قصة : (حتة مني ) الجزء الأول ، ل سهيلة سعيد المنجي ( 2015 )

الحلقة ١٥ و ١٦

قصة { #حتة_مني } 👫🧡

الحلقة الخامسة عشر { ١٥ } 🙈

( تركب چنى مع عمر ويمشوا ، تمسك الفون وتتصل ب كريم تلاقيه مقفول ، تتنهد ب ضيق وتفضل ساكتة طول الطريق )
عمر : چنى
جنى وهي بتبصله : نعم ؟
عمر : ساكتة ليه ، شكل في حاجة شاغلة تفكيرك !
جنى ب تلقائية : اة كريم
عمر ب ضيق : كريم !
( يتضايق عمر كان متوقع إنها بتفكر ف كلامه ، يسكته ، يوصلها عند بيتها ، ينزله م العربية ويقف عمر قصادها )
عمر : متنسيش الي قلتلك عليه بقا
جنى : اوك
( لسة هتمشي ......... )
عمر وهو بيمسكها من وسطها : استني إن ........
جنى ب انفعال وهي بتزقه : ايه ي عمر داااا 😠
( تسيبه وتمشي )
عمر ب ندم : طب استني انا عملت ايه ، ي چنى 😬
( تدخل البيت ، يتنهد عمر ب ندم ويركب عربيته ويمشي ، ييجي الليل ويطلع الصبح ، كل دة كريم قافل فونه ومش بيروح المدرسة ، ييجي الليل ويطلع الصبح ، يوم ورا يوم يعدي مافيش اي اخبار عن كريم ، الساعة خمسة المغرب ، ف بيت چنى ، قاعدة ف اوضتها ، يرن فونها )
جنى : مش هتبطل زن انت ، الو
عمر : ايوة ي چنى
جنى ب حدة : ايه ي عمر نعم ؟
عمر : بقالي كتير بكلمك مش بتردي عليا ، حتى ف المدرسة !
جنى : وانت عاوزني ارد عليك بعد الي انت عملته دة ؟!
عمر : والله اسف مقصدتش اضايقك انا بس اتصرفت ب تلقائية و ........
جنى ب حدة : عمر ، لازم تعرف إن ف حاجة اسمها حدود وانا مبحبش حد يتعدى حدوده معايا !
عمر ب ندم : طب انا اسف ، اوعدك إن دة مش هيتكرر تاني ، والله م اعرف إنك هتضايقي كدة 🤷🏻‍♂
جنى ب تنهيدة : اديك عرفت ي عمر 😒
عمر : سماح المرة دي طيب ؟
جنى ب ضيق : خلاص ي عمر مافيش حاجة
عمر : يعني مش زعلانة مني ؟
جنى : لأ ، بس لو اتكررت هتزعل انت مني بجد ⁦☝⁩
عمر : لا اوعدك مش هتتكرر تاني والله
جنى : ماشي 
عمر : انتي عاملة ايه ؟
جنى : انا تمام ، بص شوية وهكلمك تاني ، تيتة بتنده عليا
عمر : ماشي باي
( تقفل چنى مع عمر وتتنهد ب ضيق ، عند عمر )
عمر ب ضيق : مسموح بس ل استاذ كريم يتعدى حدوده ، حد تاني لأ 😒
( ف بيت كريم ، مامته قاعدة ف الأنتريه ، يرن فونها )
اللم : الو
جنى : طنط ازيك ؟
الام : چوچو عاملة ايه ؟
الام : الحمدلله ، هو كريم عندك ؟
الام : لا ي حبيبتي كريم عند خاله بقاله يومين
جنى : اه ، ماشي ي طنط شكراً ، مع السلامة
الام : مع السلامة
( تقفل چنى وتتنهد ب حيرة )
جنى : بتعمل معايا كدة ليه ي كريم ، انا عملت ايه طيب 😟
( عند ام كريم ، تستغرب الي بيحصل ، تقوم تطلع فوق ، تقرب ع اوضة كريم وتخبط وتدخل ، كريم ع سريره نايم ع وشه )
الام : يخربيتك ، نايم ف التلج دة ازاي !!
( تمسك ريموت التكييف وتطفيه ، تقرب تقعد جنبه )
الام : كريم ، كريم اصحى كدة مينفعش !
( يفتح عيونه )
الام : قوم ي بابا بقينا المغرب 🤷🏻‍♀️
( يقوم يقعد )
الام : في ايه ي حبيبي ، مالك من امبارح نايم ، ولا فطرت ولا اتغديت ولا بتروح مدرستك ولا بترد ع صحابك ، حصل ايه ل كل دة ؟!
كريم : مفيش حاجة 😒
الام : لا اكيد فيه
كريم ب ضيق : مخنوق شوية بس ، ماليش نفس ل حاجة غصب عني 💔
الام : ايوة ايه حصل بقا خانقك كدة ؟!
كريم : لوحدي
الام : ازاي لوحدك ، اكيد في سبب !!
كريم : لا مفيش سبب ، لوحدي ، وهبقا كويس لوحدي ، متشغليش بالك 🙆🏻‍♂️
الام : متخانق مع چنى ؟
( قلبه يوجعه اول م يسمع اسمها )
كريم : لأ 😐
الام ب استغراب : اومال بتخليني اقولها إنك مش هنا لما بتتصل ليه ؟!
كريم : عشان هتزن إنها تعرف مالي وانا مش قادر احكي مع حد 💔
الام ب تنهيدة : طيب هخليهم يحضرولك تاكل
كريم : ماشي 
