#للنون_حكاية
البارت الثامن عشر والأخير
بقلم قمر الزمان 💋💋
نور
مثبورين صار اسبوعين استعدادات اول شي دزت امي على بنت خالي حته تساعدنه بالبيت
نظفناااا البيت من فوك الي جوة وراها بدت حمله على تجهيزات الحنه الما كملتهة بأدق التفاصيل ومن كلشي جابت ومن احسن نوعية ومتقبل نضوك وشحدة ليكول خل اضوك
هههه ما عدة ابويه طبعاً
ورااها طلعنه البدلات التأجير ما خلينه ما دورنه كول المناطق رحنه ما لكيت بدله احلامي
وباكثر من طلعه وأخيراً لكيتهة صدفه ماما سألت ابو المحل
نريد فد شي جديد هذني كولهم كرستال او ورد وهية متريد اي بدله بيه كرستال لو ليلو فدوة خاله اذا عدك غير ذني طلعهن
والله خاله عندي بدلات ظامهن جدد ما ملبوسات بس ترة سعرهن يختلف عن هذني
شوفني بعد خالتك بس اول انطيني الكرسي لان رجليه راحت
طلعلي ثلاث بدلات وحدة اجمل من الثانيه ومثل ما ردت
اختاريت الي وكعت عيني عليهة ولي جنت راسمتهة بمخيلتي
اتجنن بدله اوف وايت لونه يعني بيضه بس مو ناصع لا
والتطريز والنقش مو هوسة لا بس منطقه الصدر للخصر نقش ناعم مابي اي كرستال ومخصرة فيت على خصري وتنزل باقي البدله نص نفشة مو كلش منفوشة وسط والستن سادة بيه ثلاث خطوط تطريز من نفس تطريز الصدر
فد شي نازك وراقي وماما حجزتهة
بعد ما وقع الموافقه عليه من الطرفين اني وماما ههههههه فعلاً كانت بدله تستحق التعب فرحت بيهة فرحة كلش جبيرة لان جنت خايفه البس بدله زفافي واني ما مقتنعه بس الحمد لله الله جبر بخاطري ولكيتهة
وكانت مكشوفه فطلبت من ابو المحل انو يسويلهة شي يغطي وكال راح ارهملهة ردن شفاف وطلعلنه موديلات وختيارينه شي موالم الهة
وتفقت ويااا
باوع خاله خاف اجي من استلمهة والكاك مغيرهة ترة متلوم اله نفسك ههههه هددته
وبعدهة رحنه على بدلات الحنه وهم فرة طوووووويله هلكنه وبالاخير ماما كالت هاية
اشرت على بدله بنفسجي فااااااااااتح وكريمي ممزوج تجنن كالت اذا تطلبين رايي فهذي انسب بدله الج وحجزناها وفعلاً من لبستهة الكل انبهرو شلون حلوة وكلهم سألو منين اجرتيهة
حته بالصالون سالوني عليهة كانت من اختيار امي والاختيار كان موفق
كلتلي اخذلج وحدة لاخ واني ما قبلت كتلهة بدله وحدة اريد اشبع بيهة شستفاد اذا البس ونزع حته متعه البدله تروح
وبعد البدلات مرحلة الصبغ والميش والتغيير حته بنت خالي سوتلهة ويانه شعرهة
وراها كالت ارتاحي انتي تعبتي اني عليه الباقي
