قصة : (حتة مني ) الجزء الأول ، ل سهيلة سعيد المنجي ( 2015 )

الحلقة ١٣ و ١٤

قصة { #حتة_مني } 👫🧡

الحلقة الثالثة عشر { ١٣ } 🙈

كريم : مش عارف والله ، هشوف وابقا افتنلك
جنى : اشطااا
كريم وهو بيقرب ع جنى : متجيبي بوسة
جنى وهي بتزقه : بس بقاااا
( يبوسها من خدها ويحضنها جامد )
جنى : يلهوااااااي هتفجرني !
كريم بضحك : حق التسريح
جنى : متجيش عندنا تاني ⁦
كريم : دة بيتي اصلاً ، امشي اطلعي برة ابت
جنى : هقوملك وربنا
كريم : لا خلاص ، يلا باي
جنى : بااااي ، وع مهلك وانت سايق ، ومتعاكسش بنات لتتقلب وتغور ف داهية ونيجي نلم الي باقي منك ع الطريق ومنعرفش ندفنك ف نسيبك تعفن
كريم بضحك : مش هعاكس بنات حاضر !
جنى بضحك : شطووور
( يمشي كريم ، تبصله چنى بحب وابتسامة وتفرح إنه خلاص ساب ايمي ، يعدي الوقت ، كريم ف اوضته بيغير هدومه ، تدخل امه )
الام : رايح فين ؟
كريم : خارج مع عمر
الام : بطل تنطيت وانت لسة تعبان !
كريم : لا انا كويس متشغليش بالك
الام : طب بما إنك كويس فكك من عمر وتعالى احضر معايا الويدنج دة
كريم : هاجي معاكي اعمل ايه ، انتي واحدة بتنظمي حفلات زفاف هروح انا اعمل ايه ؟
الام : هلاقيلك حاجة تعملها متتحججش
كريم : هو اي حشر وخلاص ، لأ برضو
الام : ماشي ي كريم ، انا عارفة ايه بيفرعنك عليا !
( تاخد مفاتيحه والڤيزا )
كريم : لا بالله عليكي انا متأخر !
الام : هتنزل معايا ف الأجازة ؟
كريم : حاضر والله ، من بكرة هتلاقيني بقطع العروسة مع التورتة ، هاتي بقا
الام وهي بتديله المفاتيح : ماشي اما نشوف ، هتعمل ايه مع ايمي ؟
كريم : هعمل ايه يعني م قلت ل ايمن خلاص فركشتها
الام : دة اخر كلام عندك ؟
كريم : ايوة اخر كلام
الام : احسن برضو ، انا اصلاً مكنتش حباها البنت دي !
كريم وهو بيغمزلها : طب اي خدمة
( ينزل كريم ، يعدي الوقت ، كريم قاعد مع عمر ف مطعم )
عمر : ايه الي اخرك كدة ؟!
كريم : روحت اغير هدومي ، كنت عاوزني ف ايه ؟
( ينزل الجرسون الأكل )
عمر : طب ناكل الأول انا ميت م الجوع
كريم : ارغي وانت بتحشر بقا
عمر وهو بياكل : اوك ، بص ي سيدى ، من غير لف ودوران ولا تحوير وكلام كتير ، ومن غير ............................
كريم : يابا اخلاااااص !
عمر : طيب ي عم ، انا بحب چنى
( تبطئ ضربات قلب كريم لدرجة بقا حاسس بيها بوضوح )
كريم بصدمة : ايه ؟!
عمر : انا بحب جنى ، بحبها بح .............................
كريم بنفاذ صبر : باااااس ، سمعتك من اول مرة ، اقصد ازاي يعني ؟! 
عمر : عادي زي الناس ، فيها مشكلة دي ؟!
كريم : لا مفيهاش مشكلة ، بس انت جايبني تقولي انا الكلام دة ليه ؟!
عمر : م انا عارف إنك انت اقرب حد ليها ، ف كنت عاوزك تسألهالي لو .........................
كريم بدون تفكير : ماليش دعوة ، طلعني برة الموضوع دة !
عمر ب استغراب : ليه كدة ؟!
كريم : هو كدة ، اسألها انت ⁦
( يقوم كريم )
عمر : طب رايح فين ؟!
كريم : عندي مشوار مهم
عمر : طب نكمل كلامنا الأول ، اومال انا جايبك ليه ي عم انت !
كريم : هو انت لسة هتكمل !
عمر : خليك جدع اكريم وكلمها ، عاوز بس اعرف انا ايه بالنسبالها
كريم وهو بيقعد : اكيد ولا حاجة طبعاً
عمر بخضة : هي قالتلك كدة ؟!
كريم بضيق : مش محتاجة تقول ، هو واضح
عمر بقلق : دة انا كنت بفكر اخطبها !
كريم بخضة : لا والله !
عمر : ايوة ابويا مش ممانع
كريم : انت بتحلم ، اكيد مش هتوافق طبعاً !
