ليليا (عطاتهوم ليها ) شدي لبسي هادو أنا غنمشي نشوف ليك عندي شي صباط وساك
داكشي لي كان خرجات ليليا جابت ليها صباط وساك صغير فالبيض لقاتها لبسات دوك الحوايج جاوها هوما هادوك حيث الفورما ديالها مقادة وأي حاجة كتجيها ملبوسة مزيان
ليليا :دبا مزيان أجي دبا ندير ليك شوية ديال المكياج
ريم : غانديرو لراسي إربي لما خليني عارفة داك المكياج ديالك كي داير راني ممعرساش غير غنخرج
ليليا : كلسي يا تا شحال فيك غتخرجي تاني هكاك بوجهك صفر إلى شافك خويا إكول غير فيك السالمية
ريم : الله إنجيني يلاه ديري ليا هاد المكياج لي فضحاني بيه ولكن إلى جا كثير راه والله تا تنمسحو
إيوا يا سيادي ليليا بدات ليها مكياج حولات تدير غير شوية حيث غتحيح عليها واخا ممقنعهاش سلات
ولبسات ريم صباط مع ساك خلاتها ليليا كتقاد فشالها ومشات حتى هيا تلبس لبسات كسوة فالخضر مفتوح عندها صميطات فوق الكتاف ونازلة حد الركبة مع صندلة الطالون فالكحل جمعات شعرها من القدام وخلاتو مطلوق للور دارت مكياجها ورشات ريحتها خرجات هيا وريم قد قد نزلو للتحت ليليا بقات كتصوني للشكيب شحال حتى شافتو نازل
شكيب : هاني نازل أالخطية لي بلاني بيها سيدي ربي لاش هاد الصونيت كامل
شكيب حتى هوا كان مزيز لابس سروال فالكري مع تيشورت كحل والمكانة مزينة إيديه شعرو مقاد ريحتو كتعطعط المهم كلشي فبلاصتو شاف فريم هيا اللولة طلعها وهبطها جات زوينة الزرق جا مع عينيها مشا سبقهوم وهوما سلمو على ثريا وخرجو سبقات ليليا وتأنسطالات فاللور وسدات الباب من الفوق
شافت فيها ريم دارت ليها بعينيها كلسي القدام آمنات بالله حلات الباب وكلسات حدا شكيب لي شاف فيها حيث قراب هيا جنبها تشلل عليها صافي وكتنفس بالجهد من الفوق أما هو دغيا نطالق
المهم تسراو مزيان وشافو بلايص زوينة وبلا ما ينساو محبوب البنات شوبينغ بطبيعة الحال تغداو فبرا عاد رجعو وقف شكيب طوموبيل نزلات ليليا يلاه بغات تنزل ريم
شكيب : ريم بلاتي
ريم : (دارت عندو ) كاين شي مشكل
شكيب :،(هز حواجب وبتاسم ) لا غير بغيت تعطيني نمرة ديالك بطبيعة الحال إلى معندكش تا شي مشكل
ريم : أه أه واخا (هزات داك التيليفون إيديها كيترعدو دخلات الواتساب باش تنقل منو نمرة حيث محفضاهاش ) زيد قيد عندك
المهم كالت ليه نمرة بمشقة الأنفاس ودغيا نزلات لقات ليليا فم الباب كتسناها
ليليا (دخلات إيديها فدراعها وتمو داخلين ) أش قال ليك
ريم : بغا غير نمرتي
ليليا : ممم تقدم ملحوظ (كضحك )
المهم دخلو للدار بدلو حوايجهوم ورتاحو
الليل 🌙🌙🌙🌙🌙🌙💝💝💝💝💝💝💝
من بعد ما تعشاو وكل واحد طلع لبلاصتو إنعس ريم خرجات من الحمام لابسة بيجامة دالنعاس وضفرات شعرها دخلات لفراشها تكات وخدمات التلفازة كتفرج حتى سمعات صوت التيليفون هزاتو إصحاب ليها غير ليليا ولكن لقات نمرة خرا كان هداك غير شكيب ولكن هيا مكانتش متوقعاها
شكيب:سلام
ريم : عليكم السلام شكون معايا
شكيب :(بغا إشد فيها شوية ) علاه شحال من واحد موالفة تعطيه نمرتك
ريم : (دغيا تعصبات ) ونتا شغلك يا غتقول شكون مرحبا مغتقولش نبلوكيك دبا أنا معنديش مع البسالة الخاوية
شكيب :(صدماتو حيث موالفها درويشة ) وشحال خايبة مع راسك هدا أ لالة غير أنا شكيب 😏
أنت تقرأ
ليلة زفافي غيرت حياتي 💞💞 (بالدارجة المغربية )
Randomالقصة ديال كتحكي على بزاف ديال المشاكل الإجتماعية لكتعيشهوم البنت المغربية في صمت سواء فالبادية أو المدينة قررت نكشف الستار على بعض منهوم كنتمنى تعجبكوم القصة 😍😍😍
