القطه تاكل أطفالها لبس لأنها جائعه ولكن لأنها تخاف عليهم ، أعتقد أنه علينا التوقف قليلا عند تلك العباره اثني تأكل أطفالها لأنها خائفه عليهم اي أنها تسرع في إنهاء حياتهم قبل أن يغذبوا من أحد آخر ،هناك امثله كثيره لتلك العباره ونراها كل يوم في حياتنا اليوميه ولكن هذه المره سوف احدثكم عن قطه رحيمه بصغارها ،حنونه لدرجه لا يمكن تصورها لدرجه انها قد قررت أن تستخدم أطفالها كوسيله لتصل إلي مبتغاها لا استطيع أن أصفها باي كائن علي وجه الارض لأن أي ام حتي الحيه والثعالب والحرباء يخافون علي أطفالهم أما هذا الكائن الاسطوري قد كسر كل موازين الطبيعه
**********************
علياء: اكيد يعني بابا ممتش والا مكناش احنا هنا دلوقتي
الجده: اه دا حقيقه لكن سوال هنا ازاي سكينه كانت علي رقبه ابوكي واتشالت وفضل عايش تفتكروا حصل ايه
مهران: سوال هنا مش حصل ايه بس مين أساسا الي يتجرء ويخطف سيف الملكي
الجده: ناس كتير تبقي عايزه تخطفه ناس أعداء لجدك عبدرحمن وناس أعداء لجدك مهران ويمكن ناس أعداء لابوك في الوقت دا
علياء: نعم أعداء لبابا وهو عنده ١٧ سنه اختلفوا علي ايه أن شاء الله ماتش كوره مين يعادي شاب عنده١٧ سنه لدرجه انه يحط سكينه علي رقبته
الجده: الموضوع دا بقي يحكيه ابوكي لما برجع من الشغل أما انا معرفش والموضوع دا بذات عمره ما حكاه لاي حد ولا في مخلوق عرف هو حصله ايه او خرج ازاي
كانوا جميعهم يجلسون في الحديقه متلهفون لسماع باقي الحكايه ليقطع لهفتهم دخول نور كم كبرت في سن تلك الفتاه التي لا يعلم أحد أن كانت طيبه أو شريره قلبها يسطع من بياضه أو يدحر الأشخاص من كثره سواده أو حتي لونه رمادي به الاثنين لا احد يعلم وخلفها قمر تلك المشاكسه أصبحت ام وجده من يصدق ذالك اقسم أنه لو علم أحد احفادها بتاريخها القديم لتدمر هيبتها أمامهم
نور: بقي يا جزمه كل دا متساليش عليا ولله عيب
الجده: معلش يا حبيبتي بس قمر الصغيره بصراحة مش ناويه تسيبني اتهني علي ساعه في حياتي
قمر: لو سمحتي انا لن اسمح ديه مستميه علي اسمي
نور: اه عمتو القرشانه فاكره هههههههه
قمر : اه يا اختي فاكره هي ديه ايام تتنسي
ونظرت الي علياء ومهران الذي قد اعتلت وجوههم الغضب والديق
قمر: هما عيالك مالهم في ايه انتو متخانقين
الجده: لا بس كنت بحكلهم عن الماضي بتاع ابوهم تقريبا مدايقين من نور
نور: مني انا ليه ،(وصمتت قليلا) اااااااه فهمت انتي حكيتي ليهم لما كنت بشوه صوره سيف وقمر قدام العيله واني كنت عايزه أاذيهم
مهران: اه وبصراحه مش عارف انتي ازاي كدا وازاي أساسا بابا سامحك علي الي انتي عمالتيه دا
علياء: بابا اذاكي في ايه عشان تعملي في كدا ويا تري كنتي بترتبي لايه كمان مع نجلاء
نور: هما كمان واصلوا لنجلاء انتي وصلتي لحد فين
الجده: لحد ما سيف اتخطف وانتي عارفه الباقي معرفش عنه حاجه ولا حتي اعرف الي بينك انتي وهو
قمر: ههههههههه احنا من زمان عودناكوا علي الصراحه وانتو قولتوا الي جواكم بس غلطوا
مهران: غلطنا في ايه
نور: انكم سمعتو ا من طرف واحد سمعتوا من منظور واحد بس محدش سمعني ولا عرف انا عملت كدا ليه كنت بعمل كدا وانا راضيه ولا مجبره وايه الي حصل بعد كدا يعني انتو سمعتو ا من طرف واحد وكمان الحكايه ناقصه
علياء: ايه هتطلعي في الاخر الملاك الي بجناحات
قمر: يظهر كدا أن وحشك حبسه البدروم يا علياء احترمي نفسك بدل ما تتجرجري عليه
علياء : لا وعلي ايه انا هقوم اروح اصحابي احسن يلا يا مهران
قمر: اترزعوا انتو الاتنين انا مقولتش حد يمشي هتسمعوا كلام عمتكوا نور وربنا لو حد فيكم فتح بقه بحرف هيشوف قلبتي انتو لسه واقفين قولت اترزعوا
جلس كلاهما وهما ينظران لها برعب
الجده: ولله سعات انا الي يخاف منك
قمر: بس انتي كمان وانتي لخصي وتعشيش دور الضحيه انجزي
نور: كلام دا عليهم مش عليا بلاش انا بصوا يا ولاد
***********************
بدء كل شئ عندما كان عمري ١٤ عاما كنت فتاه صغيره العب واضحك مثل جميع الفتيات في عمري ولكني ورثت عن امي الجمال الشعر الاسود والعيون البنيه الواسعه والبشره البيضاء وفي عمر صغير ظهر علي جسدي معالم الانوثه ولهذا لم استطع أن أخرج من البيت كما اريد مثلما كنت أفعل في سابق ولكن كان الجزء الأصعب في كل هذا أنني لم اجد امي في هذا الوقت حينما كنت احتاجها بشده لا اعلم لما فعلت بي هذا وتركتني كأي حقيبه في خزانتها لم يقف بجانبي حينها غير عمتي نورا كانت هي من تساعدني رغم أن سيف كان لا يطاق وكثير المشاكل رغم صغر سنه كان سيف في هذا الوقت يبلغ ١٥ عاما ، وبمجرد أن انتبهت امي لوجودي انقلبت حياتي رأسنا علي عقب
كنت اجلس في يوم مع عمتي نورا في باحه القصر وهي تصفف لي شعري وقمر وكريم يلعبون حولنا واتت امي لنا
نجلاء: نور تعالي عيزاكي
انا: حاضر يا ماما عمتو بس تخلص تسريح شعري وهاجي لحضرتك علي طول
نجلاء بغضب : انا قولت تيجي دلوقتي تسمعي كلام
نورا ببرود: سيبي البنت يا نجلاء واهدي شويه بدل ما يطقلك عرق
