المصير المزعوم (سلاح ابليس)

ولاده الجحيم

عندما يقترب أحد الأطفال من قابس الكهرباء نصرخ فيهم ونعاقبهم كل يفعلوا ذالك ثانيا ،نعلمهم والصواب من الخطأ ،نجعلهم يعتذرون كل نربي بداخلهم احساس الحق فينضج طفل سوي عاقل يستطيع التكيف مع من حوله ولكن ما هي الطريقه المناسبه لتعليم هؤلاء الأطفال لا أظن أن الضرب أو الحرق أو تركهم في غرفه مظلمه وحدهم قد يكون الحل في الماضي وضع نيوتن قانون صارم في الفيزياء ولكنه لم يعلم أنه سوف يكون قانون لطبيعه البشر ،لكل فعل رد فعل يساويه قوه ومضاد له في الاتجاه ،فليتحملوا رد الفعل الطفل عندما يكبر ويتزكر ماضيه.
***********************
مهران : انت حصل فيك كل دا ازاي
علياء: معلش يا بابا بس فيلم الكرنك الي انت بتحكيه ممكن اصدقه علي اي حد الا انت ، دا حضرتك الي مدربنا ومعلمنا كل حاجه نعرفها عشان ندافع عن نفسنا وعمري ما شوفتك انهزمت
قمر: وانا اقول انت رجعت مكشر ليه اتاري بس انت سكت لمحمد ليه أو ليه متصلتش بجدي وقولتله
سيف: خلصتوا ،كل ديه حاجات فات عليها سنين مش مهم ليه مقولتش لجدي أو ليه مأذتش محمد في ساعتها ولا انا بحكي فيلم الكرنك يا علياء الي انا حكيته دا تعذيب حصل ليا لكن لما انا بدأت اعذب انا بعمل حاجات ابشع من كدا بكتير الهدف الأساسي ليهم كان أنهم يكسروني وذلوني مكنوش يعرفوا ايه الي هيحصل بعد كدا
ليث: في درس مهم يا مهران لازم تحطه في راسك لو موقعتش عمرك ما هتتعلم لازم تخسر ولازم تقع ولازم تتكسر عشان ترجع اقوي ابوك مبقاش في القوه ديه غير بعد خساره كبيره اوي اكبر مما تتصور
سيف: ايه يا حجه انا ميت من الجوع والعيال وشها ذبل عايزين ناكل
الجده: عشر دقائق بس ويكون الاكل خلص متقلقش كما انت بس ليهم عملت ايه بعد كدا
********************
في فرنسا
يجلس شاب في الثامنه عشر من عمره علي أحد المقاهي في باريس ويشرب فنجان من القهوه وأمامه جهاز لاب توب الخاص به ولكن الشاشه الخاصه بجهازه بها لون اخضر وملأ بالارقام الصفر والواحد وهو منهمك في ما يفعله أتت فتاه تشبه قليلا ولكن اكبر منه سنا وجلست بجانبه
الشاب: مشاكلك مش بتخلص يا سيفو ومش عارف اخرتها ايه معاك
الفتاه: انا عايزه افهم انت ليه بتساعد البتاع دا
الشاب: اولا اسمه سيف مش بتاع ثانيا دا صحبي ولازم اساعده
الفتاه: وملقتش غير ولاد الملكي تصاحبهم انت عارف لو بابا عرف هيعمل فيك ايه
الشاب: ولا هيعمل حاجه لان تأمين صفقه السلاح وتحويل الفلوس انا الي هعمله ولو ابوكي زعلني هيزعل في شغله
الفتاه: دا تهديد بقي يا ابن ابويا
الشاب: لا مش تهديد انا بس بعرفك مكانه كل واحد وكل واحد يقدر علي ايه وسيف صحبي وانا مش هسمح لأي شخص أنه يهينه حتي لو كان ابويا نفسه كفايا ترديد كلام زاي البغبغان
***********************
في منزل عبد الرحمن الملكي
قمر جالسه مع والدتها ووالدها
قمر: ماما هو سيف بقاله كتير متصلش ولا طمنا عليه ليه
امي: ولله يا بنتي مش عارفه ومفيش اي طريقه ممكن توصلنا ليه انا بقيت اخاف علي الولد اوي
ابي: متقلقيش عليه سيف راجل وجدع وكمان علي كلمني وقالي إنه هناك هو وأهله وبيشوف سيف وهو كويس
امي: امال مش بيتصل بينا ليه وكمان الكلام الي بيتقال عنه دا أصله ايه
قمر: انا أساسا مش عارفه هو ليه سافر لوحده ليه منسفرش احنا ليه ونكون معاه وكمان يا ماما انا عمري ما اصدق ان سيف وحش كدا نور هي الي بتكرهه وطلعت الكلام دا عليه
ابي: مش هينفع يا حبيبتي لاني في الفتره الي قعدتها في البيت سبت شغل كتير اوي ورايا ولازم أخلصه مينفعش ااجل شغل تاني
امي: طب ما تكلم محمد مش هو في الغردقه
ابي: حاضر يا ستي هكلمه بس اكيد محمد بيتسرمح في اي حته
وأخرج ابي هاتفه واتصل بمحمد
محمد: ايه يا عمي اخبارك ايه
ابي: بخير يا محمد انت اخبارك ايه
محمد: انا بخير في حاجه ولا ايه
ابي: لا ابدا انا بس كلمتك كنت عايزك تطمن علي سيف لانه مش بيتصل بينا وموبيله مقفول
محمد: انا أساسا في المطعم الي سيف بيشتغل فيه وبتعشي انا وصحابي متقلقش يا عمي سيف قدامي اهو وزاي الفل
ابي: ماشي يا محمد بس قولوا يبقي يتصل بيا ضروري سلام
امي: ها طمني قالك ايه
ابي : بيقولي أنه قاعد بيتعشي في المطعم الي سيف شغال فيه وسيف قدامه ،انا مش مطمن للموضوع دا
امي: محمد شراني وممكن يأذي سيف ويستغل الكلام الي هنا لصالحه وكمان اكيد سيف ميعرفش حاجه عن الي بتحصل هنا او بتتقال
