القصة ديال كتحكي على بزاف ديال المشاكل الإجتماعية لكتعيشهوم البنت المغربية في صمت سواء فالبادية أو المدينة قررت نكشف الستار على بعض منهوم كنتمنى تعجبكوم القصة 😍😍😍
إيوا أسيادي وساداتي هكاك دازو لليام البنات تلاهاو مع البيرمي نجحو فيه من المحاولة الأولى شرا ليهوم شكيب طومبيل زوينة بيضة باش إمشيو بيها للجامعة لي تقدمو ليها طلب وتم القبول ديالهوم وتقيدو فيها واخا بعيدة مي ماشي مشكل ريم وشكيب كيهضرو فالتيليفون بالليل وطلقات معاه شوية ولكن ملي كيتلقاو بحال إلى مكيعرفوش بعضياتهوم
المهم العطلة دازت دارو فيها وتسركلو دبا جا وقت القراية دخلو البنات لديك الجامعة لي عجباتهوم حيت الأغلبية ديال التلاميذ كانو عرب من الدول العربية وهادشي لي عجب ريم فرصة ليهوم باش إتعرفو على الشعوب الخرا بدات القراية
غنسرعوا الأحداث شوية ⏪⏪⏪⏪⏪⏪⏪ دازت 3 سنين 😮😮😮💖💖💖💖💖💖💖💖
فهاد السنوات البنات تخرجو وأخيرا ريم حققات حلمها وحتى من العلاقة بينها وبين شكيب طورات بزاف ولا صديقها دبا عرفاتو مزيان وحتى هو نفس الشي كتاشفات فيه بزاف دالحويج الزوينة من شخصيتو بلي هو إنسان مثقف ومحترم وكيبغي عائلتو بزاف وهادئ مكيتعصبش إلى موصلات فيه للعضم وأهم شي هو محتارمها عمرو مقلل الحيا عليها ولو بشي حاجة صغيرة ديما راسم حدود معاها
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اليوم العيد الميلاد ديال ريم كملات 21سنة زادت زيانت وكبرات كثر فالجسد ديالها وحتى فعقلها ولات كتمييز بين الصح والغلاط وكيفاش دافع على راسها شخصيتها قوات مع السنين والمعاناة لي دازو عليها
فبيت ليليا ريم :(واقفة ) دبا لاش ناويين تديرو ليا عيد الميلاد فأوطيل ليليا :(كتقاد المكياج ديالها متبدلاتش بزاف من غير مفاتينها لي زادو بانو وقصوحية رأس حتى هيا ضوبلات عندها ) بغيت غير نعرف نتي علاش حرامة الرزق على راسك هاد العام بغينا نبدلو الديكور وزيد عليها الأوطيل ديالنا أش خاصرة نتيا سيري لبسي حوايجك وهنينا
