القصة ديال كتحكي على بزاف ديال المشاكل الإجتماعية لكتعيشهوم البنت المغربية في صمت سواء فالبادية أو المدينة قررت نكشف الستار على بعض منهوم كنتمنى تعجبكوم القصة 😍😍😍
كان الحال بدا إضلام والبنات كلشي تقريبا دخل والحفلة بدات كانت حفلة بمناسبة النجاح وتوديع فنفس الوقت كلشي عرف بلي غيمشيو لأمريكا خرجات عندهوم ثريا رحبات بيهوم ودارت الصواب من بعد دخلات خلاتهوم على خاطرهوم كانت ريم وليليا كلسات وكيشربو العصير حتى جاو عندهوم شي بنات كلسو كيهضرو البنت 1: شفت الخصام ديالك نتي وتالين طول هاد المرة ليليا : (حطات الكاس ) أه أحبيبتي وغادي إطول كثر وأي واحد مكيحترمنيش غيلقا نفس المصير (ضحكات ليها ضحكة صفرا )
حتى هديك البنت ضربات الطم دازت الحفلة بخير وعلى خير وصلات 22hوكلشي مشا لدارو من بعد ما توادعو مع ليليا وريم البنات طلعو ديريكت لبيوتهوم للفوق ريم (حطات إيديها على راسها ) راسي كيزدح بديك الموسيقى المجهدة خاصني نشرب شي دوا ليليا: غير سيري بعدا دوشي وإلى مشاش شربي دوا
ريم :ليليا أنا مبغيتش نكون سباب باش تخاصمي مع صاحبتك ليليا :(هازة ديماكيون وكتمسح وجها ) ريم أخر مرة نسمعك كتقولي بحال هاد الهضرة نتي دبا هيا صاحبتي الوحيدة هاديك كانت معايا غير باش تكون قريبة من شكيب خويا وملي ملقاتش داكشي لي بغات لقات السبة وحتى هديك ليكانت كتهضر قبيلة راه غير هيا لي مصيفتاها تجيب الخبار (دارت عندها ) أنا مبقاوش كيهموني حيدي ديك الهضرة من بالك ودبا نوضي عليا لبيتك رانا بغا ندوش نزلو نتعشاو ضحكات ليها ريم خرجات عندها ومشات لبيتها دوشات قدات حالتها لبسات بيجامة ديال الدار مشات الكوافوز الكبير ديال المكياج هزات واحد البواط حلاتها كانو فيها الحلاقات والدبليج ديال مها ( عقلتو عليهوم ) هزاتهوم وشماتهوم عينيها عمرو بالدموع علم الله دبا مها كيدايرة حالتها وصحتها وختها بشرى أكيد غتكون ولدات وخوتها الآخرين نوحشاتهوم وباها واش رطاب شوية ولا غير مقصاح هادشي كامل داز من عقلها حتى سمعات دقات مسحات وجها وخرجات
كانت غير ليليا هبطو تعشاو من بعد كل وحدة مشات لبلاصتها دازت سيمانة كاملة غير فالتوجاد للسفر جميع الحوايج
الصباح 🌞🌞🌞🌞 كانو كلهوم مجموعين على طبلة دالفطور حسن وخديجة كيدوزو الباليزات الطموبيل ديال ثريا وحتى سعدية جات ثريا ،: سعدية الله إخليك مرة مرة طلي على هدا (مهدي) راني مزال ممهنيا عليه مهدي : أوه زدتي فيه أ الوليدة واش أنا باقي ولد ديال 6سنين راني كبير ليليا : علاش أ دادا مغتمشيش معانا غنتوحشك سعدية : لا أبنتي منصيبشاي راه مرات ولدي قربات تولد ميمكنش نخليها دبا ثريا : بلاما تديها فهادي الله إفكها على خير
من بعد ما فطرو طلعو البنات إلبسو ريم لبسات كسوة بيضة محزمة من الوسط مع لبلغين كحلة و حجاب فالموف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