امي: يأذي ايه يا ماما دا عيل اهبل ميقدرش يعمل حاجه لسيف
ابي: بس ممكن يهينه أو يشوه سمعته انا مش مطمن بجد بقولكوا ايه انا رايح مشوار وراجع تاني
واخذ والدي مفاتيح سيارته وذهب ايه قصر جدي و وجد نجلاء ومنتصر جالسين في غرفه الجلوس وإمامهم بعض الأوراق
منتصر: طب هنعمل ايه في البند دا مهو هيديله حق في الملكيه برضوا
نجلاء: اخوك دا فعلا داهيه في القانون عامل عقد مهما حاولت تلعب أو تغير فيه مستحيل تطلعه برا الحدوته
ابي بابتسامه: معلش يا نجلاء اصلي كنت بجيب درجات النهائيه في العربي وتخصصي اللعب بالالفاظ
منتصر: انت بتتنصت علينا ولا ايه يا عبدرحمن وكمان ايه الي جابك بيتي في وقت زاي دا البيوت ليها حرمه
ابي : حرمه وبيتي دا بيت ابويا يا منتصر مش بيتك ولا بيت الحربايه الي جمبك ولما تتكلم مع اخوك الكبير تتكلم بحترام علي الأقل تعلم حاجه اولادك بخصوص التربيه
نجلاء: انا مسمحلكش انا ولادي متربين احسن تربيه
ابي: بأماره أن ابنك خبطني بعربيته وهو شادد بدره وسكران انتي عارفه يا نجلاء أن انا لسه في أيدي احبس ابنك واحبسك واحبس جوزك الي هو اخويا بسبب الاختلاسات الي انتي وهو بتعملوها
نجلاء: وانا مالي هو انا الي يختلس دا هو
ابي: واطيه اوي يا منتصر بعتك في ثانيه بس للاسف الماده رقم ٣٩و٤٠ من قانون العقوبات بتقول أن المحرض علي جريمه يعتبر شريك بها ويأخذ نفس عقاب الفاعل يعني هتلبسي
منتصر: انت عايز ايه يا عبدرحمن
ابي: مش عايزك تنسي نفسك يا اخويا وافتكر انا وابوك عارفين بالي بتعمله وساكتين بمزاجنا لكن لو زعلتني هدمرك وزعلي من زعل عيالي ها اظن مراتك فاهمه انا اقصد ايه
وتركهم وذهب الي مكتب جدي الذي كان مضاء وكان جدي يجلس علي الاريكه في مكتبه ولكن يبدو عليه القلق
ابي: مالك يا بابا في ايه
جدي: مفيش حاجه في عبدرحمن تعبان شويه
ابي: طب اطلع ريح شويه فوق بدل ما انت قاعد كدا علي الكنبه
جدي: تعرف يا عبدرحمن انت احن واحد في ولادي كلهم اكتر حتي من عزه اختك انت كنت داخل تتخانق معايا عشان خاطر سيف ابنك ولما لقتني تعبان كدا نسيت انت جاي ليه ومركزتش غير اني لازم ارتاح
ابي: انا معنديش اغلي منك يا حج وبعدين مين دا الي يتخانق معاك هو انا اقدر
جدي: عينك فضحاك بس برضوا معنديش اغلي منك ولا من اخواتك ولا ولادكوا بس للاسف كل واحد فيكوا واخد سكه ومتفرقين
ابي: لان انت حاولت تربطنا بالقوه زمان يا بابا انت الي حولت تجبرنا اننا نقرب من بعد ونسيت تحبينا في بعض نسيت تفكرنا اننا اخوات ودلوقتي فاضل سنه وهنتقلب اعداء وخصوصا بعد ما دخلت الحيه في بتنا وبدأت تكسر في الفروع الصغيره
جدي: انا مش عايز اكسر في سيف ولا نور ولا محمد ولا نرمين ولا اي حد فيهم انا عايزهم يكبروا ويبقوا وحوش ورجاله مش عايزها يخافوا من اي حاجه مهما كانت وخصوصا سيف لان الحمل عليه هيبقي ثقيل اوي انت مكنتش موجود يوم ولادته انا الي شيلته اول ما خرج من اوضه العمليات وهو ملفوف اول ما شيلته حسيت اني باصص لنفسي شايف حته مني قدامي شايف أن سيف يقدر يعمل الي انا فشلت فيه لكن دلوقتي انا معرفش حتي سيف هيعمل ايه لما برجع ولا عارف اصل الكلام الي بيتقال لا عارف اصدقه لاني عارف سيف ولا عارف اكذبه لان في دليل
ابي: ليه هو ايه حصل لسيف
جدي: موبايله اتسرق حراميه سبتوه وسرقوا موبايله ومقدرش يدافع عن نفسه بسبب عهد اخدته عليه عهد موت
ابي: وانت ليه تاخد علي ابني عهد زاي دا ليه تعمل كدا وهو مسافر لوحده
جدي: كنت عايزه يتعلم درس في حياته ويكسر غروره عدنان كلمني وقالي أنه كويس بس اجهز نفسي لصدمه أما سيف يرجعلي واحد تاني
ابي: ازاي يعني
جدي: معرفش بس الي اعرفه ان غضب ابنك مش حاجه سهله ابدا
ابي: انا هسافرله حالا
جدي: مينفعش تسافر لو سفرت يبقي هتاذي نفسك وتاذيه سيبه وهو هيرجع بس خليك جاهز
**************************
في روسيا
العجوز يجلس في حديقه عامه في مكان مغطي بثلوج ويجلس بجانبه شاب وفتاه
الفتي: يا معلم الوضع اتأزم والولد خرج عن سيطره نرمين
المعلم: مش مشكله الولد دا بقي كارت محروق انا افتكرت انه مهم جدا لجده لكن أنه يتخطف ويتامن وهو في المستشفي وبعد كدا الكل ينسحب ويسبوه لوحده يبقي كدا دا مجرد طفل ملوش لزمه
الفتاه: مش يمكن ديه خدعه عشان نبعد عيونا عنه
المعلم: لا مش ديه طريقه مهران طول عمره بيعتز بكرامه عائلته مستحيل يسمح انها تتهان ويفضل ساكت واضح أن المعلومات الي جات من القاهره غلط سيف مش هو نقطه ضعف مهران
