البارت السادس
#للنون_حكاية
بقلم قمر الزمان
نور رامز الملقبه بالمايعه
كول البنات يحجن ويسولفن بأمهاتهم وشلون يردن مصلحتهم وشلون يخافن عليهم وشلون يدورن الهن الشي الزين وحته بزواجهم يشرطن ويتخيرن
الة اني ما عندي اي كلام غير حسرات ظامتهة بگلبي اسمع صديقاتي يحجن وكول هنيالكم
امي تغار من بناتهة
امي اي شي زين متحبه النه تتمنى النفسهة
تغار حته من ابويه اذا كشخ لو لبس لو تعطر
مرة سوت عركة طول بعرض ومن الصبح جبرت ابوية يوديهة الاهلهة وحنه جنة مدارس
مافكرت بناتي شيسون وشيدبرن من امورهن وهنة مدارس عافت مسؤليه البيت بركبتنة
ولكون اني البنت الكبيرة فالمسؤلية الكبرى علية وكعت
مدارس وطبخ وتنظيف
وابوية متطلباته
والدي لو انطي روحي ما قصر بس بعمري اتحمل كل هذا
وهم كلت ميخالف بيتي هوة وعائلتي هذي او والدي هذا
كلشي يهون ورجعنه توسلنه بابويه يروح يجيبهة اقلها تلزم البيت ومسؤليته
وراح والدي ورجعهة بس رجعهة شنو الخشم يطخ بالسمة من الغرور والكبرياء
تقدمولي ناس اقارب حالتهم الماديه تمام التمام وماما رفضت
ليش
لان ما عجبوهة
صديقتي بالمدرسة ويايه هم طلبتني الاخوهة وهم كتلهة لتعبين نفسج مراح توافق
هية امي تكول علمودج اريدلج القسمة الزينه بس الي داشوفة كلشي زين هية متريدة
وتعرفت على شاب عراقي مقيم في دولة ( ..... )
كبدايه صداقة وتعارف وتفريغ ما بداخلي من كبت
حبيت صداقته وكدر يكسبني صديقه وحتاجيته صديق فعلي تعويض عن المشاكل الي عايشة بيهة وخاصه انو هوة بعيد كل البعد عن حياتي وعائلتي ومنطقتي
شهر شهرين كنت ارتاح فعلاً بالحديث معاه صح عندي صديقاتي متركوني ابد بس ماكنت اكدر اشكي كلشي الهم لان همة كانت عدهم مشاكلهم وهمومهم
ورة شهرين من علاقتنه فاجأني بأنو يحبني ومعجب بشخصي
ما انكر حبيت اسلوبه وشخصيته لكن حب وغرام بعدنه باول الطريق ماكدر احازف خاصه اعرف امي راح توكف بطريقي
بيوم طلب مني طلب
نور اريد اطلب منج طلب
تفضل براق اطلب
راح اجي للعراق وريد اشوفج
اعتذر ماكدر براق لتوصلني مرحلة الا عودة ترة اذا اطورت علاقتنه وطريقنه صعب معناه اني ادمر
