حسام:طيب حلو ♥️♥️.
سكت مسافة زفر بضيق وقال ليها
حسام:انا عارف انك متمنية لو كان عندك ام زي باقي الناس بس اوعك تفكري بالطريقة دي فكري بس انو امي هي امك الولدتك وربتك واتذكري دايما انو مهما حصل احنا بنبقى سندد ليك♥️.
ماتخافي من اي شي مدام انا معاك اتذكري انو عندك ضهر وعندك سند يحميك انا حاكون دايما معاك مهما حصل ليك انا مالقيتك بالساهل عشان اخسرك بالساهل انا عارف انو مؤيد غلطان في حقك كتير ومامفروض يعمل معاك كدا لأنك ماعندك ذنب بس صدقيني قلبو ابيض وحيعاملك كويس بس انتي اصبري عليه وصدقيني كل شي حيتصلح♥️.
توليب:شكرا ليك بالجدد انا بحمد ربي مية مرة عليك يخ بحبك انا 😔❤
حسام:😂😂بطلي رومنسيات وامشي نومي يلا بكرة عندك جامعة تصبحي على خير
توليب:وانت من اهلو.
رقدت وبقت تحمد وتشكر ربها على النعمة اللي اداها ليها دي وقالت انها لازم ماتخذلو ابدا.
جا اليوم اللي بعدو توليب صحت من الساعة اربعة كالعادة صلت وقرت قرآن واستحمت لبست تشيرت اصفر مكتوب فيه بالاسود (اي اصفر انتو مالكم😑) وبنطلون اسود اسبورت ابيض وطرحة سودا كانت ظابطة شديد شديد .. وكالعادة ماعملت مكياج نزلت تحت شربت الشاي كانو قاعدين حسام وامها بعد شوية جا مؤيد نازل توليب عجبتو شديد شديد واتكسر فيها سلم وقال لي توليب يلا وطلعو.
كالعادة طول الطريق كانو ساكتين وصلو ونزلو.
لماتوليب كانت نازلة من السيارة جات بت من شلة مؤيد حنكوشة شديد شديد ومايعة مياعة لمن غلط جات سلمت على مؤيد (البت اسمها رزان)
رزان:ميدوو كيفك ي بيبي.
مؤيد:بخير😒.
رزان:مالك بتتماسخ كدا يابيبي من الصباح.
مؤيد:لالا ماف شي+يلا ندخل
في المسافة دي توليب كانت خلتهم ودخلت ومؤيد ورزان دخلو مع بعض توليب مشت الكافتيريا طلبت كباية قهوة قعدت تشرب لحد ماجا وقت المحاضرة ودخلت قعدت في نهاية القاعة جا ولد قعد جمبها.
الولد:سلام
توليب:اهلين
الولد:كيفك.
توليب:بخير😊
الولد:(مدا يدو وقال ليها) يزن.
توليب:(عاينت لي يدو مسافة وبعدين مدت يدها وقالت)توليب.
بقو يتونسو وكدا وتوليب ارتاحت ليه لحد ما الدكتور جا اداهم المحاضرة وطلع.
توليب طلعت طوالي بقت منتظرة مؤيد جمب سيارتو.