الفتاه: بس احنا لقينا ثغره ممكن ندخل بيها بيت مهران وهي نجلاء
الفتي: تخطيط نجلاء في تدمير اسره مهران الملكي بيصب في صالحنا ولازم تستغله
المعلم: لو ادخلنا هنعطل نجلاء مش اكتر خلينا تساعدها بأننا نبعد سيف عن طريقها خلي سيف يفضل في الغردقه وميخدش اجازه من شغله
الفتي: طب لو قدم استقالته
المعلم: يبقي خلي الشبح تدخل ساعتها
************************
في المطعم
بدلت ملابسي واستاذنت من جاسر لاخرج وجلست في سيارتي وانا احاول التفكير وكان محمد ما زال جالس في مكانه وقد اتي إليه اتصال من أبي ليطمئن عليه واغلق بعد انتهاءه
محمد: اهو ابو الننوس بيتصل عشان يطمن عليه
رنا : انت انسان مقرف بجد ازاي تعمل في ابن عمك كدا وقدام ناس كمان
ناصر: يا ستي سبينا نتسلي شويه هو حته العيل دا الي هنعمله مقام انتو مشوفتوش لما روحت لمحمد المستشفي وهو منعني ادخله مسك أيدي كان هيكسرها وبيكلم كأنه ملك ودلوقتي شوفوا الجروح الي في وشه والذل الي هو فيه عشان بس شغال شغلانه حقيره زاي ديه
رامي: هرجع و اقولك علي الأقل راجل بيشتغل من صغره وكمان شغلانه شريفه لا هو ديلر ولا شمام
محمد: دا علي أساس أن الحشيش خرج من جدول الضرب يعني فوق يا رامي ومتعملبش فيها الواعظ عشان كلنا فينا بلاوي
رنا: انا همشي قبل ما ارتكب جنايه في حد فيكم
نفسك محمد بدها ليجلسها مره اخري
محمد: انا مقولتلكيش امشي عشان تسبيا وتقومي اقعدي
رنا بسخريه: دا علي أساس ايه يا عيل (ولطمته علي وجهه )إذا كان سيف سكتلك فأنت لا انا رنا السراجي يا شاطر الي زيك بيحفوا عشان بس يشموا تراب الي بمشي عليه مش انت الي تامرني كاتك القرف اتفو
وتركته وذهبت وانا ما زلت في سيارتي حتي مللت وخرجت لاقابل رنا في وجهي
رنا: انت سكت ليه يا سيف انا عمري ما اتعودت اشوفك كدا وايه الي في وشك دا
انا : امال لو شوفتي باقي جسمي بقي بتقولي ايه ،انا سكت عشان لما الأسد يصرخ من عضه كلب يبقي كل الكلاب هتفتكر انها تقدر عليه
رنا: بس مش كدا انا مش بقولك روح اضربه وكسره بس حقك ومنظرك قدام ناس
انا: منظري قدام الناس انا رميته ورا ضهري لما اشتغلت ويتر ناس شايفه انها شغلانه تقل القيمه مع انها شغل زاي اي شغل لو بتتكلمي علي القلم الي اضربته فهيتردله بس في وقته اما بقي حقي فأنا عارف اخده ازاي بس نصيحتي ليكي يا رنا عشان الجيره و العشره ابعدي عن محمد الفتره الجايه
رنا: انا مش عايزه اعرفه تاني أساسا دا انسان مريض سلام
ورحلت رنا لتركب سيارتها وتتحرك
انا: انسان مريض حلو التشبيه دا وانا هعرف اعالجه ههههههههه
وذهبت الي جانب الاخر من الطريق لاقف امام البحر وانا انظر إليه كم هو اسود وحالك لا تستطيع أن تري يدك وانت بداخله يخبأ العديد من الأسرار بحلم الجميع بأن يغوص الي أعماقه ويستكشفه ولكن سرعان ما يلفظ البحر بمن داخله ليخرجه فإن مياهه صافيه رائقه ونحن ملوثون بكل قبح في هذه الحياة
ظللت أتأمله حتي وجدت أيدي ناعمه توضع علي عيوني واسمع صوت أنثوي رقيق
فتاه: انا مين
انا: ايه حوريه البحر ولا نداهه
فرفعت الفناه يدها من علي عيوني لتلتف وتجلس امامي
الفتاه: بس ديه مش طريقتهم عاشت يجزبوا حد
لقد تجمد في مكاني، انها بالفعل حوريه البحر أو ملاك من السماء من هذه الفتاه شعرها الذهبي وابتسامتها الصافيه التي تزيد فوق جمالها جمالا العيون الزرقاء التي تنتمي الي لؤلؤ المحيط الازرق
الفتاه بخجل: هتفضل باصصلي كدا كتير انا بكسف علي فكره
انا: هو انتي أنس ولا جن ولا ملاك ولا انتي ايه بظبط
الفتاه بضحك: ههههه مش قديم شويه الجو دا وكمان انت فيك حيل تعاكس وانت متخرشم كدا
فدققت النظر الي وجهها لاتذكر اني قد رئيتها من قبل وتتلاشي الابتسامه من علي وجهي
انا: اميره مش كدا
اميره: واضح أن زاكرتك قويه جدا وكمان جسمك قوي ،انا لما عرفت الي حصلك من ولاد الغازي قولت اكيد دا ميت متوقعتش ان جسمك بالقوه ديه
انا: عايزه ايه يا اميره نغم عامله رهان ولا حاجه عشان حسابها يتقل اكتر ما هو تقيل
اميره: انت هتاذي بنت هي ديه اخلاق الفرسان الي اتربيت عليها
انا: انا اه هأذيها بس مش بأيدي بايد بنت زيها هي ليها حساب زي اخواتها وزاي أهلها الي معرفوش يربوهم
اميره: وانت هتعمل كدا ازاي يا حزين قولي دا عيل اهبل زاي ممدوح مرمطك هتعمل ايه معاه
