قصة : (حتة مني ) الجزء الأول ، ل سهيلة سعيد المنجي ( 2015 )

الحلقة ٥ و ٦

قصة : { #حتة_مني } 👫🧡

الحلقة الخامسة { ٥ } 🙈

جنى وهي بتقرب عليه : انا هنا
( تقرب تقف جنبه )
كريم وهو بيمسك ايدها : انتي كويسة ؟
جنى : اة ي قلبي متقلقش
( دلال ع اخرها عمالة تتنفخ )
كريم : حمو
حمو : نعم ؟
كريم بتعب : انا ، انا عاوز اروح ، كلملي الدكتور ، عاوز امشي من هنا
عمر : طب اهدى بس واحنا هنروحك
حمو : طب هروح اسأل الدكتور واجي
( يمشي حمو ويرجع بعد شوية )
رامي : عملت ايه ؟
حمو : قال مينفعش يمشي قبل بكرة ، خصوصاً إنه لسة هيسافر احنا مش من هنا ، كدة خطر عليه عشان الخياطة
عمر : يعني عقدلنا ام الحكاية !
رودى : استحمل انهاردة ي كريم والصبح تمشي ، واحنا هنقعد معاك اهو
( يدخل الدكتور )
الدكتور : بعد اذنكم عاوز ابص ع المريض ، اطلعوا برة
( يخرج الكل م الأوضة يقفوا برة )
كريم : دكتور ، مينفعش امشي ؟
الدكتور : مش قبل بكرة
كريم : مينفعش انهاردة ؟
الدكتور بحدة : قلت مش قبل بكرة
كريم بصوت واطي : ابوا شكلك !
( يخرج الدكتور ، يقفوا يتكلمه معاه )
غادة : هو احنا ينفع نبات معاه ؟
الدكتور : نبات ايه هي ملاهي ي انسة ، دي مستشفى ، مش اكتر من اتنين ، عن اذنكم
( يمشي الدكتور )
حمو : طب مين هيبات بقا ؟
رامي : نعمل قُرعة
جنى : ولا قُرعة ولا بشعر ، الشباب كلهم هيروحوا عشان لو حصل اي حاجة ميبقوش البنات لوحدهم
عمر : ايوة صح
جنى : انا هقعد معاه ، ورودي هتروح معاكم تجيبله هدوم وتيجي عشان لما نخرج بكرة
دلال بغيرة : واشمعنا رودي بقا ، مقعدش انا كمان ليه ؟!
جنى : حبيبتي زي م سمعتي الدكتور قال دي مش ملاهي ، مش هنلم احنا ، وبعدين انتي غلط ع صحته اصلاً ، يلا بقا اتكلوا ع الله الوقت اتأخر
( يمشي الكل ، چنى تدخل ل كريم )
جنى : افرح ي سيدي ، هبات معاك انا ورودي
كريم : بجد !
جنى : اة هي راحت تجيبلك هدوم بس وراجعة
كريم : اوك ، انا عاوز اقعد ، مش مرتاح كدة
جنى : حاضر
( تقرب چنى تسند كريم تقعده وتظبطله السرير )
جنى : كدة تمام ؟
كريم : اة ي حبيبي
جنى وهي بتقعد قصاده : دلال كانت عاوزة تقعد بس انا مشتها ، مش ناقصين رفع ضغط !
كريم بضحك ووجع : ههههه اااه ، احسن
جنى : الحمدلله إنك بقيت كويس ، لو كان جرالك حاجة مكنتش هسامح نفسي ابداً والله !
كريم : ربنا سترها
جنى : دايماً جيبالك المشاكل كدة
كريم وهو بيمسك ايدها : انا كلي فداك ي عم ، المهم إن انتي الي كويسة
جنى ب ابتسامة : ربنا يخليك ليا ي كريم
( يبتسم ويبوس ايدها ، بعد شوية ، توصل رودي )
رودى وهي داخلة : انا جيييت
جنى وهي بتقوم : جبتي الهدوم ؟
جنى : اها جبتها
كريم : انتوا مش هتناموا ، الساعة بقت تلاتة الفجر !
جنى : نام انت متشغلش بالك بينا
رودى : انا عن نفسي مبنامش دلوقتي ، نامي انتي ع الكنبة وانا هقعد ع الكرسي
جنى : طب لما تعوزي تنامي صحيني نبدل
رودى : اشطاا اوك
( تقرب چنى ع كريم تحط ايدها ع دماغه )
جنى بحب : لو عوزت اي حاجة انده عليا اوك
كريم : حاضر
( تبوس دماغه وتروح تنام وينام كريم ، رودي قاعدة ع الكرسي بتقرأ كتاب ، بعد شوية ، يصحى كريم ، يبص ع چنى يلاقيها نايمة )
رودى وهي بتبص ل چنى : ملاك وهي نايمة
كريم وهو باصص ل چنى : حتى وهي صاحية
رودى : بتحبها ي كريم ؟
كريم : اكتر من نفسي ⁦
