#للنون_حكاية
البارت الثاني عشر
بقلم قمر الزمان 💋💋
نور المايعه
الوو خالة شلونج
هلو حبيبتي نوارة شلونج انتي خواتج شلونهم وماما
كولهم زينين ويسلمون عليج
حبيبتي شبيج احسج ضايجة خوما اكو شي
خالة محتاجة احجي وياج عندج جية علينه
لا والله خاله ماكدر بهالوقت
احجي خالتي شتردين تكولين اني هسة كاعدة معندي شي سولفيلي شعدج حجي
خاله
خاله بصراحة اسالج وجوابيني
ليش ماما تكرهنة ليش ماما متحب بناتهة مثل ما انتي تحبين بناتج
خاله يعني ماكو ام تغار من بناتهة ولا اكو ام متحبهن هاي صديقاتي يحجن ويسولفن بامهاتهم اله اني امي ماكدر احجي شي وتباها
احنه مطيعات والله خاله ومحترمات وناجحات بمدارسنه والناس كولهم يحبونه ويقدرونه
ليش ماما متحبنه
حبيبتي لتبجين وسمعيني امج مو متحبكم لا بالعكس بس هواي واجهت حجي وانتقادات من الناس ومن اهل ابوج ما رحمو امج خاله كل بنيه تجيهة جانت امج تسمع ابشع التهم
وأبشع انتقاد ليش متخلف الولد الابوج حته يحفظ اسمه
صدكي ترة الضغط الي امج شافته مو شويه
وعتقد هذا سبب خلاها تتغير من ناحيتكم
وخاصه بعد ما گطعت الخلفه ورادت بعد حمل وما صار وشكد عالجت
بس ربج ما قاسم الهة الولد
وحنه شنو ذنبنه خاله مو المفروض الام تصير احن شخص على بناتهة
ليش اني ابويه ماخذ الدورين دور امي ودور ابويه يمكن لوما ابويه محنته علينه ومداراته النه يمكن بس الله يعلم شنو كان حالنه
ابوج انسان طيب واخلاقه عاليه وشكد امج جانت تعاني من اهلة بسبب الولد بس هوة ابد ما تضايق من عدكم ابد وكل بنيه تجي تزيد محنته عليكم وشكد حجة وياها وكلهة مو مهم الولد عندي بناتي بالدنيا بس مافاد امج كلام عيالهة السم بقه بكلبهة ما نسته
بس خاله هذا مو مبرر يعني الام من تحب اولادهة مستحيل تكرهم امنه شلون مدرت تكرهنة خاله فهميني
استغفر الله متكوليلي شجاج على هاي الحجايه شنو تكرهنة خالاتي ترة انتن متوهمات
شلون متوهمات انتي كوليلي ذاك اليوم تضحك عليه كدام الناس بالجم وتكول بقرة
لو خلي بابا يطينه شي لو يجيبلنه شي تنكلب الدنيه تريد الهة وبس لو تريد اكثر من عدنه اني حته متفاجأة بابا شلون متحملهة
ابوج طيب وابن اوادم وامج تحبكم ليضل بالج حبيبتي وشيلي هاي الاوهام من راسج
حته خالتي تنطي العذر الامي
ماكو عذر للام اذا كرهت بناتهة بسبب ما صار عدهة ولد شنو ذنبنه جينه للدنيا وعدنه ام تعاني