انا: انا مش ضعيف زاي ما انتي فاكره انا اقوي بكتير مما تتصوري لكن حظي أني اتكبلت بعهد غبي
اميره: قصدك عهد جاو يا ابن الملكي ههه
انا: انتي تعرفي عهد جاو كمان انتي مين بظبط
اميره: انا ابقي اميره الهداجي سليله لايتني زاي ما انت سليل رودس
انا: واضح أن الكلام معاكي هيبقي ممتع دا انتي من ريحه الحبايب
اميره: المهم يبقي مفيد عايز تكسر العهد قولي كان ايه يمكن اساعدك
انا: اكسر غروري ولحد ما اعمل كدا ممنوع اعمل اي حاجه
اميره: معني اي حاجه بنسبالك هو انك متأذيش اي حد يعني متضربش أو حتي تدرب علي الاساليب قتاليه لكن تقدر تدافع بس سرعتك هتقل وقدراتك الجسديه هتضعف
انا: انتي تعرفي كل كلام دا منين دا انا نفسي معرفوش
اميره: يعني هو عشان انت متعرفوش لازم محدش يعرفه انت مهمل جدا في القراءه وشايف انك تعرف كل حاجه ومش محتاج تكمل الكتاب لدرجه انك لما روحت لعم صبري اكتفيت بالاجابه الي ادهالك مع انك كنت رايح عشان تدور علي كتاب يساعدك
انا: وانتي عرفتي منين اني روحت لعم صبري انتي بترقبيني
اميره: يمكن
انا: ويا تري بقي عندك كتاب يساعدني
اميره: كاتشنجو هو الحل الوحيد ليك
انا: ايه دا
اميره: الكاتشنجو هو فن قتالي قديم بيسمي قتال الروح بتستخدم فيه طاقتك عشان تضعف طاقه خصمك وانت جسمك ثابت مش بيتحرك وبتالي العهد مينكسرش لان العهد بيطبق علي جسد والنفس مش الروح
انا بلهفه: وازاي اقدر اعمل كدا ايه التدريب المناسب ليه
اميره: تهذب نفسك الي ضغطه علي روحك وتروضها وتكسر غرورك وساعتها تقدر تستخدم الكاتشنجو
انا: يادي اكسر غروري اكسر غروري اكسره ازاي هو فين الغرور أساسا بعد ما كرامتي اطحنت انتي متعرفش انا اتعمل فيا ايه انا كانوا بيجبوا حمامات الاحصنه بتاعتهم ويرموها قريب مني أو عليا كانوا بيدوسوا علي رأسي برجليهم كاني عبد عندهم جسمي مليان حروق و وشموني وشم العبيد بتاع زمان عشان يتثبت اني مجرد عبد ذليل ليهم وتقوليلي غرور فين الغرور دا فين نفسي الي اهزبها وانا محتاج الاول اعالجها بس اعالجها من ايه ولا ايه انتي متعرفيش حاجه عن الي حصلي عشان تقوليلي الكلام دا
اميره كانت تنظر لي وعيونها تملأها الدموع وهي تنظر لي بشفقه وانا في حاله يرثي ليها وهي تري بالفعل أن جسدي أصبح هزيلا ليس كما رأتني اول مره ويظهر عليه الوهن
انا: بلاش تبصيلي بشفقه ارجوكي امشي
اميره: انا هربانه من الحرس عشان اتخنقت منهم مش عايزه ارجع دلوقتي
انا: زمان بباكي قلقان عليكي ارجعي احسن
اميره: هو انت فاكر اني مقدرش ادافع عن نفسي لا انا اقدر علي جيش بحاله
انا: يا واد يا جامد انت ،بس روحي برضوا المكان بره مش امان لازم نبقي جاهزين ليه قبل ما نخرج
اميره: تعرف اني بحب البحر اوي هدوءه وصفائه ورغم كدا لما الموج بيعلي اوي مش بنقدر نقف قصاده تفتكر أن البحر بيمثل الإنسان
انا: الإنسان بيمثله كل حاجه يا اميره كل حاجه ليها وشين حتي الرمل الي احنا واقفين عليه
اميره: قبيله الغازي بيقولوا أنهم ملوك الصحراء من زمان وفخورين اوي بكدا
انا: قول لزمان ارجع يا زمان المهم دلوقتي الحاضر هو الي هيحدد كل واحد فينا هيكون ايه
اميره: وايه هو قرارك للحاضر
انا: تساعديني ادرب علي الكاتشنجو واكسر العهد دا
اميره: وبعد ما تكسره هتعمل ايه
انا: هفكر ساعتها هعمل ايه
نهضت اميره من جانبي وابتعدت عني
اميره: لما تكون جاهز ابقي اجيلك تاني سلام
ورحلت تلك الحوريه الجميله التي تسحر كل عين تقع عليها ،عدت الي المطعم لاحد محمد ما زال جالس مع أصدقائه فذهبت الي عبدو
انا: غير هدومك وتعالي برا علي تراس يا عبدو عايز اتكلم معاك
عبدو: بس الشغل الي في ايدي
انا: متهتمش يلا
فنظر عبدو الي مستر جاسر الواقف بجانبنا وأشار له بالموافقه فذهب و بدل ملابسه وجلسنا علي التراس
انا: عادل تعالي لو سمحت
فأتي عادل لينظر لنا باستغراب وكيف نجلس هكذا
انا: عايز مسحب لو سمحت سبايسي مع عصير عنب وانت يا عبدو هتاخد ايه
عبدو لم يفهم ما أفعله ولكنه قرر أن يجاريني في افعالي
عبدو: عايز ربع فرخه صدر
عادل :هو ايه أصله دا انت هتستعبط ياض انت وهو
انا: احنا خلصنا شغلنا ودلوقتي بقينا زبائن قاعدين بعد اذنك عشان انا جعان ولازم اكل بسرعه
كاد أن يتحدث عادل ولكن عماد مساعد المدير أوقفه وأمره بتلبيه طلبنا فذهب وهو ممتعض
عماد: انت ناوي علي ايه بظبط يا سيف
انا: كل خير يا مستر عماد متقلقش انا مش ابن عمي عشان اهين ناس في مكان شغلهم في طرق تانيه احسن
