دخلات ريم وباها وشكيب ريم الفرحة ممفرقاش وجها مشاو للصالون غير دخلو وشافتهوم فوزية
فوزية : إيوا اللحمد لله ملي درتو عقلكوم
كلسو وكلشي فرحان دخل مهدي الصغير لقا الناس فالدار
ريم :مهدي خويا عقلتي عليا كبرتي تبارك الله
فوزية :(شافتو باقي مسمر قباب الصالون ) دخل سلم على ختك والناس
داكشي لي دارت سلم عليهوم وملي وصل لعند وقفات وعنقاتو مزيان وباست ليه راسو وهيا صافي خرج حيث حشمان
إيوا هكاك داز باقي ديال النهار ريم فرحتها مكتوصفش هاد النهار حيث جات لعند عائلتها وتصالحات مع باها وصل الليل تعشاو بداكشي لي قسم الله عاد كل واحد مشا لبلاصتو ثريا نعسات فبيت ديال الضياف وشكيب ومهدي غينعسو فالصالون لاخر لي فيه غير الزرابي وليليا غتنعس عند جيهان وريم
فوزية كتجبد شي إيزارات وكاشات : ريم هاكي هادو عطيهوم لراجلك وخوه
ريم : ماما هادشي راه كثير
فوزية : نتي دبا غير شدي راه الصباح كيكون البرود يلاه
مشات ريم لعند شكيب لقاتو هو ومهدي غير مدابزين
مهدي :(شاد فيه ) هادي أول مرة نعسو عند بعضياتنا
شكيب : إيوا بزاعط أخويا بزاعط
ريم :(دخلات ) احم هاكو هادو ليجيكوم البرد فالصباح
شكيب : شكرا ليك (شاف فمهدي ) خرج نتا بغيت نهضر مع مراتي شوية ونتا من الصباح ونتا لاصق فيا
مهدي :الله إبقي الستر هاني خارج
خرج مهدي من البيت قرب شكيب لريم وشد ليها من إيديها
شكيب : فرحانة دبا
ريم : بزاف كون نتعرف فرحتي قداش ملي شفت والديا وتصالحت معاهوم هاديك وحتا نتا راك وقفتي معايا بزاف الله إخليك ليا (قربات باستو فحنكو وبزربة خرجات كتجري )
شكيب كيبتاسم يلاه ستوعب أش دارت لقاها طارت من حداه
مشات ريم لبيتها القديم لقاتو كيما خلاتو حتى من حوايجها وكتوبها فبلاصتهم قدات بلاصتها هيا وليليا وجيهان ونعسو
الصباح 🌞🌞🌞🌞🌞🌞🌞🌞🌞🌞🌞🌞🌞
فاقت فوزية هيا اللولة مقاداها فرحة عجنات الخبز والمسمن خلاتهوم إخمرو مشات حلبات بكراتها عاد رجعات وطيبات الخبز فالفران ديال الطين ريحتو كتشهي وقدات طبلة ديال الفطور فيها كلشي طبيعي سمعات الدقان فالباب مشات حلات كانت بشرى وولادها حتى هيا متبدلاتش بزاف من غير وزنها لي زاد
بشرى : صباح الخير مي فين هيا ريم
فوزية ،: إشويني فيك عاد جاية ختك جات من البارح وعلمناك زعمة
بشرى: هداك الوقت لي صونا ليا فيه با مكانش ممكن نجي راه غربات الشمس وعارفة هديك العجوزة عندي بغا غير منين تشدني أجي بعدا با كال ليا جات هيا وراجلها وعائلتو إينا راجل هدا
فوزية : دخلي الكوزينة نقول ليك (دخلو وكلسو كيهضرو بشوية ) أه ختك فاش خرجات من هنا تلاقات شي ناس (عاودات ليها كلشي) إيو ودبا هوما مزوجين راجلها سميتو بشيك كشيب المهم شي حاجة أنا ديك السمية مبغاتش تحفض ليا دبا إفيقو وتشوفيهوم
بشرى : أويلي أمي غير إنوض ونعرف شنو سميتو
بقاو جالسين كيهضرو شوية حتا فاقت ثريا هيا اللولة سلمات عليهوم وحتا البنات فاقو وكلشي تجمع على طبلة الفطور
بشرى :، الله أختي الله وشحال توحشتك
ريم :، حتى أنا أبشرى ولادك كبرو تبارك الله
بشرى : أه والبنت سميتها مريم بحال سميتك فهديك المدة لي ولدتها فيها ونتي بعيدة والله إلى كنت بحال إلى محيدين ليا الراس محيلتي لدار والولاد ولا التقلاب عليك
ريم : عارفة أختي الله إسمح لي منكوم وصافي عدبتكوم معايا
فوزية : اللحمد لله ملي غير رجعتي هاديك هيا الدنيا
وراه حتا خوك رضوان غادي إيجي هو ومراتو فالعشية
أنت تقرأ
ليلة زفافي غيرت حياتي 💞💞 (بالدارجة المغربية )
Acakالقصة ديال كتحكي على بزاف ديال المشاكل الإجتماعية لكتعيشهوم البنت المغربية في صمت سواء فالبادية أو المدينة قررت نكشف الستار على بعض منهوم كنتمنى تعجبكوم القصة 😍😍😍
