قصة : (حتة مني ) الجزء الأول ، ل سهيلة سعيد المنجي ( 2015 )

الحلقة ١٧ و ١٨

قصة { #حتة_مني } 👫🧡

الحلقة السابعة عشر { ١٧ } 🙈

جنى بحزن : انا مبقتش عارفة انا عايزة ايه ، احياناً ابقا مشتاقة اكلم عمر ، وساعات كتير ابقا بكلمه واقول يارب م يرد ولو رد اقول امتى يقفل بقا ، خايفة اظلمه معايا وخايفة اظلم نفسي معاه ، مش عارفة اعمل ايه بجد ، انا كل حاجة جوايا مكركبة ، مكركبة بطريقة وحشة اوي !
رودى : افتحيله قلبك ي چنى ، هو يستاهل دة منك
جنى بضيق : هحاول ي رودي ، هحاول
( يوم الخطوبة ، تدخل چنى القاعة ف ايد عمر ، صحابهم حواليهم ، تقعد چنى عمالة تبص يمين وشمال عيونها بتدور ع كريم ، تشوفه داخل وف ايده ايمي ، يقربوا عليهم )
ايمى ب ابتسامة : مبروك ي چنى
جنى : الله يبارك فيكي !
ايمي : اوعي تكون لسة زعلانة مني
جنى : مفيش حاجة
( كريم يبارك ل عمر وچنى وياخد ايمي ويروحوا يقعده ، چنى لابسة فستان احمر سواريه بديل طويل توب مطرز تشبه الورد الچوري فيه وفاردة شعرها وحاطة بروش بسيط م الجنب ، كريم قاعد مش شايل عيونه من عليها بيعشق اللون الأحمر وخصوصاً لو ع حد بيحبه ، اول رقصة slow ، ال dg يطلب من صحاب وصحبات العروسة والعريس يرقصه slow معاهم ، يقوم كريم يرقص مع ايمي وغادة مع حمو ورودي مع رامي وناس تانية وطبعاً چنى مع عمر ، تخلص الأغنية ، وفجأة ، تدخل فيها اغنية تانية ، الأغنية الي كريم رقص مع چنى عليها ، الأغنية الي بيحبها ، تفتكر چنى كريم وهي بين ايديه وهو عمال يغني مع الأغنية ، ويفتكر كريم وهو ماسك ايدها وبيلففها وهي عمالة تضحك مبسوطة ، تسيب چنى عمر وتطلع برة وتجري ع التويليت عشان محدش ييجي وراها وتتفتح ف العياط ، يدخله البنات وراها )
رودى : معلش ي بنات الكل برة لو سمحتوا عشان النفس ، كدة العروسة هتسيح دي داخلة التويليت عادي !
( يخرج الكل برة ويستنوا قدام التويليت ، جوة رودي وغادة مع چنى وباقي الشلة برة ، چنى جوة التويليت وقافلة عليها عمالة تعيط )
كريم بقلق من برة : رودي في ايه ؟!
رودى : مش عارفة ي كريم بنشوفها اهو
كريم : اوك !
( كريم وصحابهم وعمر واهله واقفين برة ، الكل مستني يعرف في ايه )
غادة وهي بتخبط ع الباب : چنى افتحي بقا
جنى بعياط : سيبوني ف حالي
غادة : مالك طيب ؟!
رودى : غادة اطلعي قوليلهم اي حاجة ، لو عرفوا إنها بتعيط هتبقا كارثة ⁦!
غادة : هقولهم ايه طيب ؟
رودى : اتصرفي ي غادة اي حاجة
غادة : طيب
( تخرج غادة ، الكل يسألها حصل ايه )
غادة : محصلش حاجة ي جماعة ، العروسة بس فستانها كان هيقع انتوا عارفين التوب بقا
( تقلب جو القلق لهزار وضحك ع موقف العروسة ، الكل يطمن ويروحوا يقعده إلا كريم واقف مازال قلقان ومش مصدق ، مستنيهم يطلعه وايمي واقفة معاه )
ايمي بتعب : كريم انا رجلي وجعتني هروح اقعد
كريم : ماشي
( تمشي ايمي ، يخبط كريم ع باب التويليت )
كريم : هتباتوا جوة ولا ايه ؟!
غادة : ثواني وطالعين ي كريم
كريم بتنهيدة : طيب
رودى : اطلعي بقا ي چنى ، ميصحش تصرفاتك دي الفرح شغال !
غادة : اطلعي هتفضحينا ، بقالك نص ساعة جوة
( متردش )
رودى : هو كريم لسة برة ؟
غادة : اة برة
رودى : طب اطلعي جيبيه
غادة ب استغراب : اجيبه فين ؟!
رودى : اندهيه ي غادة
