#للنون_حكاية
البارت الثالث عشر
بقلم قمر الزمان 💋💋
ذو الفقار تخبلت
تخطف اخويه شنو
اي ماكو غير هيج طريقه
اجبرهم بيهة ينطوج الي ورجع اخوج الكم
ونته من كل عقلك تخطف طفل زغير وتخوفه وتهبط اهلة ومن اسوي هيج شنو اني اسكت لو اساندك خاطف اخويه اصفكلك
ثاني شي اني جنت عندك ونته حرت شسويت بتعاليك عليه ونفسياتك المتقلبه شنو الي تغير وهالكد متمسك بيه
صحيت جنت مو بوعيي وصحيت ليش اني الكة مثلج ليش اني ماعرفج
لو ما اعرف اهلج شنو من كل عقلج اعوفكم ليش أكو مثلكم اهل
والخربطة الي سويتهة شراح يصلحهة
لا وجاي بعد تخربط تخطف اخوية وتهددهم بي
وشون بالله تخطفه تدخل للبيت وتشيله مثلاً
لا لا اني اعرف شلون
هوة يوميه العصر يطلع يشتري
اني اوكفله براس الفرع هوة يعرفني اصيحلة يجيني
صاحبي عدة دراجة اخذهة منه بالدراجة اكلة تعال اشتريلك واخذة
صاحبي الاخ متفق وياا بيتهم فارغ يومين الى ان اهلج يوافقون وهوة يعرفني ويحبني ميبجي اشتريله ووكلة
كافي خبال ذو الفقار هدور راح تعم على روحك بالزايد اذا فعلاً مستقتل علية وتريدني وتكول اني صحيت على نفسي
حارب من اجلي
على طاري الحرب اني هم عندي فكرة ثانيه في حاله ما نجحت الخطف
اي بالله وهيَ
اني محضر سلاح
شسوي بي يمعوود
اجي اني وجماعتي ندگ بيتكم ونزرف الحيطان
لتخافين ما اذي احد بس أخوف اهلج
اشو صاير تفكيرك اجرامي متكلي شجاك
شسوي امج طلعتني من عقلي مجاي تقنع وما خليت احد ما دزيته عليهة وكلهم رجعو فشلانين
هسة حته محد يقبل بعد يجي ويايه
اعتقد من ايدك ذو الفقار هواي ستهانيت بيه وباهلي
يا ناس ندمان ندمان تعرفين شنو ندمان
غلطت جنت مو بوعيي وغلطت
عقلي نحرف عن مسارة وغلطت شلون اصلحهة فهميني
وصلحهة بغلط اكبر ساعه تفكر تخطف اخوية
وساعه تفكر تزرف بيتنه بالطلق انته جاي تحول المسأله الى عداوات هدورة
لعد لو تسمعين الفكرة الثالثه
استغفر الله يا ربي
دسمعي لعد جنت ناوي احرك محل ابوج ههههههه ادير علي بانزين وحركة
اكولك ذو الفقار روح عفيه بعد ما تحمل منك كلمه زايدة
وذا صدك ندمان مثل متكول اثبتلي صحة كلامك وحارب من اجلي وصلح الي خربطته كله
