#للنون_حكاية
البارت الرابع عشر
بقلم قمر الزمان 💋💋
نور المايعه
تغيير بارق المفاجأ غريب والاغرب اني باقية وياا ومتمسكة بي اعرف هالشي مو صحيح لكن المشكلة احس ماكدر استغني عنه رغم اني نهائياً مو بحاجته
كنت في حاجته فترة كنت اعاني بيهة لكن عبرت وجتازيت هذي المرحلة
اصبح وجودة في حياتي ضرر لكن ماكدر اتركة
السنه الاخيرة الي بالكليه وشارفت على الانتهاء واعدني بارق بهدية يدزة بيد صديق اله نازل البغداد
مو مهمة عندي الهديه المهم عندي من ريحته
كاعدة بغرفتي اصفح دنيه ليل واهلي كل من بغرفته راسلتني اختي بدور
احنه البنات كل وحدة غرفه اله خاصه
نور نور نور نور
شكو شكو شبيج اصيحين بتالي اليل
ههههه اني مداصيح اني داكتب
اي مو تكتبين نور نور شكو شبيج
تدرين اليوم منو شفت الظهر ورة الدوام
منو دحجي
محمد
هااا وشجابه بطريقج
من خلصنه ابو الخط اخذنه مطعم وجبات سريعه نزلنه اني وصديقتي اخذنه لفات وقبل لا اصعد بالسيارة سمعت واحد سلم عليه
اندار واشوفلج محمد بس شنوووو شصايرررر
شصاير وحجي عدل لتعوجين حلكج
هاااا هاااا تغارين هههههه
نجبي وكملي شصاير
متغير تغيير مفاجأ
للاحسن لو للاسوأ
لا طبعاً للأحسن يخبل صاير الكشخة والبس والراحة مبينه على وجهة
الله يوفقه بحياته يستاهل كل خير
مممم متردين تعرفين عليمن سألني
لج بدور راح اجيج والله احجي لشلعين كلبي
ههههههه اول ما سلم علية رأساً سألني عليج شلونج واخبارج او وين وصلتي بالدراسه
وكتله هاي السنه الاخيرة الهة حتتخرج
وكلي سلميلي عليهة
الله يسلمة
سألته مزوجت وكال لا
وراها ترخصت منه لان الخط خطيه هواي انتضرنه وتأخر
غريب الاحساس الي بداخلي اكو شي يحن ويرف للماضي واكو شي ثاني يفكر ابارق وبس
على كل حال محمد ماضي ونطوت صفحته
امتحنه الامتحانات النهائية وستلمت النتيجة