نجلاء: ولله ملكيش دعوه بنتي وانا حره فيها يلا يا زفته قدامي
واخذتني امي الي غرفتها وأغلقت الباب خلفها
نجلاء: انا عايزه افهم بقي انتي لازقه لنورا ليه ها في ايه
انا: عشان عمتو نورا بتحبني وبتهتم بيا و اخدت بالها اني كبرت وبتعرفني الصح من الغلط يعني بختصار عملت الي انتي مفروض تعمليه يا ماما
نجلاء : لا يا روح امك دي بس عايزه تكسب بونت علي قفايا مش اكتر وتقول شوفوا هي مهمله ازاي وانا بحب كل الاولاد وحنينه معاهم
انا: حتي لو هي وحشه كدا انتي الي ادتيها الفرصه لانك فعلا مهمله
فصفعتني نجلاء علي وجهي وهي تنظر لي بكل شر
نجلاء: يظهر اني معرفتش اربكي بس وربنا الي تنهزله سبع سموات لربيكي من اول وجديد
وذهبت وجلبت أحد احزمه والدي وظلت تضربني به وانا ابكي بشده من الالم ليس فقط الم جسدي ولكن كنت ابكي من ألم قلبي امي تعاقبني علي إهمالها اتجاهي بدل أن تعاقب نفسها وعندما أنتهت من ضربي أعادت الحزام مكانه
نجلاء: غوري علي اوضتك ولو فتحتي الباب لاي حد أن شاء الله ابوكي هدفنك مكانك فاهمه
انا: ففف فاهمه
وركضت بسرعه علي غرفتي لا اعلم كيف حملتني قدامي ولكن كان يجب أن اهرب من تلك المخلوقه التي تدعي أنها امي وبمجرد دخولي الي غرفتي خلعت جميع ملابسي واري اثار الضرب علي جسدي وبعض العلامات الزرقاء وهناك ما نال من وجهي أيضا سقط علي قدمي وانت ابكي بحرقه علي ما حدث لي لما رزقني الله بام كتلك لما لم أكن ابنه لنورا وليس لنجلاء ما الخطأ الذي ارتكبته لتفعل بي كل هذا ظللت ابكي حتي سمعت صوت طرق علي الباب فانتفض جسدي عند سماع الصوت فقط وتذكرت كلمات تلك الشيطانه
انا: مين
نورا: افتحي يا نور يا حبيبتي انا عمتك نورا
فذهبت سريعا وأغلقت الباب بالمفتاح من الداخل
انا: معلش يا طنط عشان انا بغير هدومي أن لي انتي وانا حابه وراكي
نورا: مالك يا حبيبتي صوتك عامل كدا ليه
انا: مفيش حاجه يا طنط استنيني تحت بس بالله عليكي
وهبطت عمتي نورا الي الطابق السفلي وانا دخلت الي الحمام لاسكب علي جسدي الماء البارد ليته يخفف البعض من الام جسدي وبعدها خرجت وارتديت ملابسي ونمت علي سريري لم استيقظ الا علي صوت طرقات قويه علي باب غرفتي فاستيقظت مفزوعه من الصوت
انا: مين الي بيخبط
جدتي: انا فريال يا نور افتحي
نور: معلش يا تيتا اصلي لسه خارجه من الحمام هنشف جسمي وهنزلك
جدتي بصوت حازم: افتحي الباب يا نور بدل ما اكسره علي دماغك
بكيت في تلك اللحظه ماذا افعل أن فتحت الباب لا اعلم رده فعل امي وان لم افتحه فأنا اعرف غصب جدتي قررت أن افتح الباب بعد عناء في تفكير
بمجرد أن فتحت الباب فزعت جدتي من مظهر شعري المجعد والمنثور علي وجهي بغير انتظام والعلامات الزرقاء التي تظهر علي زراعي و وجهي وعيوني التي لا تتوقف عن ذرف الدموع
جدتي:مين الي عمل فيكي كدا
انا: محدش يا تيتا انا اتكعبلت امبارح بس
جدتي : طب تعالي اقعدي
واخذتني وجلسنا علي سريري
جدتي: انا مش عيزاكي تخافي من حاجه قوليلي مين الي عمل فيكي كدا ومهما كان مين هجبلك حقك منه أن شاء الله لو جدك نفسه بس متكدبيش عليا مين الي شرح جسمك بالحزام كدا
انا: ماما هي الي عملت كدا وقالالي مفتحش الباب لاي حد حتى لو بابا والا هتدفني مكاني
جدتي: وعملت كدا ليه
انا: ولله ما اعرف عمتو نورا كانت بتسرحلي شعري وفجاه ماما جات واخدتني علي فوق ونزلت فيا ضرب وبتقولي عشان انا بقعد مع عمتو نورا كتير فقولتلها عشان انتي مش مهامه بيا أساسا ولا تعرفي عني حاجه
جدتي :طب تعالي معايا عشان الفطار يلا
واخذتني جدتي وهبطت بي ليفزع الجميع من مظهري الا امي التي فزعت من نظره جدتي لها ،كاد جدي أن يسأل ولكنها أخبرته أنها سوف تقول أمام الجميع واجلستني بجانبها
جدتي : من يوم ما البيت دا لتبني يا حج وبنيته انا وانت مع بعض طوبه طوبه مين كانت سته
جدي بعدم فهم : انتي طبعا يا حجه حصل ايه بظبط ونور مين الي عمل فيها كدا
جدتي : واحده شايفه نفسها وفاكره انها كبرت واتنمردت وهتبقي ست البيت من يوم ما خلفت عيالي علمتهم أن محدش يمد أيده علي اي حد مهما كان كبير او صغير البيت دا عمر ما في عيل اضرب فيه تقومي انتي يا نجلاء بعد العمر دا كله فاكره أنك هتمدي ايدك علي أهل البيت دا وتعدي كدا
منتصر: انتي الي ضربتي البنت كدا انطقي
نجلاء: اه ضربتها بنتي وانا حره فيها ولما تطول لسانها اعمل فيها اكتر من .......
ليقطع كلامها صفعه من يد جدتي أمام الجميع
جدتي: مع احترامي ليك يا حج مهران بس البيت دا بيتي والقانون الي فيه انا الي حطاه بنتك ديه علي الورق أما كل العيال ديه ولادي انا وانا الي يمس ولادي بسوء ميطلعش عليه نهار فاهمه
نجلاء نظرت إلي جدتي بعين كلها كره وغضب ونظرت الي عمي الذي رأته يشيخ بنظره عنها ونظرت الي جدي لتجده يأكل وكان لا شئ يحدث حوله فنظرت انا ايضا حولي لأجد الجميع صامتا وينظر الي امي الا سيف كان يأكل مثل جدي ولا يعطي بالا لاي شئ حتي قطع ذالك الصمت صوت نجلاء
نجلاء: انا مش جايه البيت دا عشان اضرب واتهان انا هنا س .........