عماد: استمتعوا بسهره بتاعتكم ،ورحل
عبدو: افهم بقي
انا: مش مهم المهم ايه قرارك
عبدو: موافق يا سيف بس علي اتفاقنا اقولك وانت تقولي
انا : وانا موافق انا يا سيدي دخل عيلتنا حربايه اسمها نجلاء تبقي مرات عمي وام الشملول الي قاعد هناك، وليه عقربه كل هدفها في الحياه تدمر بيتنا عشان تتحكم فينا بس ابويا هو كبير اخواته وشغله مع جدي خلاه يوصل لمكانه كبيره في شركتنا رغم أن عنده مكتب المحامه الخاص بيه وعمي منتصر ابو محمد بيحاول يوصل زاي ابويا بس للاسف بتاع ستات ومراته هي الي مشايه وكل هدفها انها تشوه سمعه ابويا وامي قصاد العيله عشان تعايرهم وتكسر جدي وساعتها تركب فوق الكل
عبدو: ومحمد بيعمل كل دا ليه أوامر من أمه
انا: اكيد عايز يوصل لحاجه معينه ،انت بقي
عبدو: بص يا سيدي من الاخر ومن غير ما ادخل في تفاصيل ملهاش لزمه بنسبالك انا طالب في كليه تجاره لكني بحب الكمبيوتر جدا واحترفت الهاكنح لدرجه اني بقيت اقدر ادخل علي مواقع مستحيل حد يدخلها وشوفت كتير علي المواقع ديه وشوفت في حياتي اكتر لغايه ما فقدت ثقتي في كل الي حوليا عشان كدا عملت شبكه توصل اجهزه بتاعتكم كلكم عندي واحترقت موبايلاتكم وكل واحد ليه بلوه ومصيبه الا انت ملقتش حاجه توحد ربنا عنك ولا رساله افهم منها انت مين أساسا حاولت ادور وراك وخصوصا انك واد متريش وانك تشتغل معانا هنا فكره غريبه
انا : تعرف ايه عن حريقه بين عادل في المنصوره وموت اخوه ومرات أبوه جوا النار
عبدو: انت عرفت كلام دا منين دا انا وصلت ليه بصدفه
فاتي عادل و وضع الاطباق أمامنا والعصائر ورحل بدون اي كلمه
انا: مش بحب اسيب حاجه لصدفه ومش انت لوحدك الي بتعرف تدور ورا ناس
عبدو: عادل عيل فلاتي وعياره فاكك وكل يوم هلس في حته شكل لدرجه انه كان قرب يشطب علي أبوه ومره رجع سكران وحاول يتهجم علي مرات أبوه وهو مش واعي ولما أبوه شافه وهو بيعمل كدا جاله ازمه قلبيه ومات لكن بعدها مرات أبوه هددته انها هتفضحه وتقول الحقيقه لو مكتبلهاش كل حاجه في ورثه باسمها
انا: بس معني كدا أن حتي بعد موتها مش هيورثها
عبدو: لا ما ابن الابلسه لعب عليها وعلي اخوه وكتب كل حاجه باسمه هو وأخوه فرح وكانت الحجه عشان محدش يشك إنه عايز يتغير بس طول ما الفلوس في ايديه هيجري علي سكه القديمه و أخوه تاني أساسا كان من مرات أبوه وأمه كانت عملاله توكيل عام وعادل اقنعه ياخد كل حاجه ويكتبها باسمه محدش ضامن حاجه وفعلا عمل كدا
انا: وبعدها عادل ولع في الببت وهو كان جوا حاول يطفئ الحريقه وخرج علي أنه ناجي الوحيد وقعد يعيط ويعمل الشويتين
عبدو: بظبط وإعلان الوراثه طلع وهو الي ورث اخوه ومرات أبوه مكنتش تملك حاجه بس صحابه بداوا يلفه عليه عشان فلوسه فسابهم وجه اشتغل هنا وعمال بدعبس علي مكان ومشروع يعمله هنا او في القاهره عشان محدش يعتر عليه ويعرف يكمل حياته ،قولي انت بقي عرفت الموضوع ازاي
انا: ابدا خليت واحد حبيبي يدعبس ورا عادل بعد العلقه الي اخدتها في سكن عشان أبعده عني بس لفت نظري أن عادل خرج من الحريقه سليم ومفيهوش خدش وحتي لو في حروق تبقي سطحيه جدا واتعافت بسرعه رغم أن الحريقه كانت كبيره جدا لدرجه ان اتكتب عنها في الجرائد كل دا يخليك تشك أن هو الي دبر كل دا
عبدو: واضح انك مش سهل خالص يا سيف وانا الي كنت فاكرك عيل
انا: معلش مره تانيه بقي المهم السكن اخباره ايه
عبده: عادل عامل نفسه الملك هناك بس انا وعاطف وكان واحد مدينله وش خشب مش عارف يعمل معانا حاجه وخصوصا اني مراقبهم ٢٤ ساعه وبالمناسبة مستر جاسر اخد شنطتك في شقته عشان محدش يلعب فيها
انا: صحيح انا نسيت الموضوع دا انت عرفت كل حاجه بتحصل وانت مش موجود ازاي انت ركبت كاميرات
عبدو: لا وانت صادق الكاميرات كانت متركبه من الاول وكمان اجهزه تنصت دا غير اجهزه تنصت الي في المطعم هنا
انا: اجهزه تنصت هنا ازاي وليه أساسا
عبدو: علمي علمك انا هكرت سستم الكاميرات ودخلت علي شبكه بتاعه اجهزه التنصت ولقيت حاجات تشيب
انا: حاجات ايه
عبدو: في ناس هنا بتيجي تخلص شغلها الي تحت تربيزه وشغل ايه بقي مقولكش من كل شكل ولون تقريبا الي حط الاجهزه ديه عايز يعرف أو يمسك علي ناس ديه ذله
انا: وانت معرفتش مين صاحب الاجهزه ديه
عبدو: نرمين الفارس الي انت اتجوزتها قبل ما تدخل المستشفي يا نمس
انا: يبقي هاكرت كاميرات في بيتها
