دقيقة افهمكم الحصلل..
توليب لما كانت واقفة في البحر جا خالد وكان بعاين ليها ولما شاف انو مؤيد وباسل نزلو من السيارة مشا سحب توليب وضماها عليهو بسرعة عشان يسبب ليها مشكلة مع اخوها بناءً على طلب رزان اختو(يبب رزان الحنكوشة اخت خالد)
وكان عارف انو توليب ماحتفهم شي وحتقعد دقيقتين عشان تستوعب فعشان كدا لعبها صح.
مؤيد نزل من السيارة وكان بضحك مع باسل وماشين فجأة شاف توليب قدامو وهي ف حضن خالد اتفه شاب ف كل الجامعة.
ماكان متوقع من اختو موقف زي دة ف حياتو ولا كان متمني حتى .
وقتها كل كلام رزان جا ف راسو وما لقى نفسو الا وهو بيسحب توليب وبيضربها كفف ف وشها وباسل مسكو وقال ليه استهدي بالله اما خالد مشا وخلاهم جايطين(ماراجل👊🏻)
مؤيد:(بصرخ بأعلى صوتو)ليي عملتي كدا ياتوليب ..؟! د اخرر ثقتنا فيك ..؟! قولي لي احنا نقصنا منك شنو هاا ..؟! ليه عملتي كدا ..؟! احنا كنا واثقين فيك لكن ياحييف بس ..💔
ماحأرحمك الليلة ما حأخليك .. حاضناه بكلل وقاحة في الشارع كمان ..؟! بقى مافيها خجلل ..؟! يعني انتي بتجي هنا كل يوم عشان تقعدي معاه يعني لو ماكان جيت هسي ماكنا حنعرفك ..؟! ياتوليب من الليلة ماف ليك اي جامعة حتقعدي في البيت زييك زي اي وحدة جاهلة اصلا د اخر الدلع الزايد ليك لكن تصدقي؟ الغلط مننا احنا نتوقع شنو من وحدة امها لافة وصايعة؟
(ايوا الكلمة دي اتقالت لي توليب اكتر من مرة بس ماوجعتها بقدر ماوجعتها المرة دي ..💔
يمكن عشان ماكانت متوقعة منو ف يوم من الايام كلمة زي دي او عشان كانت قايلاه عارفها شنو وعارف اخلاقها بس هي اتخذلت واتكسرت من الكلمة دي كتير وبما فيه الكفاية وللأسف المرة دي جات في الجرح وخلتو ينزف من جديد .. الجرح اللي كل ماتحاول تقفلو يجي زول يذكرها بيهو ويذكرها هي شنو ويذكرها اهلها منو مؤيد الكلمة دي طلعت منو في ساعة غضب بس هو مابتخيل الكلمة د حتأثر مع توليب كيف وقدر شنو حتتعبها وحتتعب نفسياتها ..💔)
توليب م عرفت تعمل شنو بقت تقول ليه
توليب:مؤيد اسمعني انت فاهم الموضوع غل..
مؤيد:ولاكلمةة كمان عندك عين تبرري؟؟ يخ انتي مخلوقة من شنو؟
باسل:مؤيد خلاص اهدا اسمعها هي عايزة تقول شنو يمكن في سوء تفاهم
مؤيد:حتقول شنو مثلاا ..!
انها وحدة تافهة وقليلة ادب ..؟!
ولا انها لافة وصايعة مع اتفه ولد وقاعدة ف حضنو ..؟!
ولا حتقول انها كل يوم قاعدة تجي شارع النيل عشان تشوفو ..؟!
حتقول شنو يعني ..؟!
ولا حتقول عشان امها تافهة وقليلة ادب هي لازم تطلع زيها ...
توليي:(قاطعتو بي بكاء وبي صراخ)
خلاص كفايةة كفاية لحد هنا اي زول يغلط ف حقي بسبب امي !!
كفاية انا متحمله 16 سنة من عمري بسيئو لي فيها بسببها هي !! يخ انا ذنبي شنو اذا هي كانت تافهة يعني لازم اطلع زيها ؟ يخ حرام عليكم انا تعبت والله تعبت شديد ومافيني حيل تاني لأقل شي كل ما اخلص من مشكلة ادخل ف مشكلة تانية لي ما حألقى زول يحترمني ويقدرني ف حياتي دي؟ ليه ما القى زول اكون عندو من اولوياتو؟ ابوي اتوفى وامي مشت وخلتني طفلة عمري شهر حأسوي شنو يعني ؟انا ماذنبي ف اي شي حصل لي الذنب ذنبكم انتو بتحملوني حاجات ماقدرها انا ..💔 انا تعبت شديد وماقادرة خلاص والله م قادرة انا ..💔
مؤيد:(ماعرف يعمل شنو كور يدو وضربها على التربيزة الجمبو بغضب).
اما باسل مشا على توليب وقال ليها
باسل:اهدي كل شي بتحل بالهداوة
اما توليب كانت منهارة شديد ف البكا من غير شي هي كانت زهجانة والهم والضغوطات اللي كانت شايلاهم كفاية د غير انو بقى عندها فوبيا من الاصوات العالية بسبب معتز راجلها القدييم داك ف بصراحة كترت عليها شديد وبقت تبكي وترجف.
باسل جرا مشا يجيب ليها موية ومؤيد كان واقف ماقادر يسامحها ويمشي وماقادر يخليها اما هي كانت بتبكي بكاء هستيري.
مؤيد حنا عليها شديد وقرر انو اي شي مضى يخلي وراهو ويبدا معاها صفحة جديدة لأنو اللي فيها مكفيها وباين انها تعبانة شديد 😪💔.
مشا قعد جمبها وباسل جاب الموية مؤيد شال الموية وبقا يقول ليها اسف هاك اشربي الموية .. وهي انتقلت لي عالم تاني من البكاء مؤيد مدا الموية لي باسل وماعرف يعمل اي شي غير انو يسحب توليب ويضمها عليه ♥️.
وبقا يقول ليها انا اسف سامحيني اسف اسفف غلطت بحقك كتيير كتير شديد سامحيني .. هي بقت تبكي وتضرب بيدها ف صدرو وبتقول لي فكني ياخ خليني ف حالي انا بكرهكم كلكم .. عايزة ابوي بس. ضماها بقوة وبقا يمسح ف شعرها ويقول ليها اسف ياتوليب حقك علي اسف انا اسف وبقى ضاميها بقوة وهي بطلت تضربو بس بقت تبكي بهستيريا لحد ماهدت شوية ونامت ف حضنو ودموعها ف خدودها♥️. مؤيد بقا قاعد بالحالة د قريب النص ساعة ومعاه باسل وكانو اللتنين ساكتين مف واحد قادر يواسي التاني مؤيد حنا عليها وخاف عليها شديد ووعد نفسو انو من الليلة كل شي حيتغير وماحيرجع يحسسها بنقص من اي ناحية وحيكون ليها امها وابوها فنفس الوقت.
(يشيلنا السيل😂💔)
بعد نص ساعة مؤيد صحا توليب وقال ليها نمشي البيت؟
توليب كانت شايفة الحنية ف عيونو 🖤.
وقفت بقت تعاين ليه مسافة وتعاين ل باسل بعدها عيونها دمعت.
توليب:انتو فاهمي..
مؤيد:هشش خلاص انا معاك م تخافي♥️♥️.
توليب:دقيقة افهمك.
وقد نبكيِ و لكن البكاء لنْ يُذيب الحزنَ ابداً .💛
يتبع...
