قصة : (حتة مني ) الجزء الأول ، ل سهيلة سعيد المنجي ( 2015 )

الحلقة ١٩ والأخيرة

قصة { #حتة_مني } 👫🧡

الحلقة التاسعة عشر والأخيرة { ١٩ } 🙈

جنى : لا مش نايمة
عمر ب شك : هو انتي برة ؟!
( كريم يبص ل چنى )
جنى : اه ، اصل كريم عازمني برة ، انا معاه 😐
عمر ب استغراب : كريم ، والله !
جنى : اه
عمر ب انفعال : يعني فوقتي حضرتك دلوقتي مع استاذ كريم ، ومعايا تعبانة وعاوزة تنامي 🤷🏻‍♂
جنى : عادي يعني ي عمر في ايه ؟!
عمر : عادي !
( متردش )
عمر : انتوا فين ؟
جنى : ع البحر 😒
( يقفل عمر ف وشها )
كريم : في حاجة ولا ايه ؟!
جنى : لا اصله كان هيفسحني وانا نكدت عليه وقلتله يروحني ، اكيد زعل دلوقتي اما عرف إني برة 😊
كريم : اه ، طب تحبي اروحك ؟
جنى : لا لأ ، هو عرف خلاص
كريم : ل اكون هسببلك مشكلة طيب 😕
جنى : ياريييت 🤷🏻‍♀️
كريم ب استغراب : ليه كدة ، انتوا لحقته !!
جنى : مهي دي الأزمة إننا ملحقناش !
كريم : هو انتي مبتحبيش عمر ي چنى ؟
جنى : مش بحبه ، بس مش بكرهوا
كريم : يعني هو بالنسبة ليكي زي تجربة مثلاً ؟
جنى : يعني تقريباً كدة
كريم : بس كدة غلط لإنك وافقتي تكوني معاه وهو واخد كل حاجة بجد ، يعني مش بيتسلى بيكي
جنى : تعرف ي كريم ، لما تلاقي انسان بيعشقك حرفياً بس هو بالنسبة ليك ولا حاجة ، ممكن يكون اقل م العادي كمان 💔
كريم ب استغراب : طب وافقتي عليه ليه ؟!
جنى ب حيرة : عشان ، عشان هو ، معرفش ، مش عارفة ليه 🤦🏻‍♀
كريم : حطيتي نفسك ف موقف صعب جداً !!
جنى : جداً جداً جداً
كريم : طب وهتعملي معاه ؟
جنى : مش عارفة بجد ، صحيح انت ايه الي رجعك ل ايمي ؟!
كريم : عمر !!
جنى ب استغراب : عمر الي رجعك ليها ؟!
كريم : لا عمر جاي علينا 😐
جنى ب خضة : لا بجد ، هو لحق !!
( تبص چنى تشوف عمر مركز نظره ع كريم وشكله متعصب وع اخره ، يقرب عمر ع كريم من غير كلام ولا سلام يضربه بوكس ، تتخض چنى )
عمر ب زعيق : انت عاوز منها ايه هااااا 😡
جنى ب خضة : انت بتعمل ايه 😧
( ياخد ايدها ويمشي )
كريم : عمر انت فاهم غلط 🤦🏻‍♂️
جنى ب خوف : انت مجنون سيبني اوعا ي عمر 😧
( مبيردش شادد اديها وماشي ، چنى عمالة تزقه ف ضهره عشان يسيبها عايزة تطمن ع كريم ، عمر من كتر زق چنى فيه يلف يضربها بالقلم )
جنى ب خضة : اااه !!
( يشوفوا كريم يتخض ، يطلع يجري عليه ويضربه ب رجله ف ضهره يوقعه ع وشوا ف الأرض )
جنى ب خضة : احيييه !!
( يقوم عمر م الأرض يهجم ع كريم ويضربه ف بعض ، تتخض چنى وتصرخ مش عارفة تعمل ايه والشط فاضي مفيش حد يحوشهم عن بعض )
جنى ب صريخ : والنبي كفاية ، ي كريم خلاص ، بس ي عمر بقا كفياكممممم 😧
( چنى تلاقي مفيش فايدة م الكلام ، تدخل مابينهم عشان يسيبه بعض )
جنى : خلاص بقاااا ، انتوا بتعمله كدة ليه حرام عليكم ✋
عمر ب زعيق ل كريم : من ساعة م قلتلك إني هخطبها وانت مش طايقني ، وسألتك لو تخصك قولي وانا ابعد 😠
( كريم يبص ل چنى وميردش )
عمر : عاوز منها ايه بقاااا 🤷🏻‍♂️
( ميردش )