ليقطعها صفعه أخري من جدتي
جدتي: انا لما اقول كلمه مسمعتش صوت بعدي مفهوم
جدي: انتي مش جايه تضربي اه لكن مخلفتيش عيالك عشان تضربيهم وكمان بتقولي أن بنتك طولت لسانها عليكي عملت ايه يعني أنا نورا امبارح قالت إن اخر مره شافت فيها نور كانت بتسرح لها شعرها وبعدين جيتي اتعصبتي واخدتيها وبعد شويه سمعت صوت عياط جامد يا تري بقي انتي عملتي ايه خلي بنتك تطول لسانها عليكي
صمتت نجلاء ولم تستطع التحدث
جدتي: بنتك كل الي قالته ليكي انك مش مهتمه بيها انها مش فارقه معاكي فين الغلط في كلام بنتك مش ديه الحقيقه الي كل شايفها بعنيه
جدي: اقعدي افطري يا حجه لما نخلص اكل نبقي نشوف الموضوع دا
جلست جدتي مكانها ومسحت علي شعري بحنان ولكني لم أكن سعيده أيضا لأنها في نهايه امي مهما فعلت وصعدت نجلاء الي اعلي وهي غاضبه ليتبعها ابي وهنا رايت سيف يخرج من كرسيه ليتجه الي المطبخ
جدي: رايح فين يا سيف
سيف: لحظه واحده
وذهب سيف ويعود وفي يده شئ كان قالب شوكولاته من النوع المفضل لدي و اتي اتجاهي و وضعه امامي
سيف: متعيطيش محدش شايل اسم الملكي يعيط وكمان ابقي سرحي شعرك شكلك زاي ساحرات اوي
كان يبتسم في وجهي بحب وهدوء لقد كنت احبه من الأساس ولكن بعد ذالك الموقف تعلقت به اكثر ونظرت الي الجميع الذين كانوا يبتسمون مما فعله لتحمر وجنتي خجلا من نظراتهم ليذهب ويضع قالب اخر أمام قمر
سيف : عشان متعيطيش وتصدعيني
قمر: احلي اخ في دنيا
وقبلها من وجنتيه ضحك الجميع الي تصرف سيف وظل الجميع يتحدث معي ويحاول اضحاكي حتي استطاعوا أن يخرجوني من الحزن الذي بداخلي
جدي: ايه رايكم يا ولاد ناخد اجازه ونسافر
عبدرحمن: فكره كويسه يا بابا اهو نريح دماغنا شويه في مكان في دماغك
جدتي :بصراحه انا نفسي اسافر البلد واقعد وسط الخضره
سيف: ايه يا فيفي ما الجنينه مليانه خضره لازم يعني خضره البلد
جدي : طب ولله ما أنا مكسر كلمتك يا حجه هنسافر البلد
انا ومحمد في صوت واحد : الاجازه باظت
وضحكنا جميعا علي تصرفاتنا الطفوليه
واتفق جدي علي كل شئ مع عمي عبد الرحمن ولكن هذا اليوم طلب جدي طلب غريب من سيف
جدي: سيف خد نور علي فيلا الزمالك
سيف: فيلا الزمالك انت متاكد يا جدي
جدي: متاكد من ايه ياض انت
سيف: سيف بتوتر : متاكد انها جاهزه تروح هناك انت عارف يا جدي المكان هناك مفيهوش هزار
جدي: متقلقش خدها وروح وهي هتبقي تمام وانتي يا نور اطلعي البسي واجهزي
فلم افهم اي شئ مما يقال ولكن عمتي نورا اخذتني من يدي الي غرفتي وأخرجت الي طقمين واحد لارتديه الان والآخر سوف ارتديه هناك وصففت لي شعري
انا: هي ايه فيلا زمالك ديه
نورا: معرفش انا اعرف انه مكان يخص العيله لكن معرفش بيحصل ايه جزاه
انا: ليه هو سر
نورا: اه سر عليا وعلي امك وعلي اي حد مش شايل اسم الملكي
انا: بس تيته من عيله الملكي ليه ماما متعرفش
نورا: عشان جدك مش من عيله الملكي وامك مش شايله الاسم لازم تشيلي الاتنين الاسم والدم
انا: انا مش فاهمه حاجه خالص
نورا: بكره هتفهمي متقلقيش يلا عشان خلصنا وسيف بيتعصب لما حد بيتاخر
انا: اول مره اعرف انك بتعملي حساب ليه اوي كدا
نورا: لما تكبري ويبقي عندك اولاد هتفهمي يعني ايه تشوفي ابنك راجل وتحترميه يلا بلاش كلام كتير
واخذتني الي أسفل وعندما رأني سيف أطلق صافره اعجاب
سيف : مين القمر ديه يا ماما هي هتروح فيلا زمالك كدا
انا: اه في مشكله
سيف: في مصائب احنا رايحين فيلا زمالك مش كازينو في شارع الهرم
جدتي: اتلم ياض وبلاش غلبه يلا عشان سواق مستنيكوا برا
سيف: اموت واعرف مدام مش هتخلوني اسوق علمتوني السواقه ليه
جدي بحزم: عشان لما تكبر يا خفيف يلا اتحرك ومش عايز اسمع كلمه كمان
فأمسك سيف بيدي واخذني الي السياره وصعدنا إليها وانطلقنا وانا مترقبه ذالك المكان الملئ بالاسرار
انا: هو ايه فيلا الزمالك ديه يا سيف
سيف: دا مركز تدريب مخصوص للعيله كل واحد شايل اسم الملكي لازم يروحوا يدرب هناك
انا: يدرب علي ايه يعني
سيف: كل حاجه فنون قتال رسم نحت الغناء الجمباز في كمال اجسام كمان هناك والرمايه السباحه والصيد يعني بختصار دا مركز تدريب علي اعلي مستوي
انا: وليه في مكان زاي دا للعيله
سيف: اه بصي يا نور مدام جدي قال انك تروحي هناك يبقي في حاجه لازم تعرفيها المكان هناك سري جدا محدش يعرف الي بيحصل جواه ولا اي شخص ممكن يدخل بسهوله يعني لما ترجعي انسي انك تحكي اي حاجه عن المكان دا لاي حد حتي لو كنت أنا مع اني معاكي اوعي ثم اوعي يا نور لان عقاب انك تتكلمي عن المكان دا والي جواه كبير
انا: مجوبتنيش ليه في مكان زاي دا وكمان ليه بتتكلم قدام عم محسن عادي كدا
سيف: لان عم محسن من عيله الملكي أساسا أما ليه في مكان زاي دا فدا تاني درس لازم تتعلميه كل شئ ليه وقته وانتي لسه ملكيش انك تعرفي ليه في مكان زاي دا
صدمت من كلمات سيف ما هذا المكان بضبط وعم محسن السائق والحارس الشخصي لجدي أحد افراد العائله إذا لما يعمل لدينا وسيف ما هذه الشخصيه التي تحول إليها أشعر أن بجانبي قائد مقدام وليس مجرد طفل في ال١٥ من عمره ظللت صامته ولكن عقلي هو من يتحدث حتي وصلنا الي حي الزمالك و وقف عم محسن أمام أحدي الفلل هناك فهبطنا و لكن عند دخولنا من البوابه وجدت باب حديديا اسود اللون لا يظهر أي شئ خلفه وعليه أحدي الاجهزه ويوجد بجانبه اربع حراس أقوياء البنيه غير الشخص الذي يقف في مكتب بالقرب من الباب
