قصة : (حتة مني ) الجزء الأول ، ل سهيلة سعيد المنجي ( 2015 )

الحلقة ٧ و ٨

قصة : { #حتة_مني } 👫🧡

الحلقة السابعة { ٧ } 🙈

كريم : انتي فرحانة فيا ابت ؟!
جنى : لا دة انا زعلانة خالص وبعيط كمان
كريم : دموعك مغرقة ودني كفاية بقااا !
جنى : ههههه ، صحيح انت هتروح عيد ميلاد غادة انهاردة ؟
كريم : لا رايح ل ايمن عاوزني ف موضوع مهم ، ف سبيها بظروفها ، احتمال يعني لو لحقت
جنى : طب حاول عشان متزعلش بس
كريم : حاضر هحاول
جنى : اوكيييه ، انا هروح اجهز نفسي بقا
كريم : وانا كمان ، متأڤوريش ف اللبس هااا
جنى : حاضر ، سلام
كريم : سلام
( يعدي الوقت ، تلبس چنى فستان نبيتي قصير واسع من تحت الصدر كت مقفول من قدام ومن ورا وتنزل ، وكريم ينزل يروح لأخوه ، توصل چني العيد ميلاد ع روف عمارة غادة ، غادة وصحابهم واقفين سوا ، تقرب عليهم چنى )
جنى : كل سنة وانتي بخير ي كتكوتة
غادة : وانتي بخير ي روح قلبي ، اومال فين كيمو ؟!
جنى : عند اخوه
عمر : احسن برضو ، دة بياخد مننا الجو
جنى : تاك لحسة ي جزمة انت ، ايه دة !
غادة بضحك : اسكت عشان متتهزقش
عمر : هو الواحد ميعرفش يهزقه وهو مش موجود ابداً !
رامي : لا عندك چنى ترد بداله
رامي بضحك : والعكس صحيح
( يقعده يهزروده ، يوصل حمو ، تشوفه غادة ، تقرب عليه )
حمو : كل سنة وانتي بخير
غادة : وانت بخير ي محمد
( يطلع علبة من جيبه )
حمو وهو بيديهالها : يارب تعجبك
( تاخدها تفتحها ، تلاقي انسيال فضة وفيه ماس )
غادة : جميييييل
حمو : عجبك ؟
غادة : حلو اويييي بجد
( يبتسم حمو ، يوصل كريم عند اخوه القسم ويدخله ، اخوه ظابط )
ايمن : اخيراً حنيت علينا وجيت
كريم : ي عم انت عارف مبحبش اجي هنا ، عامل ايه ؟
ايمن : تمام الحمدلله ، اقعد خمسة اخلص الهانم
كريم : ماشي 
( يبص كريم يشوف واحدة واقفة ، تبتسمله ، يبتسملها )
ايمن : كرييييم
كريم بخضة : ايه يابا خضتني !
ايمن : اهدى شوية !
كريم : حاضر
( يكلم ايمن البنت ويزعق معاها وهي مش معاه خالص مركزة مع كريم وكريم عمال يغمزلها ويشاورلها ع رقم فونها )
ايمن بزعيق : انتي ابت ، لا انا كدة مش عارف اشتغل ، ي عسكرييييي !
( يدخل العسكري )
العسكري : ايوة ي باشا ؟
ايمن : خدها من قدامي دلوقتي
( ياخد البنت )
ايمن : خدت رقمها ولا ابعتها تكمله تسبيل ؟
كريم : لا اخدته
ايمن : وحيات امك !
كريم : خلصني بقا ورايا مشوار مهم
ايمن : طيب ، انا جايبلك عروسة
كريم بخضة : عروسة ، سلامو عليكو !
( يقوم كريم )
ايمن : خد هنا يالاااا
كريم : ايه ي عم ، قلتلك قبل كدة مبرتبطش انا !
ايمن : دي اخت صاحبة بوسي الي انت معجب بيها ولسة مكلمني عليها
كريم وهو بيقعد : وانت بتقفش ف الكلام ليه انا عيل وبرجع فيه ، وبعدين انت مش قلت إنها متنفعنيش ؟!
ايمن : وانت كنت عاوزني اكلمهالك تمشي معاها ولا ايه ؟!
كريم : اومال يعني عشان اتجوزها !
ايمن : ومين جاب سيرة الجواز ؟
كريم : لو عاوزني العب بيها انا مش فاضي ومرتبط بتلاتة ، كدة هتلغبط !
ايمن : الله يحرقك تلعب ب ايه هتلبسني مصيبة !
كريم بزهق : اومال عايز ايه ي ايمن م الأخر ؟
ايمن : هتتقدملها ونعمل خطوبة وتكمله دراسة ، وبعد كدة ابقوا اتجوزه
كريم : وبعدها نخلف والعيال تتعب واودي مستشفيات وادفع ، وانا اكبر اطلع ع المعاش اتعب اموت هي تورثني وتاخد معاشي ، واولع انا ف نار جهنم ، وهي تتمتع بالورث والمعاش
ايمن بنفاذ صبر : هتفضل تهزر كتير ، ياريت تاخد كلامي جد عن كدة !
كريم بتنهيدة : ماشي ي ايمن ، هي مش بطالة ، معنديش مانع هجرب
ايمن : خلاص بكرة بالليل هنروحلهم ، ولا ايه ؟
كريم : ماشي
ايمن بتحذير : كرييييم ، متحرجنيش قدام الناس ⁦
كريم ب استغراب : ليه يعني !
ايمن : انا عارفك بتاع مقالب !
كريم وهو بيقوم : عيب عليك ، همشي بقا احسن اتأخرت
ايمن : ماشي
( بعد شوية ، ف عيد الميلاد )
رودي : رامي تعالي نرقص
رامى : اوك
( الكل يروح يرقص ، چنى واقفة بتبصلهم ومبتسمة ، وفجأة ............................ )
كريم من وراها وهو بيحط ايده ع كتفها : قمري
جنى بخضة : خضتني ، جيت اهو !
كريم : قلتلك سبيها بظروفها
( تشتغل اغنية *مجنون الليالي* )
كريم : انا بعشق الأغنية دي ، تعالي نرقص
جنى : هتقدر ؟
كريم وهو بيمسك ايدها : اة تعالي بس
( ياخد كريم ايد چنى ويرقص معاها ف مكانهم ، كريم يغني مع الأغنية وباصص ل چنى وهي مبتسماله ، ماسك ايدها عمال يلففها وهي مبسوطة إنه جه )
جنى : كان ايمن عاوزك ليه صحيح ؟
كريم : مدبسني ف جوازة بكرة
جنى بخضة : ايه !
كريم : والله ، هروح معاه بكرة اتقدم لأخت صاحبة بوسي
( چنى كأن حد مسك ماية متلجة كبها ع دماغها ، بدأت حركتها ف الرقص تبطئ مصدومة إن الكلام بجد )
جنى : دة انت واخد الموضوع جد بقا !
كريم بعدم اهتمام : والله هجرب وزي م تيجي
( تقف )
كريم ب استغراب : تعبتي ولا ايه ؟!
جنى : اة ، هقعد شوية !
كريم : اوك