عبدو: لا مفيش ولا كاميرا في بيت نرمين
انا: ماشي يا عبدو تسلم علي كلام الحلو دا كل بقي عشان الاكل برد
وبدأنا في الاكل وانتهينا وكان الاكل لذيذ للغايه وكنا مستمتعين ونضحك حتي اتي محمد ووقف امامي مره اخري وينظر لي بشمأزاز
انا: خير في حاجه
محمد: ايه الي يخلي الخدام يقعد ياكل اكل الاسياد قوم يا جربوع انت من هنا
انا : جربوع انت عارف ان في حيوان اسمه الجربوع يا محمد الحيوان دا غريب جدا بيعيش في الصحراء وحجمه صغير اوي لكنه خطير لدرجه ان محدش عارف هو بيهجم ازاي
محمد: خلصت فقره ناشونال جيوغرافيك
انا: مش فاهمني برضوا انا يحذرك اصل الجربوع دا مش حاجه سهله عشان تستهون بيه
وحركت قدمي و وضعتها بين قدميه ثم خلف احدها وحركتها الي الامام لينقلب علي الارض وقدمه تصتدم بالطاوله ويسكب الباقي من العصير عليه فينفجر كل من في المطعم من الضحك علي مظهره حتي أصدقائه
انا: مش قولتلك محدش يعرف هو بيهجم ازاي
فنهض محمد وهو في أوج غضبه انا ايضا نهضت وتراجعت للخلف ليهجم محمد علي وانا التنحي جانبا ليلكم عمود حديدا بدل مني فابتعد عنه واقف علي حافه التراس والسور خلفي ليتقدم نحوي وهو يركض فابتعدت مره اخري ولكن هذه المره انقلب وسقط علي الرصيف من حسن حظه أن التراس لا يبتعد عن الأرض كثيرا فيركض ناصر ورامي علي محمد لياخذواه ويرحلوا من أمامي سريعا وانا اضحك علي مظهره المزري
عبدو: انت ملمستش الواد
انا: مش هو الي اختار يقف قصاد الجربوع هههههههههه
عبدو: ايه الجربوع دا اساسا
انا: دا حيوان من فصيله القوارض بس رجله طويله و ودانه طويله عشان كدا بيعرف يجري بسرعه ويسمع من مسافات بعيده وبيحب يعيش في صحراء
عبدو: وبيهحم ازاي يعني
انا: ولا بيهجم ولا يحزنون هو بيجري ويستخبي بس انا حبيت أطور دفاعات شويه ههههه يلا بينا يا عم نمشي انا ورايا مشوار مهم لازم اعمله
فذهب هو الي السكن وانا دفعت ثمن الطعام وأخذت سيارتي وذهبت الي منزل علي صديقي وطرقت الباب ليفتح لي والده
والد علي: سيف انت فين يا ابني دا احنا قلبنا عليك الدنيا وايه الي في وشك دا
انا: يا عم ممدوح سبني ادخل وبعدين حقق معايا براحتك انا عضمي مكسر
ممدوح: طب تعالي ادخل تعالي
فدخلت الي المنزل لأجد علي يجلس هو وأخيه علي الاريكه ويشاهدون التلفاز
انا : بيعحبني فيك انك رايق اوي يا علوه
فوقف علي امامي وضربني بقبضته
علي: عشان تسيبني وتمشي تاني من غير ما تقولي رايح فين وتفضل قالقنا عليك كدا
انا: هو انا بقيت ملطشه في ايه يا جدعان
ممدوح: اترزع بقي وفهمني انت كنت فين طول الفتره الي فاتت وايه الي بهدلك كدا
انا: حراميه طلعوا عليا من كام يوم سرقوني حاولت اقاومهم نزلوا فيا ضرب واتخرشمت
فنظر علي الي مفاتيح سيارتي وقال: سرقوا الموبيل والمحفظه وسابوا العربيه
انا: يظهر أن محدش فيهم كان بيعرف يسوق متركزش يا علي اوي كدا ابوس ايدك
ممدوح : طب استني ( وأخرج هاتفه واتصل علي ابي) الو ايوه يا عبدرحمن انا ممدوح ....لا خير سيف بس اخيرا جه عندنا وقاعد قدامي اهو ......طب هو معاك
انا: الو يا بابا خبار حضرتك ايه
ابي: انت كنت مختفؤ فين الفتره ديه كلها
انا: مش مختفي ولا حاجه يا بابا انا بس الشغل هالكني وكمان تلفوني اتسرق
ابي بلهفه :اتسرق طب انت بخير حصلك حاجه
انا: لا انا بخير شويه كدمات بسيطه بس في وشي حاولت اقاومهم
ابي: وتقاومهم ليه ما يغور التلفون والفلوس المهم انت
انا: انا بخير ولله مش عايز حضرتك تقلق
ابي: طب اسمع خليك عند عمك ممدوح وانا بكره هبعتلك تلفون جديد بالخط بتاعه عشان اعرف اطمن عليك وخد بالك من نفسك
انا: حاضر يا بابا ماما بي اخبارها ايه وقمر وكريم
ابي: كلنا كويسين الحمدلله بس انت مكلمتنيش ليه من تلفون محمد
انا: وهكلم حضرتك من تلفون محمد ليه
ابي: انا كلمت محمد من ساعتين تقريبا و قالي أنه قاعد في المطعم الي انت شغال فيه وانك قدامه انت مقولتلوش ليه علي الي حصل
انا: لا يا حج هو خلي عمي منتصر يروح يشوف محمد حصل كسر في دراعه ولا في كسر في مناطق تانيه
ابي : كسر ايه هو محمد اتخانق مع مين
انا: معايا حب يقل مني فوقفت قدام سور التراس مظبوط وهو دخل فيا زاي ثور فبعدت عن سكته وهو انقلب في شارع
ابي: وهو قام كدا من الباب لطاق انت معملتش حاجه
انا: بابا اظن حضرتك عارف كويس اوي أن محمد مش جاي يتفسح محمد جاي عشان يهني
ابي: انت بتعمل ايه غير الشغل يا سيف