غادة : انتي ملاحظة إننا ف حمام بنات ، هدخل شاب هنا ازاي ، افرضي حد شافه وهو داخل !
رودى : اتأكدي إن مافيش حد شايفكوا ودخليه ، وانجزي بقا وإلا هنفضل قاعدين هنا طول اليوم !
غادة بقلق : ماشي ، ربنا يستر !
( تطلع غادة تقف قدام باب التويليت من جوة وكريم واقف من برة )
كريم ب استغراب : ايه في ايه !
( غادة تبص يمين وشمال متلاقيش حد ، تشد كريم ع جوة )
كريم بخضة : يخربيتك مدخلاني فين !
رودى : كريم چنى مش راضية تطلع ، كلمها انت يمكن تسمع كلامك
كريم وهو بيخبط ع باب التويليت : چنى ، چنى اطلعي كلميني !
( متردش )
كريم : مالك طيب ؟!
جنى وهي بتمسح ف دموعها : ماليش ي كريم ، شوية بس وطالعة !
كريم : اخرجى بس انا عايزك ، لو حد شافني هنا هتبقا مصيبة والله اطلعي بقا
جنى : معلش بس سيبوني دقيقة وانا هطلع
كريم : چنى لو مطلعتيش هزعل منك ، او هدخلك انا متخلنيش ادخل
رودى : متزعليش كريم منك بقا واطلعي ي چنى
غادة : انا طالعة عشان محدش يدخل
رودى : اوك
( تخرج غادة م التويليت وتطلع چنى وشها سايح ع بعض من كتر العياط )
كريم بخضة : في ايه بس لدة كله !
جنى ودموعها بتنزل : مش عارفة
رودى بفهم : عمر مالوش زنب ي چنى مينفعش كدة !
جنى بعياط : طب اعمل ايه انااااا !
( يزيد عياطها )
كريم وهو بياخدها ف حضنه : طب اهدي بس !
( يزيد عياطها )
كريم : لو اعرف مالك بس !
جنى : مخنوقة ي كريم
كريم : انتي مش عايزة عمر ؟!
جنى وهي بتبصله : مش عارفة
كريم ب استغراب : ازاي مش عارفة ؟!
جنى : انا عاوزة امشي
كريم : طيب انا عندي فكرة ، نطلع دلوقتي نكمل الفرح واول م يخلص اوعدك هنمشي انا وانتي بس ونروح مكان يريحك ونتكلم فيه ، ماشي ؟
جنى : وعد تمشيني من هنا ؟
كريم : وعد والله
جنى : ماشي
كريم : رودي ظبطي وشها دة ، هستناكم برة
رودى : اوك
( يطلع كريم يقف برة ، تظبط رودي چنى ويطلعه ، ياخد كريم چنى ويرجعوا القاعة ويقعدها جنب عمر ، تيجي اخر رقصة slow ، الكل بيرقص ، ف وسط الرقصة كريم يشوف دموع چنى خلاص هتنزل ، يقرب يبدل مع عمر يديله ايمي وياخد چنى ، يرقص كريم مع چنى ويحاول يبعدها عن عمر )
كريم : اوعي تعيطي !
جنى : مش قادرة
كريم : عشان خاطري
جنى بتماسك : حاضر
كريم : شوفتي اخت عمر ؟
جنى : اة ، مالها ؟
كريم : مزة مزة يعني
جنى : اهمد شوية دي طفلة ، وبعدين انت مش مكفيك ايمي ولا ايه !
كريم : لا ايمي دي تخليص حق
جنى : ازاي ؟!
كريم : ابويا ماسك ع ابوها قومبيلات
جنى : هههههه قومبيلات !
كريم بحب : اة ي جدع ، بس تعرفي ، انتي زى القمر انهاردة
جنى : بجد ؟
كريم : اها بجد ، انتي عارفة مبقدرش اقاوم اللون الأحمر !
( تبصله بحب وكسوف )
كريم : ايه رأيك نفلسع م الدوشة دي ؟
جنى بحماس : يارييييت
كريم : انتي بتلزقي ف الكلام ليه كدة !
جنى : هموت وامشي بجد
كريم : بعد الشر ، مش وعدتك هنمشي بعد الفرح ؟
جنى : ايوة
كريم : انا وعدتك بحاجة قبل كدة ومنفذتهاش ؟
جنى : لأ
كريم : يبقا تستني لبعد الفرح
جنى : ماشي
كريم : روقي بقا ، ولا اخليهم يشغلولك عباسط حمودة ؟
جنى : هههههه لا هروق خلاص
( عمر شايف چنى عمالة تهزر وتضحك مع كريم ومعاه كانت مبوزة وزعلانة ، يقرب عليهم )
عمر : ايه ي عم انت مصدقت ولا ايه !
كريم : ملكش حاجة عندي
عمر وهو بيحط ايده ف وسط چنى : لا ليا ، دي بتاعتي انا