القصة ديال كتحكي على بزاف ديال المشاكل الإجتماعية لكتعيشهوم البنت المغربية في صمت سواء فالبادية أو المدينة قررت نكشف الستار على بعض منهوم كنتمنى تعجبكوم القصة 😍😍😍
دخلوها كلسات جات عندها واحد المرا كبيرة فالسن الحاجة : هاكي أبنتي هدي دخلي لبسيها زيدي معاها أبشرى عاونيها
كانت واحد الكسوة قصيرة حد الركبة وبلا كمام دخلات ريم حيدات داك القفطان والشال لبساتها حشمات تخرج بيها قدام العيلات حتى جراتها بشرى كلسوها عاوتاني جات مها فكات ليها شعرها كان مسبسب حيث فهاد المناسبات كتبان الشطارة ديال الأم فشعر بناتها وداتهوم وحداكتهوم كيبان واش مهلية فبناتها ولا لا وإلى كان غير شي حاجة ماشي هيا هديك كيبقاو إهضرو عليها مدة المهم
ما علينا قسمات ليها شعرها على جوج خدات بيضة وهرساتها على راسها هنا ريم سدات عينيها وزفورية ديال البيض واصلها دارت ليها مها ديك البيضة فشعرها كامل وجابت واحد الطبسيل كان فيه الحنا طلاتو ليه على شعرها كامل من جدر حتى الأطراف من بعد جات ديك المرا بدات كضفر ليها فشعرها حتى سلات جابت زيف بيض جمعات بيه راسها ريم كتحس براسها بارد وثقيل ..دازو ليها لداتها هزات ديك المرا زلافة خرا فيها حنا مخلطة بما ورد والحرقوم البلدي وشي أعشاب خرا المهم تبريمة بدات مها كطليها فرجليها إديها وعنقها المهم مخلاو حتى بلاصة تسناو حتى نشف داك الحنا لفداتها وحتى راسها شرب داك الطخليطة لدارو ليه دخلتها مها للداخل سخون ومعاها الصابون البلدي والغسول غسلات حالتها من داك الحنا كامل فركات ليها مها داتها مشطات ليها شعرها مزيان حتى ولات كتزاوك غير طلقها خرجات مها سخفانة طاحت كلسات فوزية : أفف مبقاش الجهد سخفاتني البرهوشة بقاو العيلات كيضحكو
شوية بانت ليهوم ريم خارجة لابسة واحد البينوار طويل وفوطة جمعات بيها شعرها كان وجها مزنك وطاح عليها السر كلشي كيشوف فيها كانت زوينة مشات كلسات حدا مها عطاوها التمر والحليب بقاو شويةباش تبرد شوية وميطرشها البرد وحتى هوما لي بغات تعوم راه ناضت من بعد دارو ليها عاوتاني داك الفوال وخرجوها من الحمام بالزغاريت والصلاة على رسول الله والغنا المهم وصلو للدار بوقيت الغدا بقاو العيلات فم الباب كيغنيو حداها حتى دخلات ريم بقات معاهوم فوزية إدخلو ولكن مبغاوش تال غدا نهار الحنا وكل وحدة مشات لدارها نرجعو عند ريم مشات لبيتها حلات ديك الفوطة وبدات كتنشف فشعرها جات عندها بشرى حتى هيا عامت حطات حوايجها والفوطة طلقات شعرها إنشف
