#للنون_حكاية
عدنا معكم واليكم وحكايتنا تتلو حكايات
ففيها كان حرف ( النون ) فعلاً ⭐️
يجمع مابين ( الواو ) فاعلاً ⭐️
و( الراء ) يختم الأسم مفعولاً ⭐️
ونقطةٌ ( . ) تميز الحرفَ ⭐️
و خمس نجمات ⭐️⭐️⭐️⭐️⭐️ خرجت من ( نور )
( للنون حكايات )
يالله بنات بسرعة اسطفاف للساحة لحد يبقه واكف يالله راح نسد الباب
ممنوع بعد وحدة تتأخر
الساعه ثمانيه نغلق البوابه الي تجي ورة ساعه ثمانية ممنوع تدخل ترجع البيتهم وما مسؤلين عن الي يصير الهة
بعد رفعة العلم والنشيد الوطني والقاء الكلمة للمديرة ببداية العام الدراسي الجديد
القت علينه مجموعه من القوانين احنة صف الاول متوسط أكيد نلتزم بكل القوانين بدايه سنة خوفاً من العقوبات الي اثبت لاحقاً مجرد كلام وتهديد واحياناً للظرورة القصوى تنفيذ بالفصل
مبهورين بعالم جديد اكبر من العالم الي اجينه منه عالم المراحل الابتدائية وتوديع اخر مراحل الطفولة
صف الاول متوسط شعبة ( ج )
صباح الخير بنات
صباح النور ست
اني مدرستكم ( ست منال )
ادرسكم مادة العربي وراح اكون مرشدتكم راح اصيح باسماء الي موجودين بشعبتي واذا اكو طالبه خارج القائمة الي عندي نشوف بيا صف هية
وكعادة المدرسات بأول يوم دراسي تنظيم الصف حسب الطول
وبدت باول سرة بالرحلات
تعالي انتي اسمج
ست نور نادر
تعالي كعدي بالبدايه
ونتي شسمج
ست فردوس
رجعي للاخير
وبتدت بالسرة الثاني بالرحلات
تعالي انتي اسمج
نور عادل
تعالي كعدي بالبدايه
ونتي اسمج
نور هادي
رجعي للاخير
وبتدت بالسرة الثالث بالرحلات
تعالي انتي
ست نور صلاح
رجعي للأخير
ونتي اسمج
نور رامز ست
رجعي للاخير
هواي عدنه نونات بالصف شلون راح نميزكم ههههه
بنات كل وحدة وتلتزم بمكانه اني رتبت حسب الطول حته القصيرات يكدرن يشوفن السبورة والحل