انا: ولا حاجه بروح البيت علي طول أساسا الشغل هالكني
ابي: يعني مش بتتسرمح هناك زاي ما كنت بتعمل هنا
انا: بتسرمح مين دا الي بيتسمرح يا بابا سواء هنا او هناك حضرتك عارف اني مليش في الكلام دا
ابي: خلي علي يوريك صور الي هبعتها علي تلفونه وبعدين ابقي رد عليها عشان ردك هيحدد هتعامل معاك ازاي بعد كدا سلام
أغلق المكالمه وانا حائر ولا أفهم شئ مما قاله والدي ماذا يعني بكلامه
انا: هو ايه الي بيحصل في القاهره بظبط يا علي
علي: تعالي نطلع اوضتي نرتاح وبعدين نكلم بعد اذنك يا بابا
ممدوح: اتفضلوا
وتركت هاتف ممدوح علي الطاوله امامي و صعدت خلف علي وجلست علي السرير
انا: حصل ايه بظبط
علي: نور بعتت صور ليك و انت حاضن بنت في ديسكو وصور تانيه وانت بتشرب خمره وعماله تقول عليك كلام زاي الزفت وجدك وجدتك مش طايقنك وكانوا عايزين يرجعوك القاهره لكن انت اخفيت ومحدش عرف سكتك
انا: وهما صدقوا اني كدا، صدقوا اني بتاع بنات وخمره
علي: سامحني يا سيف في الي هقوله بس انا للحظه شكيت فيك انت لو شوفت الصور هتشك في نفسك
ورن هاتف علي بشكل اوضح وصل رسائل ففتح علي الرسائل وكانت صور التي تحدث عنها منذ قليل اراها لي وكانت صدمه كبيره سقطت علي رأسي انه انا بالفعل ما هذا الجنون لقد كان علي محق عندما قال إنه عند رؤيتي لصور سوف اشك في نفسي لقد بدأت بالفعل في شك ماذا افعل
انا: انا مش فاهم الصور ديه مش حقيقيه انا عمري ما روحت الاماكن ديه بس الي في صور ديه انا
علي : فهمت قصدي الدنيا مقلوبه عليك في القاهره وابوك مقعدك هنا لحد دلوقتي عشان بيدور و والموضوع دا وبيحاول يحله لانك لو نزلت و وقفت قصاد جدك هتتنفخ
بمجرد سماعي تلك الكلمات المضاف اليها جدي انتابني غضب عارم عصف بكل ما بداخلي
انا: جدي انا الي لو وقفت قدامه هقتله واشرب من دمه علي كل الي حصلي بسببه كل دا بسبب العهد الي اخده عليا
علي: وايه بقي الي حصلك
انا: اتخطفت اتعذبت اتذليت قاعد في المستشفي بقالي شهر بين الحياه والموت عيل تافه زاي محمد يهني ويضربني قدام الناس في المطعم ويقول عليا اني مجرد حثاله جربوع ناسب أنه ابن شحاته اديها متوسخه بسرقه ويا عالم متوسخه بايه تاني او هو فعلا اب......
كتم علي فمي في تلك اللحظه
علي: مهما حصل يا سيف اوعي تخوض في عرض حد اوعي تقول كلمه في الموضوع دا بتندم عليها باقي عمرك
انا: عايزني اعمل ايه انا في نار جوايا نار
علي : مبلغتش البوليس ليه
انا: وأبلغه ليه البوليس برا الحدوته ديه ومش هيعمل حاجه الي خطفني كان ولاد فهد الغازي الي كل عائلته شغاله في الأمن هنا يعني الموضوع هيطرمخ دا غير أن ابويا هيجي وهيرجعني القاهره والي انا فيه هنا لازم اخلصه قبل ما انزل القاهره والا هتفضل في شوكه في ضهري
علي: عملت ايه تاني يا مصيبه
حكيت له عما فعلته نرمين وكلامها لي وأيضا عبدو و احترافه في اختراق الاجهزه و اكتشافه أمر اجهزه التصنت وكاميرات المراقبه وخطه محمد وعادل ومؤنس وما اكتشفته عن عادل
علي: يا نهر ابوك اسود ايه كل البلاوي ديه كل دا حصل
انا: عرفت ليه مينفعش ارجع القاهره والالعن في كل دا أن أي حل مربوط بان العهد الزفت دا ينكسر
علي : انا الي هكسر دماغك يعني قولنا كتبت ورقه عرفي مع واحده اكبر منك في سن وممكن نلاقي حل ونطلع برا الحوار من غير خسائر خناقه بسيطه علي البحر بسبب واحده زباله بتحصل لكن انت بتكلمني في مصائب ابن عمك عايز شويه انجاس يغتصبوا اختك ونرمين شكلها عايزه تشغلك معاها شمال وعبدو دا اساس مش مرتاح له ولا معرفته بالكلام دا كله مريحني وانت مضروب وطلعان عين اهلك ومش هتعرف تهش نموسه وعايز تحل كل دا انت لازم تكلم ابوك وتحكيله كل حاجه
انا: خلاص مبقاش ينفع
علي: ليه
انا: لان بعد السمعه الزباله الي انتشرت عليا ديه محدش هيصدقني وخصوصا أن الي نشر الحوار هي نور يعني ببساطه هيقولوا اني اتبلت عليهم عشان اداري علي فضيحتي وانتقم عشان هما فضحوا حقيقتي قدام العيله وانا مفيش اي دليل علي كلامي شوفت الهنا الي انا فيه
سكت علي وهو ينظر لي بعيون واسعه غير مصدق ما يسمعه وتلك المخططات المدقنه التي لا تشوبها شائبه
علي: يخرب بيت دماغ مرات عمك دا لو هو دا قصدها يبقي ديه الشيطان بعينه ديه مش سايبه تفصيله طب والحل
انا: في حل يخلصنا من كل دا ومن كل الناس بضربه واحده بس كله معتمد علي ان العهد يكسر والا مش هعرف انفذ اي حاجه
