#للنون_حكاية
البارت الثالث
بقلم قمر الزمان 💋💋
علمتني الايام واليالي وحوادثا
كل فعل وكل عمل حدث لي
جارت الدنيه واني حديثه
علمتني ودرستني الجارت علية
وفي يوم دراسي جديد
اكووول شعجب نور المايعه ماكو اليوم ممداومة البارحة بليل مكالت مراح اداوم
الطويله - لا اخر شي من تراسلنه بالكروب مكالت مراح اداوم يجوز الصبح كعدت مريضه
اليوم من ارجع اراسلهة ونشوف شبيهة
وبعد انتهاء اليوم الدراسي
السچاچة - هاا بنات ما حصلتوهة
ام عيون - لا والله حته خابرت عالرصيد يطلع مغلق
السميرة - يا ستار يا ربي خاف صدك مريضه
ام عيون - حته لو مريضه هم متغلق خطهة نهائي خاف عدهم مشاكل بالبيت
هسة حته بيتهم منندله حته نسأل
واختفت نور المايعه كم يوم والصديقات ما يعرفون عنها اي شي
تعالو نروح عند نور و نفهم سبب اختفائهة
تعلقت بمحمد كلش يوم بعد يوم يزيد تعلقي بي
اني من الاول كنت معجبه لكن ما كنت افكر نهائي بالارتباط الى ان بيوم جنه طالعين بسفرة عائليه ومرتاحين ومتونسين وصلنة للبيت وقبل لا ابوية ينزل حته يفتح الباب اختي الزغيرة فتحت باب السيارة ونزلت وية ما بابا عدل السيارة سمعنه عيطة اختي رأساً ابويه توقف نزلنه كولنه بسرعه وشفناها شلون صايرة حوة سيارة بابا
طبعاً ابويه مشافها وعلى عياطنه الناس طلعت من بيوتهة اني وماما وخواتي سبينه الدنيه عياط اختي مجطوله جوة السيارة وفاقدة اجوي ثلاث رياجيل يركضون وياهم ولد شاب وشالوهة للسيارة شيول وطلعوهة الاختي من جواها كانت متأذيه حبيبتي طبعاً الموقف ميتسولف بي وابويه من شاف اختي شلون ممرودة جوة السيارة ظل مصطك ماكدر يتحرك من مكانه كل ظنه اختي ماتت وهوة الي دعمهة
الناس الله يوفقهم عرفو ابويه مصدوم اخذو اختي بسيارتهم وراحو بيهة للمستشفى
وبرعاية الله اختي طلع عدهة بس رضوض والحمد لله
عالجوهة بالمستشفى ورجعوهة للبيت لان متحتاج تبقه
هنا بدت قصة حبي اني ومحمد
ظل بين فترة وفترة يجون ويسألون على اختي وكانت اكو نظرات بيهة كلام خجول تحجيهة عيونه بدون مينطق السانة
واني كفتاة وبعمر المراهقة وشفت نظرات اعجاب بعيون شاب حلووو الشكل والأخلاق شي اكيد اظل افكر بي
وبفترة من الفترات كامت تتردد علينة اخته بحجة تشوف اختي وتطمن عليهة طبعاً اختي ايام قليله وتشافت وكامت على حيلهة
وبيوم صارحتني اخته وحجتلي عن اعجاب اخوهة محمد بيه ونطتني منه رساله يشرحلي بيهة