سيف: ايه يا رامي خبارك ايه
رامي بجديه: مين ديه
سيف: نور الملكي يا رامي ١٤ سنه
رامي: طب شهاده الميلاد بعد اذنك يا سيف
سيف بجديه: نور منصور مهران يونس الملكي ومش عايز اعيد الاسم تاني يا رامي
رامي: طيب اتفضل يا سيف لكن المره الجايه لازم تبقي معاها شهاده الميلاد بتاعتها افتح الجهاز البصمات يا لؤي
ادخل لؤي بعض الارقام ليخرج من الجهاز ضوء أزرق
انا: حطي عينك علي الفتحه ديه وبعدها صباعك علي الفتحه الي تحت
ففعلت كما طلب مني حتي تغير اللون الي الاخضر وعاد لؤي ليدخل ارقام أخري وطلب مني اعاده الكره ففعلت وفتح الباب من تلقاء نفسه فدخلت واغلق الباب خلفي لاصعق من المنظر الذي امامي انها ليست فيلا أنه بالفعل كما وصفه سيف مركز تدريب كبير رأيت العديد من الشباب والفتيات من اعمار مختلفه يتدربون علي فنون القتال علي يد معلمين ومنهم من يمارس اليوجا واخرون يمارسون العدو واخر الرمايه لم اخرج من شرودي الا وسيف يضع يده علي كتفي
سيف: اصحي المكان هنا عايزك فائقه عشان في حاجات بطير هنا تعالي
واخذتني وذهبنا الي داخل الفيلا وظللنا نسير في العديد من الممرات حتي دلفنا الي أحدي الغرف لاعرف بعد ذلك أنها مكتب المدير السيد رائف الملكي ولكنه ليس اسم علي مسمي
رسائل: اتحفني جاي بانهي مصيبه المره ديه
سيف: هو انا داخل القسم مالك يا مدير اهدي شويه واستلم الزبون الجديد
فنظر رائف خلف سيف ليراني اقف بجانب الباب خائفه
رائف : مين ديه
نظر لي سيف نظره يحثني فيها علي أن أجيب بنفسي
انا: نور منتصر مهران يونس الملكي
رائف: غريبه بقي الصغيره دخلت قبل الكبير جدك دا عليه تصرفات عجيبه يا سيف
سيف بعدم اكتراث: خلي حد يعرفها علي المكان عشان عندي تدريبات كتير انهارده
انا: سيف هو مين الي هيدفع مصاريف
سيف بعدم فهم: مصاريف ايه
انا: المركز دا
سيف: استلم يا عم هي نقصه شغل عيال سلام
رائف: عيل مهزق بصحيح انتي مستحمله الواد دا ازاي يا بنتي تعالي معايا
فأخذني خارج المكتب واغلقه قبل أن ننصرف ونتجول في الاروقه والغرف لأجد أن ذالك المكان شاسع للغايه وهناك الكثير من الرياضات أنه مثل النادي ولكنه منغلق علي أفراد العائله فقط ولكن هناك بعض الغرف لا يسمح لأحد بأن يدخلها و تعجبت عندما علمت أن سيف هو الوحيد المسموح له دخولها حتي مدير المركز لا يسمح له بدخول شعرت في هذا الوقت كم أن سيف مميز في العائله بحق فأنه يحصل علي العديد من الامتيازات في كل مكان ومن كل الأشخاص لا يحصل عليها أحد غيره المعامله الحسنه من أجدادي و والديه ومن العديد من الأقارب والأصدقاء يتقربون منه وهو يبتعد عنهم ، حتي هنا يمتلك امتيازات الأكبر منه سنا ومقاما لا يمتلكها بدأت بتدريب في البدايه علي الركض وبعدها اتجهت الي اليوجا وأخذ بعض المعلمين يعلمونا طرق مختلفه لتنفس لم افهم هذه الدروس العجيبه وما فائدتها فإن التنفس معروف لا يحتاج الي الدراسه او هذا ما كنت أظنه
أمضيت اليوم كله في تدريبات مختلفه ولا اري سيف في اي مكان حتي اتي موعد الخروج و رأيت سيف ورحلنا الي المنزل وبمجرد أن دخلت الي المنزل طلب جدي حضوري الي مكتبه وكانت تلك المره الأولي التي ادخل بها مكتب جدي
جدي: عملتي ايه انهارده في الفيلا يا نور
انا: ولا حاجه المكان هناك ممل
جدي بتعجب: ممل يعني مفيش اي رياضه عجبتك
انا: رياضه هو في ناس كتير بتلعب شطرنج بس مش بعترف بيها كرياضه بعد اذنك يا جدو
تركت جدي وهو يبتسم علي ما قلته وقد تأكد اني استوعبت اول دروسي جيدا وعلمت من جدتي أننا ستسافر غدا وبالفعل ذهبت الي نوم لاني كنت مرهقه للغايه لم استيقظ الا علي امي و هي تنهرني لاستيقظ واجمع حاجاتي وتنطلق وبالفعل انطلقت لاجمع كل اشيائي التي احتاجها هناك وهبطت الي أسفل لأري الجميع مستعد وانطلقنا الي الشرقيه مسقط رئسنا كنت جالسه مع أبي وامي ومحمد في سيارتنا وجدي مع جدتي والسائق عمي عبد الرحمن مع اسرته في سيارته ظللنا طوال الطريق صامتين حتي وصلنا الي منزلنا هناك واستقبلنا عمي اشرف وزوجته امنيه وكان الجو جميل جدا هواء الريف الصافي والهدوء ولكن لم يدم الهدوء كثيرا عند وصول بنات عمتي عزه نرمين ومريم وهاله ودخلنا منزلنا وكان الجميع يضحك ولكن عندما بحثت عن امي لم اجدها وايضا لم اجد سيف لقد تبدد الاثنين كما الرياح فذهبت الي ابي
انا: بابا هي ماما راحت فين
ابي: راحت عند ستك عشان تشوفها
فتركته واخذت نرمين الي غرفتي
نرمين: وحشتيني اوي يا جزمه انتي بقي كدا متساليش عليا طول الفتره الي فاتت ديه
انا: معلش يا حبيبي بس انتي عارفه القاهره وزحمتها بتنسيكي نفسك
نرمين: وايه الي في وشك دا مين الي سلخك كدا
انا: بالله عليكي مش عايزه اكلم ولا افتكر الموضوع دا لانه بيأذيتي نفسيا
نرمين: في يا بنتي هو حصل ايه بظبط
انا: امي ضربتني بالحزام عشان دائما قاعده مع عمتي نورا عايزه تحاسبني علي إهمالها
نرمين: ولله انا انا ما عارفه امك ديه بتفكر ازاي أو عايزه ايه حتي زمان لما كانت بتفكر في خالي عبدرحمن قبل ما يتجوز
انا بصدمه: ايه ماما كانت بحب عمي
