#للنون_حكاية
وفي صباح يوم دراسي جديد
البارت الثاني
بقلم قمر الزمان 💋💋
نزلو البنات من خطوطهم
صباح الخير
صباح الخير
هلاووو
سلام عليكم
صباحووو بنات
نور ام عيون - البارحة تذكرتكم جونة خطار بيت عمتي وبناتهم فد ونسة وضحك كلت وين المگموعات صديقاتي يجن يضحكن ويشاركني
نور الطويلة - صدوك بنات احنه ليش منتبادل الارقام ومن نرجع للبيت نتواصل بالتلفون
حلوووو خوش فكرة
نور السچاچة - اني معندي تلفون شلون اتواصل وياكم بالخاشوكة
ليش بقت وحدة هسة ماعدة تلفون
السچاچة - اي اني ماعندي امي متقبل تكول بعدج زغيرة والعمرج التلفون غلط
لعد احنه مو عدنه تلفونات وشنحتاج نكدر نتصل بصديقات باقارب مرات بأهالينا
صدگ نور احجيلنه عن حياتج ابيتكم وعائلتج
السچاچة - حياتي عبارة عن فوضى وعيت عالدنيا واني اشوف امي قاسيه
مرات اكول ليش امي مو مثل باقي الامهات اذا ادرسني لازم اشبع كفخات اذا تعلمني على شي لازم العياط مالتهة ومرات احصلي كتله
نور المايعه - اووي عفيه هاي شنو ليش هيج امج شنو متحبج مو تكولين انتي وحيدتهم على ولد
السچاچة - بالعكس تموت علينة وشنريد موفرتلنة اني بالنسبه الي ما اهتم للبس والامور الي تخص البنيه هية امي متابعتني اول بأول وقبل لا اريد الشي هية اجيبه الي وحتة لو كان سعرة غالي بس عصبيتهة كلش خارجة عن الحدود ومضيعه كلشي زين تسوي
نور الطويلة - اكو سبب لو من الله هيج طبيعتهة
اسباب مو سبب واحد اولهم بيت جدي والمشاكل الي يدوروهة وراها والتفرقة مابينهة وبين مرت عمي والثاني اخوتي الولد متعبيهة بشكل مو طبيعي مينجرعون وثالثهم ابوية
نور ام عيون - ليش ابوج ميحبهة الامج
بالعكس يحبهة يموت عليهة يعبدهة عبادة وبسبب محبتة الهة بيت جدي يغارون منهة وحته تاهميهة ساحرتله
وهالكد ما مركز وياها اتفه الاسباب يسويلهة مشكلة وهية عصبيه متتحمل وتكب بيناتهم واني اظل اتفرج
نور لتزعلين هههههههه خاف صدك ساحرتله امج وهيج يحبهة ويقلب عليهة
لا امي واعرفهة زين اصلاً هية كدام عينه لا تطلع وحدهة ولا شي هوة يحبهة بسبب احترامهة اله ومدللته وموفرتله الراحة وهالكد ما مدلل يتعزز عليهة
ابد ما بيوم شفتهة تجاوز علي شكد توصل بيهة العصبيه صح تتعارك وياا وتتجادل بس ابد متوصل للغلط وذا تسكتله هوة يدوس بمصارينهة ويحجيهة