عمر وهو بيمسك ايد چنى ب عنف : چنى ، ي انا ي هو ⁦👋🏻
كريم ب غيظ وهو بيزق عمر يشيل ايد چنى منه : سيب ايدها 😡
جنى : ي عمر مافيش داعي لكل دة بجد 😟
عمر : ي انا ي هو اختاري دلوقتي
( كريم وعمر واقفين باصين ل چنى مستنيين اختيارها )
جنى : كريم ، اسفة 😔
( تنطق چنى اسم كريم وتبص ف الأرض ، كريم مخضوض إنها بتتأسفله )
كريم : عادي ي چنى 💔
( يمسك عمر ايد چنى عشان يمشوا ، چنى تشيل ايدها منه ، يبصلها ب استغراب )
جنى : اخترت كريم ي عمر ، اسفة ، انا بحبه هو ⁦♥️
( يبصلها كريم ب خضة مش مصدق هي فعلاً قالت بحبه هو ! )
عمر : ماشي ي چنى ، براحتك ، انا قلتلك برضو مهما حصل انا هفضل احبك واحترمك 😐
( يمشي عمر ، چنى تبص ل كريم ، ياخدها ف حضنه ، يحضنها اوي كأنها كانت تايهة منه ولقاها )
كريم : بحبك ❤⁩
جنى : وانا بحبك اوي ⁦❤⁩
( تنزل دموعهم )
كريم : أتاخرنا اوي مش كدة !
جنى : اوى بجد 😥
( يقرب كريم ع چنى ويبوسها ، تتخض چنى )
جنى ب خضة وهي بتبعده : كريييم 😳
كريم ب ضحك : يلهوى ي ناس ع القمر لما يتكسف 😆❤⁩
جنى ب احراج : بس بقااااا 😅
كريم : وربنا بحبك ي چنى ♥️
جنى : وانا كمان 😟♥️
( يحضنها ويبتسم ب ارتياح ، يعدي الوقت ، كريم وچنى قاعدين ع الرمل ، كريم نايم ف الأرض وحاطط دماغه ع رجل چنى ، تحط چنى ايدها ع شعره )
جنى : هتعمل ايه مع ايمي ؟
كريم : هخلي ابويا يتنازل ع القومبيلات 😌
جنى : ههههه ، متكلمتش ليه ي كريم ؟!
كريم : خفت اخسرك ك حبيبة وصاحبة كمان 💔
جنى ب استغراب : نفس تفكيري !!
كريم : بجد ؟!
جنى : عشان تعرف انت حتة مني ⁦❤
كريم : بس انتي مخفتيش يكون احساسك مش نفس احساسي ؟
جنى : سمعت كلامك ومشيت ورا قلبي ♥️
كريم : لا حضن ل قلبك بقا عشان هو السبب 🤗
( يقوم يحضنها )
جنى : انت م بتصدق خلاااااااص 🤦🏻‍♀
كريم : البت رودي دي مش سهلة
جنى : ليه ؟!
كريم : فهمتني بسرعة اوي ، فاكرة يوم المستشفى وخناقة مطروح ؟
جنى : ايوة
كريم : اليوم دة قالتلي إني بحبك ومش ك صحاب ، هي الي لفتت نظري ل كل دة ، وجه استاذ عمر تممها لما اعترفلي ب حبه ليكي ، لأ وجاي عشان انا الي اكلمك ف الموضوع كمان ، انا كنت حرفياً بنتهي ف الفترة دي 💔
جنى : كله كان كوم وبعدك عني كوم تاني ، كنت حاسة إني تايهة ، ودة كان بيخليني اسكت اكتر لإني جربت بعدك عني ف خايفة يحصل بجد ويكون للأبد 😟
كريم : كان غصب عني ، كنت حاسس لو شوفتك او كلمتك ف الفترة دي هنخسر بعض ي هتفضح قدامك 😕
جنى : بجد مش متخيلة إنك دلوقتي عارف كل الي جوايا ، دة كان هم ع قلبي وانزاح 😟
( يبوس ايدها )
كريم : تعرفي احلى حاجة ف كل دة ايه ؟
جنى : ايه ؟
كريم وهو بيغمزلها : نسيتك الترمس 😉
جنى ب ضحك : لااااااا 😂

*( حبك هو الحاجة الوحيدة الي مهما خبيتها هتبان ، نظراتك ، نبرة صوتك ، تصرفاتك ، غيرتك ، كل ما فيك هيفضحك ، اوعا تخبي احساس جواك ومتخرجوش عشان خايف من رد الفعل ، اتكلم قبل فوات الأوان )*

*( النهاية )*

( متنسوش اللايك ورأيكم .. 💖✨ )

#قصة_حتة_مني_ل_سهيلة_سعيد

#sohila_sa3ed