نرمين شعرت أنها قالت كلمات لم يجب أن تنطق من الأساس فحاولت تدارك الموقف
نرمين: يا ستي دا كان كلام وفات
انا: ايه الي موضوع دا يا نرمين تكلمي
نرمين: يا بنتي انسي بقي
انا: نرمين لو سمحتي قوليلي ايه موضوع ان ماما كانت بتحب عمي
نرمين: اولا انا مقولتش بتحبه وقفلي علي الموضوع دا عشان ممكن تطير فيه رقاب
انا: يعني عيزاني اسمعك بتقولي أن امي كانت بتحب عمي واتجوزت اخوه واعدي الموضوع دا اتكلمي يا نرمين وإلا ولله هقول جدي
نرمين: لا وعلي ايه طيب احسن بصي هي لما مامتك اشتغلت في شركه زمان شافت خالي عبد الرحمن وأعجبت بيه وهي ساعتها كانت من اسره فقيره بسبب ظروف جدك بس للاسف ساعتها خالي عبد رحمن كان قابل طنط نورا وحبها ومامتك حاولت بكل طرق أنه يعبرها لكن مقدرتش وبسبب دا كرهت طنط نورا جدا وساعتها اتجوزت بباكي عشان ترفع من مستواها المادي والاجتماعي وشافت أن دا انتقام من خالي عبد الرحمن بس طبعا خالي ولا في دماغه لانه مكنش حاسس بوجودها أساسا وعايش مبسوط
انا بصدمه: هو بابا يعرف حاجه عن الموضوع دا
نرمين: اه عارف طبعا وجدي وستي كمان عارفين وكانوا رفضين جوازه بس ابوكي حب امك اوي وأصر يتجوزها والموضوع اتقفل ومحدش فتحه ابدا
بقولك ايه انا هنزل اشوف امي لا تستعوقني
وذهبت نرمين الي والدتها وانا بقيت مكاني شارده
***********************
في منزل عبد الصمد الملكي جد نجلاء
نجلاء : هو ايه الي اهدي يا ماما انتي ناسيه المرمطه الي عشنا فيها طول عمرنا لازم يدفعهم كلهم الثمن
رويه: يا بنتي استهدي بالله ومتخليش شيطانك هو الي يسوقك الناس دول معملوش لينا اي حاجه وحشه بالعكس مهران شغلك في شركته وبعدها اتجوزتي ابنه عايشه مبسوطه ليه عايزه تخربي بيتك والعائله الي ساعدتك
نجلاء: قصدك الي خلتني خدامه عندهم فاكرني مكسوره الجناح ومش هعرف اخد حقي بس وربنا لدمرهم وتخليهم يسفوا التراب زاي ما حصل فينا زمان بسببهم برضوا
رويه: بسببهم ليه عملوا لينا ايه يا بنت بطني السبب في الي حصلنا كان ابوكي ربنا يجحموا مطرح ما هو موجود هو السبب في كل دا لما سرق ابويا زمان
نجلاء: عشان ابوكي بخيل مرضيش يساعده
رويه: الغلطه كانت غلطتي انا لما وافقت اتجوز ابوكي أساسا اتجوزت تعبان وانتي للاسف ورثتي خبثه ولؤمه بس خدي بالك يا بنتي اذا كنت فاكره نفسك حيه فإنني في عرين الوحوش بيوت الملكي كلها كوم بيت مهران الملكي كوم تاني خالص دا كبير العيله مش في مصر بس في العالم كله يعني مش هيسمح أن أي حد يوقعه أو يهز صورته لان دا يوقع جدور العيله نفسها
نجلاء: مش فاهمه يعني ايه
رويه: ومقدرش افهمك يا نجلاء لانك مش شايله اسم الملكي ولو اتكلمت انا وانتي هنتحاسب حساب عسير
نجلاء: بمناسبه عيله الملكي ومنها ومش منها ايه حكايه فيلا زمالك ديه الي نور راحتها امبارح وسيف ابن عبد الرحمن رايح جاي عليها ومحمد ابني ممنوع يدخلها
رويه: ميخصكيش انك تعرفي واوعي تسالي بنتك لانها مش هقول ولو ضربتيها تاني هترجعيلي جثه وانا عارفه انا بقولك ايه بلاش يا بنتي سكه ديه ولله هتتاذي
رن هاتف نجلاء وكانت نرمين ابنه عمتي
نرمين: تمام يا نوجا قولتلها الي انتي طلبتيه مني بس مش فاهمه ليه عايزاني اقول كلام يشوه صورتك قدام بنتك
نجلاء: ملكيش دعوه يا نرمين بس شاطره وهتاخدي مكافاه حلوه علي الي انتي عملتيه لو النتيجه طلعت زاي ما انا عايزه
نرمين: لا بقولك ايه طلعت مطلعتش انا مليش دعوه احنا بنا اتفاق هتساعديني اتجوز مندو صح ولا غلط
نجلاء : متخفيش يا حبيبتي كل حاجه هتحصل بس في وقتها المهم تاخدي بالك من نفسك ها اوعي يضحك عليكي
نرمين: لا متخفيش عليا سلام عشان لي حد جاي
وأغلقت الخط
نجلاء: كدا اول حاجه تمت، بقولك ايه يا ماما انا هروح مشوار مهم وراجعه سلام
رويه: طول ما انتي ماشيه بدماغك دية مش هنشوف سلام يا بنتي
وذهبت نجلاء الي أحد بيوت عائله الكومي ليفتح لها رجل الباب وتدخل نجلاء الي المنزل وهي تبتسم بشده
نجلاء: انا قولت مينفعش انزل البلد ومعديش عليك يا علي
علي: ولله كنت هزعل منك يا بنت عمي لو مجتيش انتي متعرفيش وحشاني قد ايه
نجلاء: عملت ايه في اتفاقنا يا علي
علي: لسه يا نجلاء اصبري شويه الموضوع مش سهل كدا وخصوصا لو مع واحده زاي نورا
نجلاء : اشمعني يعني تفرق ايه نورا عن غيرها
علي: تفرق كتير يا نجلاء تفرق انها بنت صابر الرفاعي يعني حركه واحده غلط هدفن ومش هيبقالي ديه دا غير جوزها وهي أساسا متعلقه بيه وبتحبه ولو قدرت اميل دماغها اكيد هتخاف علي سمعتها وشكلها انتي ناسيه انها مصممه ازياء مشهوره
نجلاء: هو انت بتفرسني يعني وبتزلني ما تتهد يا علي شويه
علي: يخرب بيت غبائك يا بنتي افهمي مفيش اي سكه نقدر نوقع بيها نورا أو نفضحها من غير ما نتلط في الحوار يبقي العقل بيقول ايه لو مقدرتش علي الأسد امسك الشبل
نجلاء: قصدك ايه
علي: نضرب بولاد نورا سيف وقمر وكريم
نجلاء: انت اهبل دا دول اصعب من نورا نفسها ولو حد قربلهم مهران يأكله
علي: عشان بيحبهم والي بيحب اوي ممكن يخنق الي بيحبه وبذات سيف، سيف ليه مكانه خاصه اوي عند الكل والكل بيحبه وبيحترمه رغم أنه عيل صغير تصوري بقي لما سيف يتورط في قضيه شرف مثلا وفي عرفنا احنا قضايا الشرف آخرها دم
نجلاء: وهو مهران هيسيب حد يمس سيف
