القصة ديال كتحكي على بزاف ديال المشاكل الإجتماعية لكتعيشهوم البنت المغربية في صمت سواء فالبادية أو المدينة قررت نكشف الستار على بعض منهوم كنتمنى تعجبكوم القصة 😍😍😍
القصة غادي تبدا من واحد الدوار الناس ديالو عادين بزاف وبسطاء باقي محافظين على كل تفاصيل من العادات والتقاليد ديالهم دخلات عندهوم التكنولوجيا ولكن نقدرو بشكل خاطئ حيث عقولهم باقي مترقاتش مزيان المهم الديور ديالو مقاربين وكبار ديال الأجداد ورتوها من عندهوم الأبناء ومبنين غير بالطوب وبيبانها ديال الحديد والخشب الثقيل
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وفوحدة من هديك الديور كانت عائلة بحال أي عائلة مغربية الأب والولد الكبير هو لي محكم فكلشي والأم وبناتها معليهوم غير الطاعة حتى لو كان هاد الشي معاجبهومش شكون لي مسوق ليهوم المهم كانت ريم بنت زوينة وسكوتية شعرها بني حد الكتاف وعينيها تبارك الله خضرين مرمشبن وكبار غير عندها 17سنة طويلة وفرمتها مقادة كانت كالسة فبيتها لي مشاركاه مع ختها الصغيرة جيهان حتى هيا بنت صغير فعمرها 14سنة كتكبر وكتزيان ريم كانت لابسة قفطان ديال الجوهرة مطرز بالدهبي خفيف معه شربيل دهبي ولايحة على راسها شال بيض كتشوف فشي حوايج جابوهوم ليها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وكتبان متوترة حيث هاد النهار هو يوم الخطوبة ديالها من واحد الشخص مكتعرفوش غير قصد دارهوم حتى دخلات عليها مها مرا كبيرة زوينة كيما كيقولو إلى مشا الزين كيبقاو حروفو لابسة بيجامة طويلة ديال الدار وحازماها بطابلية وزيف على راسها جامعة بيه شعرها اللور عينيها الخضرين باينة فيهوم الفرحة كتلمع فوزية ( الأم) : يالاه أبنتي نوضي حماتك بغات تشوفك عدلي الشال ديالك واخا ريم : ( متوثرة ) ماما أشمن حماتي راني مزال موفقتش على هاد الزواج فوزية: ( كتقاد ليها حوايجها شالها ) باباك أبنتي صافي وافق غير كوني هانية الراجل عجبو يلاه حشومة نتعطلو على المرا ريم : ( بغات تبكي ) كيفاش وافق عليه أ ماما راه أنا ليغادي نتزوج بيه ماشي هو كاع مكنعرفو فوزية : أبنتي شحال راسك قاصح بحال باك دابا تعرفيه ويطلع ليك فراسك دابا زيدي كدامي ( جراتها من إديها ) خرجتها من بيتها ودخلتها لواحد الصالون مغربي متول مفرش بسدادر عادين والمخاد وزربية فالوسط كانت كالسة فيها مرا كبيرة ولكن مزال شادة فصحتها لابسة جلابة بيج مطرزة وشال بيض مع بلغة كحلة وحطة ساكها حداها وكتبتاسم ليها وحداها واحد البنت حتى هيا لابسة جلابة خضرا ولكن مديراش زيف كان شعرها مطلوق وتكون فنفس عمر ريم وكان فالصالون حتى بشرى خت ريم الكبيرة عندها 20سنة مزوجة وعندها ولد وحاملة بالثاني جات غير توقف مع ختها و الصغيرة جيهان ريم كلساتها مها فوزية : هاهيا أ لالة عائشة بنتي ريم كي جاتك عائشة: ( مامات العريس ) زوينة تبارك الله الله إحفضها من العين راها حنا عرفنا أش قصدنا الناس كيدكرو بناتك غير بالخير الزين والحداكة فوزية :(فرحاتها هضرتها ) ربي إخليك ألالة عائشة ويخلي ليك حتى نتي بنتك و تفرحي بيها عائشة : أمين ألالة فوزية ( دارت عند ريم ) إيوا عروستنا كاع مسمعنا صوتها فوزية : (ضحكات ليها ) غير حشمانة هدا ما كان كتعرفي البنت فهاد المناسبات عائشة : هادشي هو المضمون ألالة فوزية راه صعيب تلقاي شي بنت الناس فهاد الزمان محترمة راسها ريم فهاد الأثناء كانت غير كتسمع ومعجبهاش الحال كيتعاملو بحال إلى هيا ماكيناش مكاين لي سولها على ريها سمعو صوت التيليفون كيصوني كان ديال صفاء بنت لالة عائشة صفاء : ألو خويا ... صافي واخا دابا نيت ( قطعات ) ماما هدا خويا بغانا نمشيو كيتسنانا الطوموبيل ديالو عائشة : يلاه أ لالة فوزية خلينا ليك الراحة غنعاود هاد الزيارة قبل ضريب الصداق نتافقو على التفاصيل حنا العيلات فوزية : مرحبا مرحبا فأي وقت نشاء الله سلمات عليها وسلمات على جيهان وبشرى وعلى العروسة المصونة ومشات معاهوم فوزية حتى الباب حتى ركبو عاد دخلات أما واحد ريم ربي لي عالم بيها معصبة مشات لبيتها حيدات داك الشال ولاحتو بان شعرها البني مجموع وحتى من الشربيل حيداتو دخلات عليها بشرى وكرشها سابقاها بشرى : مالكي شفتك معاجبكش الحال راك زعمة غادا تزوجي أصكعة (غمزتها)
