جا اليوم اللي بعدو وهو يوم العقد واتخيلو انهم عزمو توليب ومعتز
جا العقد والناس بتجهز في الحاجات ورحاب البكا شقاها والعجب ريان المهم حالتهم كانت حالة مبالغة والناس تجي وتبارك وكان يوم جمعة وابوها دة خجلان من الناس خجل شديد توليب جات وقعدت وطبعا هي ماعارفة بالموضوع دة.
توليب دخلت غرفة ريان تبارك ليها وجا معتز وهي قاعدة مع ريان وضرب ريان كف في وشها طوالي وبقا يشاكلها ويقول ليها فضحتينا وشرطتي عينا(هو خال ريان يالناس الطاشة شبكة)
وتوليب طبعا مافاهمة شي جات ام ريان وبقت تحاول تهديه بس هو لسه مصر يضربها توليب مشت مسكتو وقالت ليه خلاص ياخ خلاص ماممكن معاك انت قايلنا ضعيفين عشان كدة بتضربنا الله حيحاسبك يامعتز على البتعملو دة ياخ اتقي الله ماممكن معاك بعد ما زح من ريان قالت ليهو هسي ممكن تفهمني ضارب البت يوم عرسها ليه قال ليها انتي ماعارفة شي احسن تسكتي ساي قالت ليه طيب اها وريني في شنو دا كلو وواقفين في الغرفة اعمامها وحريمهم قال ليها عايزة تعرفي؟!
توليب:اي عايزة اعرف لي ضاربها بالشكل دة
معتز:السيدة ريان محمد ماهر الشاطرة حامل بتعرفي يعني شنو حامل
توليب: وشها اتخطف وملامحها اتغيرت تماما
ك كيف ال الكلام دة ر ريان مابتعمل ك كدة
معتز:دي الحقيقة امال ليه حيعرسو ليها بالطريقة المفاجئة دي؟!
ياها تربيتهم مدلعنها ورافعنها السماء وحصل دة كلو بي سببهم
توليب واقفة لسة ومامصدقة الحاصل دة
ومعتز لسة مواصل لو كان ربوها زي الناس ماكان حصل الحصل كلو بي سبب تربيتهم ال...
ووقف كلام لمن سمع توليب بتقاطعو وهي منزله راسها والدموع في عيونها
توليب:لا يامعتز الحصل دة ما ب سبب تربيتهم
كلهم😶😶؟؟؟؟؟؟؟؟؟؟؟
توليب كملت كلامها:تتذكر ياعمو محمد قبل كم شهر كنت بتقول لي ياصايعة ولافة وحايمة زي امك وتتذكري ياخالتو لما عرستي لي اخوك وقلتي لي راجل ود رجال وتتذكر ياعمو خالد اني طلبت منك ماتخليهم يعرسو لي غصبا عني بس رفضت وياعمو محمد لما قلت ليك انا عمري15 يادوب ولسة صغيرة على الزواج قلت لي اي بت في عمرك بتعرس قلت ليك ياها بنتك ريان خالتو رحاب جات شاكلتني وقالت لي شي غصبا عنها ماببقى؟ ريان تتذكري معاملتك لي وكيف دايما كنتي بتطلعي وبتجي تختي اللوم علي هسي انتي عرستي غصبا عنك ...لما ظلمتوني وعرستو لي غصبا عني وما اتقيتو الله ولا راعيتو انو ماعندي ام ولا اب ما اتذكرتو وقتها انو
# الدنيا دوارة وكما تدين تدان.
شفت ياعمو ياها بنتك فضحتك .. بعمايلك انت وامها وظلمكم لي .. ياها بتكم الليلة قدامك اتطبقت عليها مقولة اللافة الصايعة عرفتو منو فينا الكان بطلع بالليل مع الاولاد كانت ريان ما انا بس انتو ماكنتو مستعدين تسمعو مني ماف يوم من الايام حسستوني اني من عائلتكم ولا يوم حسيت فيه بحنية العم ودايما كنتو بتحسسوني اني حمل تقيل عليكم .. وبعد ماعرستو لي مازرتوني ولا شفتوني كيف حية ولاميتة ولا شفتو حياتي ماشة كيف ياخ انتو مستحيل تكونو بشر .. حصل مرة زول فيكم جاني بالليل وسألني اكلتي ولا لا ..؟! نتايجي في المدرسة..مع اني كنت من المتفوقات ودايما بجي اولة الفصل ماحصل مرة مشيتو معاي النتايج ولما كنت اجيبها ليكم واجي كنتو بتقولو لي حتكوني غشيتي اكيد ما اتقيتو الله في تربيتي وهسه بقى ذنب في رقبتكم ياعمو محمد وعمو خالد ...دايما غير الالم والظلم والضرب ماكنتو بتسببو لي شي بس انا مسامحاكم (هنا دمعتها نزلت مسحت دمعتها وكملت)
ايوة مسامحاكم على كل شي بس ياخالتو رواح راجعي افعالك وتصرفاتك عشان مايحصل ليك في اولادك زي ماحصل هسي ومع السلامة وان شاء الله ياريان تتهني في حياتك ومايعاملك زي ماقاعد يعاملني م..
كانت عايزة تقول معتز بس قالت ماتفضحو وسكتت قالت ربنا يهنيكم وطلعت
عمها محمد لما سمع كلامها اتفاجئ شديد وكيف بت في عمرها حابسة كمية الالم دة جواها لأنها كمية لا تطاق كانو مستغربين منها ومن عقلها الكبير وقوة تحملها اما رحاب هنا يادوب شعرت بالذنب على المعاملة الكانت بتعامل بيها توليب واقتنعت وقتها فعلا انو
#الدنيا دوارة وكما تدين تدان.
اما رواح كانت بتترد في اضانها جملة راجعي تصرفاتك اما عمها خالد حس انو بالجد ما راجل .
توليب وهي طالعة ومعتز وراها وقفت بي صوت بقول ليها كنتي حتمشي بدون ما تسلمي علي؟!♥️
دا جواد طبعا.
توليب اطول من جواد فلما سمعت صوتو فرحت ونست كل وجعها لأنو الوحيدين الكانو بنسوها وجعها كانو جواد وجوري♥️ جاها جاري وهي بالمقابل حضنتو وبقت تمشي يدعها في شعرو
*هو شعرو ناعم ماشاء الله وحلبي طالع ع ابوهو.
جواد:اشتقت ليك شديد ياتوتة ماحترجعي؟!
توليب:ضحكت من بين دموعها لالا حبيبي بس حجيكم كل فترة
جواد: (زح منها وبقا بعاين ليها في عيونها) البيت بدونك ممل شديد
توليب:ليه ياخ العب مع جوري
جواد:بس برضو اشتقنا ليك شديد
توليب:بجيك تاني ماتخاف...وين جوري
جواد:جوا
توليب:جيبها لي وتعال
جواد مشا يجيب جوري وتوليب وقفت وبقت تمسح دموعها .
جوري:توتتتتتتتة
توليب:حبيبتي جوري تعالييي♥️
جوري جات حضنتها وبقت ماسكة فيها وبتبكي شديد لمن بكّت توليب معاها بقت حاضناها مسااافة وبتراضي فيها...
لا يُمكن لإنسان أن يَحمِل فِي صَدرهِ كُلّ ذلك بِمُفرده، لَكِنَّني فَعلت😪💔.
يتبع...