( تمشي الأم ، يتنهد كريم وينام تاني ، تعدي الأيام ، يخبط باب بيت چنى ، تفتح الشغالة )
الجدة من جوة : اهلاً اهلاً ي عمر ، تعالى ي حبيبي
( يدخل عمر يبوس ايد جدة چنى ، چنى تسمع صوته تستغرب ، تلاقيه بيكلم جدتها ف نفس الموضوع )
جنى ب ضيق : كانت نقصاك ي عمر انت كمان ، مش وقتك خالص 😑
الجدة : ي حبيبي هو هنلاقي احسن منك ل چنى ، بس انتوا مش لسة بتدرسه ي عمر ؟
عمر : ايوة ، هنعمل خطوبة بس وبعدين الوقت الي انتوا تحددوه للجواز انا مستعد فيه ، انا اهلي معندهمش اي مانع هما حابين إني اتجوز بدري
الجدة : بس انت لازم تاخد رأي چنى اهم من رأيي انا 🤷🏻‍♀️
عمر : مهو ياريت لو چنى ترد عليا دلوقتي ، انا بقالي فترة مكلمها وملقتش منها رد نهائي ، ولا ب اة ولا ب لأ 😕
الجدة : طيب استنى ، ي چنى
( تتخض چنى مش عارفة لسة رأيها هيبقا ايه ، تطلع وتقرب عليهم )
جنى : ازيك ي عمر ؟
عمر : الحمدلله
چنى ل جدتها : ايوة ي تيتة ؟
الجدة : انتي اكيد سمعانا ، عمر بيقول إنه كلمك ف الموضوع دة قبل كدة صح ؟
جنى وهي بتقعد : ايوة صح 😐
الجدة : احنا دلوقتي قاعدين مع بعضينا اهو ، ايه رأيك ؟
جنى ب توتر : انااا ........
عمر : چنى انتي مش عوزاني ؟
جنى : لا ي عمر مش قصدي بس .........
عمر ب عيون كلها حب : لو مش عيزاني قولي ، انا مش هزعل والله ، هفضل احبك برضو ⁦❤⁩
( چنى عارفة وحاطة ف دماغها إن عمر كريم م هيفكر فيها ب نفس طريقة تفكيرها فيه ، تستسلم ل كلام عمر )
جنى ب ابتسامة يأس : انا موافقة ي عمر 🙂💔
عمر ب فرحة : بجد ي چنى ، مش قادر اوصفلك انا فرحان اد ايه 😃
الجدة : مبروك ي حبايبي ⁦♥️⁩
عمر وجنى : الله يبارك فيكي
( عمر يجيب اهله ويقروا الفاتحة مع جدة چنى ويحدده ميعاد الخطوبة بعد اسبوع ، تروح چنى المدرسة هي وعمر ويبلغوا صحابهم ب ميعاد الخطوبة ويفرحولهم لكن رودي تستغرب موافقة چنى وهي بتحب كريم ، كريم مازال مبيجيش المدرسة وفونه مقفول ، يخلص اليوم الدراسي ، يقرب عمر ع چنى )
عمر : يلا عشان اوصلك
جنى : لا اناااا ورايا مشوار ، روح انت 😐
عمر : طب قوليلي فين وانا اوديكي
جنى : لا عشان متعبكش دة مش ع سكتك ، السواق زمانه جاي
عمر : اتصلي بيه قوليله ميجيش انا هوديكي ، اركبي يلا
جنى ب يأس : ماشي 😒
( يركبوا العربية ويمشوا )
عمر : هتروحي فين ؟
جنى : بص روحني ، انا كسلت إني اروح ف حتة
عمر : طيب اوك !
( يوصلها عند البيت ، تدخل چنى واول م عمر يمشي تخرج )
جنى ب زهق : دة انت لازقة 🙄 ي رضا
رضا : نعم ؟
جنى : تعالى وصلني
رضا : حاضر
الجدة وهي بتقرب ع جنى : رايحة فين ي چنى ؟!
جنى : مشوار سريع ي تيتة وجاية
الجدة : طب اتغدي الأول انتي لسة جاية 🤷🏻‍♀️
جنى وهي بتبوس جدتها من خدها : لما ارجع ي قلبي معلش مستعجلة 😙
الجدة : طيب !
( تركب چنى مع السواق وتمشي )
رضا : هنروح فين حضرتك ؟
جنى : اطلع ع بيت كريم
رضا : حاضر
جنى ف سرها : انا متأكدة إنه هناك 😐
( ترن عليه تلاقيه بيرن بس مبيردش ، بعد شوية ، توصل چنى قدام باب ڤيلا كريم )
جنى وهي بتنزل م العربية : استناني هنا
رضا : حاضر
( تدخل چنى ب كل حرص خايفة وقلقانة ، تمشي بهدوء عشان الكلب بتاع كريم ميصحاش وهي بتخاف م الكلاب ، وفجأه يقوم الكلب يجري وراها تتخض ، هي تجري وهو وراها يلففها الڤيلا كلها عمالة تصرخ )
جنى ب صريخ : ي كرييييييم 😨
( كريم ف اوضته ، يسمعها ، يستغرب ويقوم يطلع البلكونة يشوفها عمالة تجري وتصرخ والكلب وراها ، ينزل يجري ع تحت ، تقع چنى ف البُول ، الكلب واقفلها عمال يهوهو عليها ، يمد كريم ايده ل چنى يطلعها بسرعة ، چنى واقفة ماسكة فيه )
جنى وهي ماسكة ف هدومه : اربطه بالله عليك 😧