المصير المزعوم (سلاح ابليس)

بذور الشر ٢

ايها الصغير لماذا تبكي بهذا الشكل هل انت جائع ام انك ظمأ ام تشعر بالخوف وتريد والدتك يا تري هل تفهم ما أقوله أو أنني سأفهم كلماتك العجيبه  لما افكر في هذا فأنت بعد سنه او اثنين سوف تتحدث سافهم كلماتك ولكن ما اريد معرفته حقا ما الي يدور في عقلك الصغير ما الذي يفكر به الاطفال أتمني أن أعرف بصدق
الشخص: جاهز عشان نهايتك
سيف: اتحرك و هنشوف
رفع سيف يده وتحرك الشخص لم يحرك سيف ساكنا ولكن الشخص بدء بنزف الدماء من فمه و بطنه وقدمه
سيف: انا مش اختبار يا حبيبي عشان يبعتوك ليا انا اقوي معلمين الي دربوك بيخافوا بس من اسمي رموك في النار للاسف
الشخص: اصباتك دقيقه اوي ليه مقتلتنيش
سيف: لاني مش سفاح حرام شاب في سنك يموت هدر بس دا مش معناه اني هسيبك تعالي
وحمل سيف الفتي علي ضهره وأخذه الي غرفه مسمطه لا يوجد بها أي فتحه أو منفذ
سيف: استناني هنا
وذهب لإحضار بعض المعقمات وقطن وشاش وعاد الي الفتي ليجده نائم علي سرير
الفتي: انت ليه بتعمل كدا انا مش هكلم حتي لو عذبتني
سيف: سبحان الله دائما تشوفوا الي بيبصلكوا بعيون الرحمة والحب أنه جزار عايز ينهش فيكم متخفش انا هعقملك الجرح لحد ما دكتور يجي بكره اسالني لو عايز وانا هجاوبك
وبدء بقطع الشاش والقطن و غمسهم في المطهرات وبدء بتعقيم الجروح وأخذ الفتي يصرخ من الالم
الفتي بصوت متعب: انت ازاي بالقوه ديه انا حتي مشوفتش انت عملت ايه
سيف: بسيطه انا شوفت كتير اوي في حياتي خلاني كدا تدريبات ليل ونهار مع مشاكل وضغوط تخلي ذهنك حاضر انت غلط لما هجمتني
الفتي: ديه مهمتي وانا لازم تنفذها
سيف بأبتسامه: مندفع زاي ما كنت في سنك انت عمرك تقريبا ٢٠ سنه لسه قدامك كتير بس انت مفهمتش قصدي انت كنت ماسك سلاحك غلط أساسا لما تلاقي قدامك عدو واقف مكانه ثابت اعرف انه مش هيدافع بشكل مباشر لا هيدافع بالهجوم من الجمب عشان يتفتدي سلاحك انت ركزت في أيدي الي اترفعت واهملت حتي حمايه جسمك من قدام مش من الجمب
الفتي: انت مش ضرببتني بالأيد الي رفعتها ديه
سيف: بص كدا
وأشهر سيف يده الأخري واصبع واحد ملطخ بدماء
سيف: شوفت بقي للاسف تدريبك ضعيف وركيك غالبا انت عرفت حاجه مينفعش تعرفها أو عملت غلطه وكانوا عايزين يخلصوا عليك فبعتوك ليا عشان اكون جلادك
الفتي: انت ازاي هادي كدا انا حاولت اقتلك
سيف وهو يمسك بأبره ليخيط جروح الفتي
سيف: هههههههه ومبقاش هادي ليه انت عايزني اخاف من حاجه عايش فيها عمري كله
الفتي : اااااه قصدك الدم
سيف: لا. الغدر
            *********************
ذهبت الي المنزل لاصحب قمر وكريم الي النادي كما وعدتهم ولكني قابلت عمي منتصر ونحن أمام باب القصر
منتصر: انتو رايحين فين ياض انت وهي
انا: هوديهم النادي في حاجه
منتصر: مفيش خروج من البيت انهارده لاي حد عشان بنجهز لبيت عشان نعمل حفله بمناسبه رجوع محمد بسلامه
انا بأبتسامه: واحنا مالنا طظ في حاجه تانيه
منتصر: احترم نفسك يا حيوان انت بدل اربيك
كانت قمر وكريم يختبئوا خلفي بسبب خوفهم من منتصر
انا: قمر كريم روحوا استنوني في العربيه برا لحد ما اتكلم مع عمو شويه يلا
فذهبت قمر وكريم الي الخارج سريعا وهم منتصر ليمسك بهم
انا: تؤتؤنؤ عيب ركز معايا انا أحسن عشان واضح كدا أنك مفهمتش من البوكس الي فات
منتصر: وانا هدفعك ثمنه غالي اوي يا حتي عيل اوعي تكون فاكر نفسك كبرت ياض وهتمشي تدوس علينا فوق انت حتي كلب ولا تسوي
انا: تعرف ايه مشكلتك يا عمي انك عيل اوي في تفكيرك الموضوع بنسبالك عامل زاي صحبك الرخم الي اخدت لعبتك بس انا مش صحبك بس رخم هههههههه بلاش شغل عيال انت اكبر من كدا المفروض يعني ها باي
وتركته ورحلت وركبت سيارتي واتجهت الي النادي
وذهبت الي الكافتيريا بجانب ملعب كونج فو وركضت قمر بتجاه صديقتها واحتضنتها وكريم ركض الاتجاه أصدقائه وانا اتجهت الي طاوله خاويه وجلست عليها حتي اتي النادل وطلبت كوب من عصير الليمون وظللت انظر الي قمر وصديقتها وكريم وأصدقائه واتابعهم كي لا يغفلوا عن نظري
الحوار بين قمر وهنا
هنا: بس بقي يا قمر بطلي رخامه فيها ايه يعني لو جيتي الحفله وتباتي عندي
قمر: قولتلك قبل كدا ماما وبابا رفضين نهائي اني الابات برا البيت مهما كان السبب وكمان بابا في المستشفي وانتي عيزاني اروح حفله
هنا: وفيها ايه يعني لما تروحي الحفله ها وكمان منصور هيبقي هناك
قمر: ما يبقي هناك يعني اعمله ايه
هنا: انتي عارفه أن منصور عايز يرتبط بيكي
قمر: اه ويبقي  يجبلي في الفلانتين مصاصه وباكو بسكوت انتي هبله يا هنا احنا لسه صغيرين جدا علي كلام دا وكمان عيب نكلم فيه
هنا: عيب ايه يا بنتي هو في احلي من أن يكون عندك بوي فريند يقولك كلام حلو ويحسسك قد ايه انتي مهمه زاي ما بتشوفي بباكي ومامتك بيعملوا مش بيكون نفسك في واحد زاي دا في حياتك
قمر: اخر مره هقولهالك يا هنا لو سمعتك بتتكلمي في الموضوع دا تاني لا انتي صحبتي ولا اعرفك
هنا: خلاص خلاص في ايه