علي : لا وهيعمل اي حاجه عشان يحميه بس مش هيركز وساعتها صوره سيف تتشوه قدام الكل ودا البكري لابوه يعني قطمه وسط ومش هيركز مع أي حد لو اي حد رما كلمه علي نورا في الوقت دا بيقولوا طبعا ما الوسخ مش هتربيه غير وانتي عارفه الباقي
نجلاء: يا ابن الشيطاين صح بس مين ديه الي ممكن نضرب بيها في موضوع زاي دا وتتصدق
علي: نور بنتك
نجلاء: انت شارب حاجه يا علي بنتي مالها ومال الموضوع دا
علي: بنتك هي الي لازم تغلط مع سيف عشان البيت يقوم حريقه ومهران يكسر بجد والموضوع هيبقي صعب يتلم خالص وخصوصا أن جوزك رطراط وبيحب الكلام الكتير
نجلاء: انا اه عايزه اخلص من مهران وعياله بس مش لدرجه بنتي
علي: بقولك ايه يا نوجا متعملليش فيها الام المثاليه انتي خليتي ابنك يتلف علي وشيه عيال صايعه تعلمه الضرب الشم عشان تقدري تسيطري عليه هتيجي علي بنتك لما تخليها تميل دماغ الواد وبنتك أساسا عينها منه يعني ما هتصدق فكري فيها يا نجلاء
للاسف كان تردد نجلاء ما هو إلا مجرد عرض تمثيلي فهي قد اتخذت قرارها منذ زمن بعيد
نجلاء: بس هتبقي في مشكله الواد سيف ماشي مع نهي بنت محروس اخوك
علي: نعم من أمتي كلام دا
نجلاء: صبرني يا رب يا علي يا حبيبي دا كلام في الهوا عيار طائش هنستخدمه وكمان حتي لو حقيقي متعملش عليا راجل يا علي انت قاعد هنا وسايب بناتك هما الي يشتغلوا ويجبولك أكلك وشربك وقرفك
علي: اه لا حلوه منك يا نوجا بس هنستخدم نهي ازاي
نجلاء: لا سيبلي نهي انا عارفه كويس تستخدم الموضوع ازاي لصالحنا
**********************
بعد يومين من وصولنا الي الشرقيه كنت اجلس في شرفه المنزل اشرب العصير وانتظر أن تأتي نرمين لنتحدث سويه ولكني رأيت سيف يخرج من البيت مسرعا فصحت باسمه ولكنه لم يجيبني وركض سريعا فخفت عليه ونزلت سريعا وركضت خلفه واتصلت برمين واخبرتها بالا تأتي لاني قد خرجت وظللت خلفه حتي رأيت سيف يدخل أحدي الأراضي المزرعه بذره فدخلت خلفه حتي رايته يدخل الي أحدي المنازل المصنوعه من الطوب والقش التي تكون موجوده وسط الأراضي الزراعيه وعندما اقتربت سمعت صوت فتاه بداخل فصعقت هل سيف بهذا السوء لدرجه ان يفعل الفاحشه ولاني احبه كان الالم يعتصر قلبي بشده فذهبت واختبأت بين الذره حتي رأيت نهي قريبتي تخرج بعد قليل وهي تهندم ثيابها وترحل سريعا فلم احتمل وركض سريعا ولو بقيت مكاني لعلمت أن من كان في داخل لم يكن سيف ولكن شخص آخر يرتدي ثيابا مشابهه له
عدت الي المنزل وانا ابكي ودخلت غرفتي وأغلقت بابي وظللت ابكي بحرقه علي ذالك الخائن الجبان ولكن دار في عقلي هاجس غريب هل نهي اجمل مني أو هناك بها شئ ملفت عني فأنا دائما أمامه ولكنه اختارها هي من كثره التفكير نمت حتي اتي الصباح وصعدت الي سطح المنزل كما اعتدت أن أفعل عندما اتي الي هنا فكانت تلك عاده علمني إياها سيف وكنت أتوقع أن أجده في الاعلي و ساواجهه بما رأيت ولكن عند صعودي وجدت نهي هي من في الاعلي
نهي كانت فتاه جميله ولكن ليس كثيرا فأنا اجمل كانت قصيره القامه ونحيله للغايه ذات وجه مدقق وبيضاء البشره وعلي وجهها بعض النمش
نهي: نور حبيبتي وحشتيني اوي انا لقيتك مش بتسالي عليا من ساعه ما جيتي قولت اجي انا
انا: عايزه ايه يا نهي وايه الي جابك
اقتربت مني وجذبتي الذهب معها و نجلس علي حافه السور
نهي: ابدا انا بس جيت عشان اصحح الفكره الغلط الي اتكونت في دماغك لما شوفتي سيف داخل الاستراحه الي في الغيط صدقيني احنا مكنتش بنعمل حاجه خالص
انا: ولله وصوت ضحكتك دا واساسا ولد وبنت يتقفل عليهم باب واحد هيكونوا بيعملوا ايه
نهي: شكلك خلبوصه يا نونو هههههههه لا يا حبيبتي مش لازم يكون الي في دماغك انتي اساسا مشوفتنيش ولا شوفتي سيف ولا خرجتي اصلا من البيت امبارح
انا: انا هقول جدي وبابا وعمي علي كل حاجه عشان يتصرفوا مع الي زيكوا
ونهضت وانا غاضبه لتقف نهي قبلي وتجذبني لاسقط من فوق السطح ولكنها نمسك بي في اخر لحظه
نهي: تفتكري يا نور لو انتي وقعتي من هنا ودماغك الحلوه ديه اتفشفشت مليون حته حد هيكذبني لو قولت اننا كنا قاعدين وفجاه انتي دوختي و وقعتي وانا أغمي عليا من الصدمه
أخبرتها وانا ابكي : عشان خاطري يا نهي متسبنيش انا اسفه مش هقول حد حاجه ولله عشان خاطري ولله ما هقول حد علي حاجه
نهي: اعمل ايه سيف حبيبي هو الي قالي لو هتفضحنا يبقي تموت ويدفن سرنا معاها عشان كدا مجاش هنا انهارده وسبني أنا أقوم بالمهمه ديه
في لحظه واحده توقفت عن البكاء من شده الصدمه وأصبحت عيني ثابته لا تتحرك ولم اعد اسمع اي شئ سوا اسم سيف زماني قد انعزلت عن هذا العالم وأصبح كل شئ اسود وعاد الي النور وانا علي سريري والجميع حولي خائفين لا اري سوي وجوه خائفه ومتوتره وابي يقف مع الطبيب ويتحدثون