اتت رساله علي هاتف علي صديقي فنظر لها وهو لا يفهم اي شئ ثم القي هاتفه لي
علي: الرساله ديه ليك انت
فنظرت الي هاتف علي لاصطدم بكلمات الرساله ولكن لبس كثيرا فكنت أتوقعها ولكن المرسل هو من جعل يتكون العديد من الاساله في ذهني
علي: ها فهمت حاجه
انا: و يا ريتني ما فهمت ،اهم حاجه لازم اعرفها انت معايا في الي ناوي اعمله ولا مش قد الحوار دا وأخلص كل حاجه لوحدي
علي: اعمل فيك ايه ما انت قدري معاك حتي لو علي جهنم يا مصيبه
انا: يبقي اتوكلنا علي الله
علي: اصبر بس يا شاطر وتعالي هنا احنا لسه محلناش مشكله كسر العهد عندك حل
انا: لقيت حل بس مش مضمون بس مقدميش غيره
علي: كفايه بسبسه يا قطه ،حل ايه دا
انا: الكاتشنجو يا خفيف
علي: مش ديه اكله أيطالي باين
انا: تصدق انا غلطان اني بكلم مع واحد تافهه زيك ،هفهمك الصبح لما ارجع
علي: ترجع ايه انت مش هتخرج من هنا والا ابويا هينفخنا وانت مش ناقص
انا: متقلقش في مشوار مهم لازم اعمله وهرجع علي طول
علي: مشوار ايه دا الي هتعمله الساعه ١٢ ونص
انا: هقولك لما ارجع
**********************
في منزل عز الهداجي
عز: برافو يا اميره بس انتي متاكده أنه هيجي
اميره: مش حاطه خطتي علي احتمال واحد يا بابا ومش هستناه يتحرك انا بس بشوقه عشان اكسر غروره واعرفه إن مش دايما الحل عنده ولازم يتعلم يطلب المساعده وبحترام
امجد: انا بصراحه شايف أن الواد جايب اخره انا لو مكانه كنت مت من القهره علي حالي
عز: سيف اقوي بكتير مما تتصور يا امجد
اميره: الادهي أن سيف مش محتاج يستخدم دراعه عشان حاجه سيف اقوي بكتير من غير كل دا لانه ذكي وقدراته مستواها عالي لكنه حصر نفسه في مكان ديق اوي ولازم يخرج منها
اتت الخادمه واخبرت عز أن السيد ادم يريد الدخول اخبرها أن تدخله سريعا فدخل ادم وهو يبتسم
ادم: بقي انت تاخد اجازه وتروق دماغك وانا اتعك في كل حاجه لوحدي
عز: دا علي أساس أن شغلي زاي شغلك يا آدم
ادم: اخبارك ايه يا أميره وانت يا امجد
امجد: بخير يا عمي
اميره: الحمدلله يا اونكل بس حضرتك مش متعود تيجي لبابا هنا
ادم : اصل الي بيحصل اليومين دول يخلي الواحد مخه يشت وخصوصا موضوع سيف
عز: متقلقش سيف هيجي قريب عندي هنا وهنفكله العهد الغبي الي مهران اخده عليه وبعدها هو يتصرف علي كيفه
ادم: نرمين الفارس وصلت لسيف وخلته يمضي علي عقد جواز عرفي بينهم
اسودت وجوه الجميع من هول الصدمه ما الذي يقال
اميره: اتجوزها ازاي يعني هو مش سيف قاصر أساسا يعني ميملكش أنه يجوز بنفسه وكمان هو يعرف نرمين منين
امجد: ولو هو متجوز نرمين ليه شغال في المطعم لسه
ادم : سيف اتنصبله كمين مظبوط بسنتي عشان يقع في شبكه نرمين ودلوقتي مستحيل يخرج منها غير بدم
عز: انهي دم يا آدم
ادم: دمها طبعا، القرار جه من برا سيف فضله حركه لو عملها يبقي قرب يكشف نرمين وهيقتلوه
امجد: وسيف أساسا ميقدرش يعمل حاجه بسبب العهد
اميره: هو الكل فجاه بقي عايز رقبه الواد اول ما بقي عاجز
ادم: في مثل بيقولك العجل لما ببقع بتكتر سكاكينه وسيف كل سكاكين كانت متوجهة ناحيته من غير حاجه ،عز لو هتوصلوا لسيف يبقي تجيبه هنا في اسرع وقت وبشكل يخليه يختفي مش عايز حد يعرف مكان سيف ابدا
عز: بس انت عرفت ازاي انت مش قولت رجالتك الي في بيت نرمين اختفوا
ادم: لقط مكالمه بين نرمين والجماعه بتاعتها برا بصدقه
عز: كدا مبقاش ينفع حاجه اسمها صدفه لازم عيونا تفضل موجوده هناك عمار
اتي عمار و وقف أمام عز وينتظر أوامره
عمار: امرك يا باشا
عز: فيلا نرمين الفارس تبقي تحت عيونا من غير ما تتكشف اتحرك
عمار: امرك
**************************
اخذت سيارتي و ذهبت الي فيلا نرمين لاني أردت أن أعرف أمرا مهما منها وعند وصولي طرقت علي الباب لتفتح لي الخادمه
الخادمه : سيف بيه اتفضل
انا: شكرا ، نرمين فين
الخادمه : هبلغها حالا بوصولك
وذهبت الخادمه وبعد خمس دقائق اتت نرمين وهي تركض بفرح
نرمين: سيف انا مبسوطه اوي انك جيت
انا: اتخنقت شويه قولت اجيلك
نرمين: معلش يا حبيبي انا هخليك تاخد حقك من الكلب الي اسمه محمد دا علي الي عمله فيك
انا: هو جاسر لحق يبلغك
نرمين: انت عارف مفيش حاجه تستخبي علي نرمين
انا: واضح اص...............
وسمعنا صوت طرق شديد علي باب المنزل
انا: أيده التخلف دا
نرمين: مش عارفه استني كدا (وذهبت بالقرب من الباب ) مين
صوت : بوليس
********************
نهايه البارت واسف علي تاخير واتمني يعجبكم