رودى وهي بتبصله : تعرف انا قربت منك ليه ؟
كريم وهو بيبصلها : ليه ؟
رودى : مش عشان ابقا حبيبتك وكدة لأ ، عشان حبيت ابقا زيها ، صاحبة جدعة وبتحبك زي عنيها كأنك ابنها ، بتشيل همك قبلك ، خسرت ناس كتير اوي بسببك ، وناس كرهتها برضو بسببك ، بس هي مهتمتش لحد غيرك ، انا اوقات بستغرب انتوا ازاي صحاب ، ليه مش حبايب !
كريم بخضة : حبايب !
رودى : اة حبايب ، مافيش صحاب بيعمله مع بعض الي انتوا بتعملوه دة ، ولا بيبقوا قريبين اوي كدة ، انت فاكرنا مش ملاحظين ولا ايه !
كريم بعدم فهم : ملاحظين ايه ؟!
رودى : انت كنت هتنفجر ي كريم لما رامي هزر مع چنى ف الماية ، لدرجة إنك مشيت عشان ميبانش عليك ، بس كان باين اوي برصو ، حتى هي ، ساعات بلاحظ إنها مش بتطيق دلال ودايماً بتكلمها بتحفظ !
كريم : عادي يعني
رودى : لا مش عادي طبعاً ، مافيش غيرة بين الصحاب ع فكرة ، بالذات لو ولد وبنت
كريم : بس احنا صحاب ي رودي مش اكتر !
رودى : انتوا اتعودته ع بعض كصحاب ، لدرجة إن لما الصحوبية قلبت لحب محدش فيكوا خد باله
كريم بضيق : رودييييي ، بالله عليكي متدخلنيش ف حوارات انا مش قدها وتكبري حاجات ف دماغي ، انا اتعودت عليها كدة زي مهي
رودى : ماشي ي كريم ، افضلوا انتوا اضحكوا ع نفسيكوا كتير ، اكسكيوزمي بقا هروح التويليت
كريم : اكسكيوزمك معاكي يختي
( تقوم رودي ، يبص كريم ع چني يلاقيها فاضلها حبة وهتقع من ع الكنبة )
كريم : چنى ، چنى اتعدلي هتقعي !
( چنى رايحة ف النوم خلاص هتقع ف الأرض ، يقوم كريم من ع السرير بسرعة يزقها لجوة ، تصحى چنى مخضوضة ، كريم قاعد جنبها ف الأرض )
جنى ب استغراب : في ايه ؟!
كريم بوجع : اااااه !
جنى وهي بتقوم : مالك ، ايه الي جابك ع الأرض ؟!
كريم : كنتي هتقعي لحقتك !
جنى بخضة : يلهوي عليك ، م كنت سبتني اقع ، قمت ليه بس !
( تسنده وترجعه ع السرير )
كريم بوجع : ااااه ، لا مش قادر !
جنى : ليه تقوم بس ، كنت ندهت عليا طيب ولا سيبتني مش مهم !
كريم : ندهت عليكي ، انتي الي نومك نوم حمير ! 
جنى : طب حاسس ب ايه ، اندهلك الدكتور ؟
كريم : لا هبقا كويس ، روحي كملي نوم
جنى : لا انا مش هنام تاني خلاص
كريم بتعب : انا كويس والله ، هنام انا كمان
( تدخل رودي )
رودى بنعاس : كويس إنك صحيتي ، انا عاوزة انام
( تروح رودي تنام ع الكنبة ، چنى قاعدة ع الكرسي جنب كريم ، كريم يضير وشه وينام هيموت م الوجع بس بيحاول ميبينش ، يطلع الصبح ، تقوم چنى ورودي ، كريم نايم )
رودى : انا هروح الشقة اغير هدومي واظبط شنطنا وهبقا ارجع معاهم اوك
جنى : ماشي ، قوليلهم ميتأخروش عشان كريم تعبان
رودى : حاضر ماشي
( تمشي رودي ، يعدي الوقت ، كريم لسة نايم ، تقرب عليه چنى )
جنى : كريم ، كريم اصحى عشان هنمشي
( يفتح عيونه )
جنى : انت كويس ؟
كريم بتعب : اه ، اااه !
جنى : طب معلش قوم معايا عشان تلبس ، هما جايين ف الطريق خلاص
كريم : حاضر
( يقوم كريم چنى تساعده ف لبس هدومه ، يوصل صحابهم ، الشباب شكلهم متبهدل خالص )
كريم ب استغراب : في ايه مالكم ؟!
جنى : حصلكم ايه ؟!
عمر : كارثة
كريم بقلق : في ايه ي بني ؟!
حمو : العربيات كلها الكاوتش بتاعها متقطع !
عمر : بقالنا ساعة عمالين نجيبهم يمين شمال الكوتش متهلهل مش نافع !
كريم : طب م تودوهم عند اي ميكانيكي !
رامي : منعرفش حد هنا ، وسألنا محدش يعرف برضو