تحركت عيني قليلا لا اعلم عما ابحث ولكن وقعت عيني علي نهي وقد وضعت إصبعها علي فمها تشير لي بصمت فرتعد جسدي من تصرفها وتعابير وجهها الشيطانيه فابعدت عيني عنها تصادم بسيف الذي يقف بمنتهي البراءه يلعب في هاتفه وكأنه لم يكن يخطط لقتلي منذ برهه فسكبت عيني الدموعها دون توقف ولكن مع ملامح جامده وما زلت لا اسمع اي احد لا اعلم ماذا قال الطبيب ولكن الجميع قد خرج واني سيف لي و وضع بجانبي لوح شوكولاته التي أحبها كل لطف وهدوء و خرج مع الجميع لأبقي بمفردي افكر في آلاف الاحتمالات وآلاف الافكار وآلاف المبررات لكل ما حدث لما يحدث كل ذالك لما ظللت مكاني اري شمس تغيب وتسرق وانا اغمض جفوني دقائق لاستيقظ مفزوعه وانا اريد نهي وهي تمسك بي وأنا معلقه في الهواء ونظرتها المخيفه لي وملامح سيف البارده وكل يوم يأتي الي أحد يجلس معي حتي مر شهر كامل كان وجهي قد سحب للغايه من قله الطعام والشراب حتي أنهم قد علقوا لي المحاليل المغذيه لاسطيع أن أحيي وبعد تلك المده نطق لساني بعد شهر متواصل ولكن لا يمكنني ان اسمي ذالك بنطق ولكنه صراخ ، صراخ متواصل لا يتوقف ابدا التي الجميع الي حجرتي فزعا ويحاولي تهدئتي واغيب عن الوعي فجاه لا اعلم ما حدث لي وافقت مره اخري ولكن كان الجميع بجانبي
انا بضعف هو حصل ايه
امي: حمدالله علي سلامتك يا حبيبتي الحمد لله يا رب
جدتي : انتي كويسه يا نور حاسه بايه طمنيني
دكتور: بعد اذنكم يا جماعه الكل يطلع برا وبلاش الاساله ديه كلها البنت مش هتستحمل انفضلوا
جدي: يلا الكل يطلع برا
فخرج الجميع وبدء الطبيب يسالني عن اخر شئ اتذكره وانا اجيبه ولكن لم أخبره بما فعلته نهي ورحل الطبيب وكان كل شئ طبيعي وعدت كما كنت ولكن لا تخلي ايامي من الكوابيس المفزعه ونوبات الغضب التي تأتي لي كلما رأيت سيف والتي كانت غير مبررة وكان هذا سبب في شك الجميع به حتي اتي اليوم الذي كنت جالسه فيه في غرفتي ودخلت نجلاء لي
نجلاء: حبيبه قلبي بتعمل ايه
انا: كويسه
نجلاء: مالك يا نور انتي بقيتي حزينه اوي ودائما مسهمه ومش مركزه مع حد
انا: مفيش حاجه يا ماما انا بخير شويه ونرجع زاي الاول
نجلاء: انا عارفه الي حصل
انا: عارفه ايه
نجلاء: عارفه أن سيف ونهي خططوا أنهم يوقعوكي من فوق السطح عشان يخبوا علي فضيحتهم
انا: عرفتي ازاي ومن امتي؟!!
نجلاء: من كام يوم لما نزلت البلد روحت لنهي ضغط عليها لحد ما قالتلي كل حاجه ومن ساعتها وانا في نار جوايا ومش عارفه اعمل حاجه
انا: وليه مقولتيش لبابا
نجلاء: لو قولت لابوكي هيعمل ايه محدش هيصدق كلامي دا سيف الواد الي علي الحجر الطيب المحترم محدش هيصدق فيه كل الصفات الوسخه ديه بس انا مش هسيبه لغايه ما اخدلك حقك منه مش هسيبك حقك ابدا يا بنتي
انا: لدرجه ديه يا ماما بتحبيني
نجلاء: طبعا يا حبيبتي انا مليش اغلي منك في دنيا ديه متخفيش محدش يقدر يأذيكي طول ما انا انا موجوده بس انا محتاجه مساعدتك عشان ننتقم منه
انا: انا موافقه اعمل ايه
اخرجت كيس به ماده بيضاء و وضعته في يدي
نجلاء: انتي عارفه أن سيف بيكرهني ومش بيثق فيا لكن بيحبك انتي هتحطي ليه حبه صغيرين اوي في كبايه عصير كل يوم وتوديع ليه وهو هيشربها
انا: هو ايه دا دقيق
نجلاء: لا سكر بودره بس عليه حاجه تانيه هتخليه يجيبه مغص ويعيش باقي عمره بيتألم زاي ما هو كان عايزك تموتي موافقه تعملي دا
انا: اه موافقه
نجلاء: بس خدي بالك اوعي حد يشوفك وانتي بتعملي كدا او يعرف أن الكيس دا معاكي وفجاه هتلاقي سيف يبوس رجلك عشان تجبيله عصير وهما نعمل في الي احنا عايزينه عشان العصير دا هو الي هيهديه وجعه وتعملي فيه الي انتي عايزه
انا: حاضر يا ماما اخذتني نجلاء بين أحضانها وقد بدأت معاملتها لي تتغير وأصبحت تهتم بي للغايه وتتحدث معي وكنت سعيده للغايه بهذا وكنت احضر العصير وتغطيه لسيف وهو في المكتبه الخاصه بالمنزل أو في غرفته أو علي طعام وأصبحت تراقبه وكانت جدتي وعمتي نورا يراقبوني ويضحكون لأنهم يعلمون حبي له ولكن لا يعلمون مدي كرهي لذالك الشيطان الان
مر أكثر من شهر ونصف وانا اضع له ذالك السكر ولكن لا شئ يحدث له لا أراه يتالم ولا يزحف لي كما تقول لي امي فذهبت إليها
انا : ماما البتاع دا مش بيشتغل ليه سيف لا بيتألم ولا في حاجه بتحصله
نجلاء: عشان انتي بتديه العصير كل يوم لازم تبطلي توديله العصير وساعتها هيجري وراكي متقلقيش
فذهبت لاتكلم مع صديقتي وكنت قد بدأت بالذهاب الي فيلا زمالك والتدرب هناك وقد أحببت لعبه الجمباز وقد ساعدني عليها جسدي المرن وبدأت لا اعطي سيف العصير ولكن لم يحدث أي شئ كما قالت امي ولكن انا من بدأت امرض وأشعر بتعب ولا اعلم ما هو سبب وفي يوم قررت أن اعطي سيف العصير مره اخري ولكني فكرت أن اشربه انا وبالفعل وجده لذيذ للغايه واعجبني وقد ارتحت من الالم ولكن فزعت بعدها هذا يعني أنني أصبت بالمرض الذي كان يجب أن يصاب به سيف فهرعت الي امي وانا ابكي
انا: ماما الحقيقي انا عييت بدل سيف انا بشرب العصير والألم الي في راسي بيروح
نجلاء: ما زفت بيشتغل اهو امال مش شغال ما ابن الابلسه دا ليه
انا: بيشتغل هو انتي خلتيني اشرب من السكر الي انتي ادتهوني
نجلاء: اه اتزفت جربته عليكي لما لقيت المحروس مش بيحصله حاجه قولت اشوف لقيتك اهو بقيتي مدمنه هو بقي مأدمنش ليه
انا: ادمن وهو يدمن ليه ولا ايه اصلا دا سكر
نجلاء بنفاذ صبر : سكر مين يا اغلي خلق الله سكر مين دا هيروين
انا: ايه هيروين انتي اتجننتي انتي خليتي بنتك مدمنه هيروين ليه
نجلاء: امال اروح ادفع عشره الاف جنيه تاني عشان اجيب كيس كمان زاي دا انتي متعرفيش نوع دا من الهيروين عامل ازاي دا اقوي نوع مش مأثر في الحلوف دا ازاي
