالت شنطتها بي طرف يدها ودخلت الغرفة .. وبعد ما اتطمنت انها قفلت الباب دمعتها نزلت .. اللي عاملة فيها قوية وباردة قدام الناس دي اكتر انسانة رقيقة وحساسة من جواها .. والبرود الفيها دا بكون نتيجة لي ظروف مرت بيها ومابكون عبث ساي.
مسحت دموعها وقالت في نفسها لا ي توليب انتي لازم تكوني اقوى من كدة الحيقابلك لسة اكبر واصعب من دة بس الله يكون في عونك 😪💔غسلت وشها وصلت الظهر وسمعت الرجال برة والسيارت عرفت انو خلاص ماليها مفر وهي قاعدة في مصلايتها دعت الله يقويها وينصرها وقامت لملمت مصلايتها وقعدت في التسريحة بتسرح شعرها الطويل المنسدل على ظهرها ولفتو كعكة لي تحت ولبست طرحتها وجات بت جيرانهم مكيجتها وهي اصلا ماشاء الله مامحتاجة مكيجوها وظبطوها وسمعت صوت الطلق والزغاريد اللي هي المفروض تكون بداية سعيدة وجديدة وتكون مبسوطة لكن هي هنا بدأت اصعب حياة ..
لبسوها التوب الاحمر وقامت طلعت الناس بقت بتعاين بي ذهول واعجاب عن الملاك النازل دة .. وفي وجه رحاب ورواح ابتسامة نصر وهي نازلة في السلم مبتسمة البشوفها بقول اسعد انسانة على وجه الارض وهم ماعارفين انو ابتسامتها دي بتعكس كمية الالم اللي جواها ..💔
وصلت تحت وخلاص ماشة تركب سيارتها وجات لحظات الوداع سلمت على ريان وقالت ليها ربنا يوفقك ويهنيك ع قدر الالم السسببتيهو لي 🙂ومشت لي ام ريان(رحاب) سلمت عليها وهمست ليها في اضانها ان شاء الله اخوك دة يبقى راجل ود رجال زي ما قلتي ياخالتي مع انو من شكلو باين انو ماكدا😏 مشت منها وخلت خشمها ملح ملح ومشت لي عمها محمد وجا عايز يحضنها بعدت منو ومدت يدها وقالت ليهو سامحني ياعمي على الكلام الحقولو لكن دة الحق عدم الرجولة العندك دة بيإذي ناس كتيرة حولك واولهم انا وشكرا على الجحيم الرسلتني ليهو (عافية منك ياتوتة😂♥️)ومشت لي عمها خالد سلمت بدون ماتقول ليهو شي بس ادتو ابتسامة ونظرة شماتة قاتلة كان احسن تتكلم .. سلمت على عمتها وركبت السيارة.
متخيلين معاي الكلام دة كلو قالتو بي ثبات وبرود وثقة وابتسامة تقتل عديييل (قلت ليكم ماخدة وضعية يادنيا مافيك الا انا) بعد قفلت باب السيارة قبلت على الراجل اللي بدورو بكون راجلها اللي هي لسة ماشافتو راجلها اللي بي عمر ابوها دة غير عن انو عاتي وضخم وبخوف وعيونو حممممرة ماسلمت بس ادتو نظرة كدا وقبلت قدامها وبقت ساكتة ..💔 دمعتها شوية وتنزل لكن لو نزلت الراجل حياخد عنها انطباع انها ضعيفة وهي ماعايزة زول يعرف بضعفها وانكسارها ..💔
الطريق كلو سااااكتة ومركزة مع الشارع اما هو نام (سبحاان الله) السايق العربية كان ولد كدا شكلو ود حلال شديد وظاهر عليهو التأثر لي الزوجين ديل اللي بيناتهم فرق الليل والنهار.
وصلو البيت معتز نزل قدام توليب وشال شنطتها وتوليب نزلت وهي ماشة وقفت بي صوت السائق بقول ليها انتبهي على نفسك يا اختي وابقي عشرة مافي اليد حيلة غير انو نقول ليك الله يصبرك ظاهر انك صغيرة ومجبورة بالزواج الله يعينك يا اختي لأول مرة توليب تحس بالضعف وانها ماقادرة تقدر تحبس دموعها اكتر من كدة اول مرة تلقى زول مهتم بامرها العبرة خنقتها وعيونها دمعت واكتفت فقط انها ترد بي:شكرا ليك دعواتك يا اخوي..♥️
دخلت البيت وقفت قدام الباب ومسحت دمعتها اللي نزلت بسرعة وكملت مشيها لحدي ما لقت معذبها اقصد راجلها منتظرها وقال ليها بكل صوت تخين انا طالع في اكل في الثلاجة اكتفت توليب بإنها تهز راسها بالموافقة طلع وهي قفلت الباب ويادوب قدرت تتنفس الصعداء .. شافت البيت ودموعها نازلة وهي بتبكي وبتتحسبن على اي زول كان السبب في الحالة الوصلت ليها لقت في 3غرف في البيت وصالة كبيرة ومطبخ يعني لابأس به شالت شنطها ودخلت غرفتها وفكت توبها دخلت الحمام استحمت وغسلت شعرها ولبست اكتر بجامة ساترة عندها ورقدت في السرير في محاولة منها للنوم.
___________
في مكان اخر:
..:يا امي الله يخليك البسي لبس زي الناس دا شنو اللبس البايخ والضيق دة على الاقل لو ماعندك احترام لنفسك احترميني انا ولدك انتي مسسسلمة مسلمة ياخ اتقي الله فينا ماممكن.
_ياود هوي انت ماليك دخل اللبس اللي انا عايزاه وبعدين ماتقعد تعلق لي على الطالعة والنازلة انا عارفة نفسي مسلمة ولبسي كدا عاجبني ماعندك اي دخل فيني.
...: انتي هسي عمرك 45سنة ماحتلفتي نظر زول غير الناس التافهين الزمن دة بقى كعب وانا نبهتك يا امي.
_بس انت اختاني وماليك دخل فيني انا الوالداك ولا انت الوالدني.
...:غايتو الله يصبرنا ويعينا ويهديك يامي يااارب العالمين😪💔.
أحاول أنْ أطيق ، وكُل شئ لا يُطاق 🖤!
يتبع...
