#للنون_حكاية
البارت السابع
بقلم قمر الزمان 💋💋
نور
نفتحت الباب وطبت امي اني جمدت وبشعور لا ارادي طكيته ركضه داخل البيت وصحت احترك احترك الجدر ودفعت همام دفع دفع دفع الباب الترك وسديته علي
هوة يحير بروحة ويطلع نفسة لان اكو ورة بيتنة بيت لاخ وسياجة ناصي ويكدر يعبر
بس الي ما توقعته
شفت امي وراية
وصاحت نور منو هذااااا
اني كتلهة منو
ولج نوررررر منو هذا يمصخمة ولج منو مطببه للبيت
والله ماما ممدخله احد هاي شدتحجين
ولج اجذبين عيوني اني لمحت واحد طلعتي من باب الترك شو وخررررري
دفعتني وفتحت باب الترك
اوووف الحمد لله ما لكت احد بس هم ما خلصت ولزمتني من شعري
وظليت ناكرة واصريت على الانكار وحلفت يمين ممدخلة احد
لآن فعلاً اني ممدخلته لوما هوة يجفت للبيت ويباغتني
تهلس شعري بيدهة وهية تجر بي منا ومنا وتكول احجي منوهذا واني مصرة محد متوهمة شعري طويييل وثخين واصل تحت خصري ومعتنيه بي وبي لون اموت اني على شعري تكطع بيدهة
ولي خرب اكثر اخوية الزغير شهد علية وية امي من دخل شافه
والله يمة اني شفت واحد ركض من المطبخ
لك كلب ليش تكذب
ما كلبه غيرج احجي ولج منو هذا لو ترة اليوم محد يخلصج وخليهة بحلك اخوانج وانتي وياهم تجازين
تردين احلفلج على كلام الله وكمت ابجي حيل وملخ بروحي وحته شعري الي جان بيدهة تسحل بي هدور اني كطعته بيدي وصرخ حرام عليج اتهميني
واخوية مصر هوة هم شاف واحد وامي مصرة هم شافت الى ان دخلت اختي الجبيرة وادخلت
كافي يمة صدك جذب شبيكم ليش هيج مسوية بيهة
الكلبه الحيوانه مدخلة واحد للبيت بعيني شفته طلع من باب الترك
وهية تنكر ومصرة اني متوهمة
اجذبيني اجذبيني نور خليهة تحجي افضل الهة
دقيقة يمة خل نفهم اول
نور نور حبابه منو هذا الي دخل للبيت
محد محد ليش مصدكوني محد
اكو وحدة ادخل ولد شاب للبيت بعز النهار صدك يمة تحجين
زين يمة انتي اشفتي بالضبط احجيلي واني اطلع الموضوع
فتحت الباب وطبيت واختج جانت واكفة من طبيت شو هاية صاحت الجدر الجدر اني هم عبالي بيتنة احترك دخلت عالسريع وراها
اشوف ظهر واحد طلع من الباب الترك