عمر ب استغراب : هو انت ليه بتقفلي كل حاجة كدة ؟!
كريم : بما إنك جبتني وحكيتلي ف انا بكلمك بصراحة ، ولا انت عاوزني الف وادور عليك ؟
عمر ب استغراب : متوقعتش كدة بس !
كريم : والله اهي عندك ، اسألها بنفسك لو مش مصدق كلامي
عمر : م انا اكيد هسألها ، بس انا كنت عاوزك تمهدلي الموضوع ع الأقل
كريم ب انفعال : ماليش دعوة قلتلك
( يسكت عمر باصص ل كريم ب استغراب )
عمر ب استغراب : ممكن اعرف انت ايه الي مزعلك اوي كدة ؟!
( ينتبه كريم لعصبيته ويهدى )
كريم بتنهيدة : وايه الي يزعلني إن شاء الله
عمر : انت مش شايف نفسك عامل ازاي ، انت هتنفجر !
كريم ب انفعال : في ايه ي عمر ، م تظبط كلامك كدة !
عمر : انت الي في ايه ، من ساعة م قلتلك إني بحبها وانت مش ع بعضك ، لو تخصك قول وانا انسحب ، بس متكلمنيش كأن مش هامك حاجة وانت باين عليك كل حاجة !
( يسكت كريم )
كريم : عمر اعمل الي انت عاوز تعمله
عمر : ماشي ي كريم ، انا هتصرف !
كريم وهو بيقوم : سلام
عمر : سلام !
( يمشي كريم ع اخره ، مستغرب نفسه فعلاً ماله متضايق اوي كدة ليه ، يركب عربيته ويمشي يروح يقعد ع البحر ، زعلان ، ندمان ، محتار ، كان نفسه يقول ل عمر دي بتاعتي انا وبس ، وف نفس الوقت هو ميعرفش ايه رأي چنى ف كدة ، خاف من اي كلمة ممكن يقولها عشان هيتحاسب عليها وف نفس الوقت هو مصدوم من نفسه إن دة تفكيره من ناحيتها متوقعش كدة ابداً ، يفتكر كلام رودي عنهم ، يتنهد بضيق ويمسك الفون بتاعه ، عاوز يكلم چنى ويقولها ع كل الي ف قلبه والي حصل واد ايه هو متضايق وغيران إن حد بيفكر فيها بالطريقة دي بس متردد ، چنى قاعدة ع سريرها بتفكر نفس تفكيره ، لو يوم صارحته بمشاعرها الي بجد هل هتطلع نفس مشاعره ولا بكدة هتبقا قلة كرامة ليها ، وعشان كل واحد فيهم عارف إنه لو اعترف للتاني بحبه ممكن تكون مش نفس المشاعر وساعتها عمرهم م هيبقوا صحاب زي الأول دة إذا مكانوش قطعوا علاقتهم ببعض بعدها ، ف كل واحد شايل جواه وساكت ، كريم يتصل ب چنى بعد اما جاب اخره مع التفكير ، چنى ف اوضتها ، يرن فونها ، تفرح اما تشوف اسمه وصورته )
جنى : الوووو
كريم : الو
جنى : هااااي ي كوكو
كريم : هاي
جنى : عامل ايه ؟
كريم : الحمدلله
جنى : روحت ل عمر ؟
كريم بضيق : اة ، رحت ل عمر
جنى : كان عاوزك ليه بقا ، افتنلي يلاااا
( ميردش كريم ، عاوز يقول كلام كتير اوي بس خايف ، تنزل دموعه )
جنى ب استغراب : كريم ، ي بني !
كريم بتماسك : معاكي
جنى : اومال مش بترد ليه ، هو عمر ضايقك ف حاجة ؟!
كريم : لأ
جنى بقلق : اومال جرا ايه ؟!
( كريم عمال يعيط ويكتم ف صوته ، يقفل الفون وينهار م العياط ، يرجع لورا ينام ع الرمل ويحط ايده ع وشه ويعيط )
كريم بضيق : في ايه بس يارب ، في ايييييه !
( يرن فونه ، چنى عمالة تتصل بيه مبيردش ، يمسك الفون ويبص لصورتها وهي بتتصل ، يقفله ويفضل نايم باصص للسما )
جنى بقلق : ليه بس قفلته ، دايماً غاوي يقلقني كدة !
( تلبس چنى هدومها وتطلع م البيت )
جنى : رضا
رضا : نعم ؟
جنى : تعالى وصلني
رضا : حاضر
( يركبوا العربية )
رضا : هنروح فين حضرتك ؟
جنى : اطلع بس وهقولك
رضا : حاضر
( يسوق السواق ويمشي )
جنى : ايه الغباء بتاعي دة هروح فين دلوقتي ، اقف ع جنب ي رضا
رضا : حاضر
( تتصل چنى ب ام كريم )
الام : الو
جنى : الو ي طنط ، عاملة ايه ؟
الام : الحمدلله ي چوچو ، انتي عاملة ايه ؟
جنى : الحمدلله تمام
الام : الف سلامة عليكي ، اوعي تزعلي م الي حصل