انا: مش يمكن هو مدمن أساسا
نجلاء: ممكن بس انا براقبه وعمري ما شوفته بيستف ابدا اسمعي يا بنت انتي من انهارده تلفي علي الواد دا وتخليه يحبك فاهمه ولا لا
انا: نعم هو مين دا الي يحبني الي كان عايز يقتلني
نجلاء : اه الي كان عايز يقتلك يا نور بدل ما اقتلك انا
انا: انا مش هعمل كدا ابدا انسي
نجلاء: لا تعملي انتي فاهمه ولا لا انتي بقيتي مدمنه خلاص وانا الي معايا الي هيريحك امشي معايا مظبوط بدل ما هخليكي تتالمي بقيت عمرك
انا: انا هقول لبابا وجدو
نجلاء: هتقولي ليهم ايه ماما خلتني مدمنه هيروين مين هيصدق مدمنه اصلا لا وكمان بتقول كلام دا علي امها طب اقولك علي الاحلي عشان نلعب علي مكشوف انا الي خليت نهي تحاول ترميكي من فوق السطح مش سيف والي كان معاها في الاستراحه في البلد كان واحد لابس هدوم شبهه انا كنت عايزاكي بس تشوفيهم عشان اعمل كل دا وتكرهيه واستخدمك عشان اخلص علي العيله ديه كلها ها ايه رايك بقي
انا: انتي مش بني ادمه انتي شيطان شيطان
نجلاء: ههههههههه اه شيطان عجبك مش عجبك هتسمعي كلام شيطان والا هموتك ولا ليه اموتك انا هسيبك تروحي وتفكري وترجعيلي زاحفه عشان الجرعه اطلعي برا يا كلبه وكل كلمه اقولها تتسمع من غير اي نقاش يلا
ذهبت الي غرفتي وظللت ابكي بشده ما هذه الشيطان الذي تكونت في رحمها ، من ذالك الوحش الهادر الذي يسكن منزلنا ويريد أن يشطره الي أشلاء من هذه المراه
ذهبت الي جدتي وظللت ابكي في حضنها ولا اتحدث وصرت أبيت معها وانا خائفه للغايه من نجلاء وصار الالم يشتد بي فصرت استخدم ما بقيمن الكيس الذي معي حتي نفذ وصرت اتالم بشده ولا استطيع فعل شئ وعدت إليها مثل الكلب الذليل كما قالت وبدأت انفذ كل ما تقول وكل مخططاتها المريضه التي اكتشفت أن محمد اخي جزء منها وقد وقع في الفخ مثلي و تكونت العدوان بينه وبين سيف رغم أنهم كانوا اخوه لن ترحم تلك المراه أحد حتي تقضي علينا جميعا
***********************
نور: بس كدا عرفتوا بقي انا ليه كنت بشوه صوره ابوكم بشكل دا وليه كنت بأذي قمر كدا
مهران وعلياء ينظرون إلي بعضهم وفي صدمه وذهول وقد عقد لسانهم ولا يعرفون ما يمكن قوله في ذالك الموقف
قمر: مالكم اتخصتوا يعني
علياء: انا مش مستوعبه هو في حد بشر دا والكره دا
مهران: طب ليه كانت بتكرهه بابا كدا وتاتا الله يرحمها وجدي مهران ايه الست المقززه ديه انتي ازاي تستحملتي تعيشي معاها
نور: عشان لما اقولكم متحكموش علي حاجه من غير ما تسمعوها للاخر يبقي تصدقوني
علياء: بس لحظه واحده بابا ازاي مأدمنش وازاي صالحك وانتي ازاي بقيتي طبيعيه كدا ومش مدمنه هيروين وكمان حصل ايه بعد كل دا اكيد يعني اذي مامتك موقفش لحد هنا
نظرت نور وقمر الي بعضهم وضحكوا بشده
قمر: دا حصل كتير اوي عشان تعرفوا يا ولاد امبارح أن الي حصلنا زمان يخلي حركات العيال بتاعتكوا ديه كلها لازمه قصادنا
قطع حديثهم دخول سيف الي المنزل ومعه ليث و زوجته أشراق ونور ابنته
سيف بأبتسامه: وانا اقول الدنيا منوره ليه الفنانه الصغيره بتاعتي هنا
قمر: هههههههه خلاص بقي يا سيفو هناخد زمنا وزمن غيرنا عجزنا يا واد وبقينا جدود
اشراق : فشر يا عمتو هو انتي في زيك
قمر: انتي قلب عمتك ولله تعالي في حضني يا بت انتي
نور الابنه: نعم وانا مليش نصيب في شويه حنان من دا ولا ايه يا قمر
قمر: قمر حاف كدا يا جزمه
نور الابنه: اه مش انتي عمتو القرشانه حبيبه قلبي يبقي قمر وستين قمر كمان
سيف: اخبارك ايه يا نور بقالنا كتير محدش شايفك لا انتي ولا عيالك طبعا جزوك قاعد معايا ليل ونهار في شركه أساسا
نور : معلش بقي يا سيف انت عارف هم البنات مش بيخلص حتي بعد الجواز وخف علي الراجل شويه ابوس ايدك
مهران: بابا انا عايز افهم كل حاجه دلوقتي حالا
ليث: تفهم ايه يا ابني سيب ابوك يرتاح وشبه احنا لسه راجعين من شركه
علياء: لا ما احنا لازم نفهم ازاي فلت من نجلاء وشرها وازاي بعد كل الي عمتو نور عملتوا فيك سمحتها وبتعاملها عادي
سيف: انتي حكيتي
نور: اه يا اخويا انت عيالك كان ناقص يضربوني بالرصاص بسبب كلامك الزفت عني
سيف: بتبلي عليكي ولا حصل
نور: حصل
سيف: بس الكلام دا معناه انك مقولتيش كل حاجه
مهران: انا عايز افهم انت حصلك ايه بظبط لما اتخطفت وازاي عمتو نور بقيت قريبه منك اوي كدا لا وكمان بقيت انت وجوزها شركاء رغم كل الي حصل ونجلاء كانت بتفكر في ايه
سبف: واضح أن في حواديت كتيره اتحكت
علياء: بابا حصل ايه بظبط ساعتها
ليث: بصراحه انا اعرف عنك كل حاجه الا موضوع الخطف دا يا حج حصل ايه بقي
انا: هو بقي طلب جماهيري
الجميع : اه
سيف : طيب صلوا علي الي هيشفع ليكوا يوم القيامه
الجميع: الهم صلي وسلم وبارك عليك يا حبيبي يا رسول الله
سيف: الي حصل ...................
**************************
ينتهي البارت هنا اتمني يكون البارت عجبكم و كل سنه وجميع الامه العربيه بالف خير وفرح وسلام بمناسبه عيد الفطر المبارك واتمني أن تنتظروا البارت الجديد اول ايام العيد
أنت تقرأ
المصير المزعوم (سلاح ابليس)
Paranormalفانتازيا خيال علمي مغامره تربط الخيال بالواقع لا تسير في رحله لاتعلم اين الحقيقيه من سراب تسير في دربك المزعوم لتصل في نهايه الي اجابه واحده لماذا تسير حتي الآن
